ବୋରୱେଲ ଗାତକୁ ଖସିଲା ଅଢେଇ ବର୍ଷର ଶିଶୁ , ଚାଲିଛି ରେସ୍କ୍ୟୁ ଅପରେଶନ୍ ..
1 min read
ମଧ୍ୟପ୍ରଦେଶ : ବୋରୱେଲ ଖୋଳି ଗାତକୁ ଖୋଲାରେ ଛାଡିବା ପଡିଲା ମହଙ୍ଗା । ପୁଣି ବୋରୱେଲ ଗାତକୁ ଖସିଲା ଅଢେଇ ବର୍ଷର ଶିଶୁ । ଅନ୍ଦାରିଆ ବୋରୱେଲ ଗାତରେ ପଡି ଜୀବନ ମୃତ୍ୟୁ ସହ ସଂଘର୍ଷ କରୁଛି ଅଢେଇ ବର୍ଷର କୁନି ଝିଅ ।
ଆଜି ଏଭଳି ଏକ ଅଭାବନୀୟ ଘଟଣା ମଦ୍ୟପ୍ରଦେଶ ସିଏମ୍ ଶିବରାଜ୍ ସିଂ ଚୌହାନଙ୍କ ଜିଲ୍ଲା ସିହୋରର ମୁଙ୍ଗାବଲି ଅଞ୍ଚଳରେ ଦେଖିବାକୁ ମିଳିଛି । ସୂଚନା ପାଇଁ ପ୍ରଶାସନ ଟିମ୍ ଗାଁରେ ପହଞ୍ଚି ରେସ୍କ୍ୟୁ ଅପରେଶନ ଆରମ୍ଭ କରିଦେଇଛନ୍ତି ।
ରାଜ୍ୟରେ ବୋରୱେଲରେ ପିଲାମାନେ ପଡ଼ିଯାଉଥିବା ଘଟଣାକୁ ଦୃଷ୍ଟିରେ ରଖି ସେହୋର ଜିଲ୍ଲା ପ୍ରଶାସନ ଏକ ଅଭିଯାନ ଆରମ୍ଭ କରିଥିଲା।
ଖୋଲା ପଡିଥିବା ବୋରୱେଲ କୁ ଶୀଘ୍ର ବନ୍ଦ କରିବାକୁ ମାଲିକମାନଙ୍କୁ ଚେତାବନୀ ଦିଅଯାଇଥିଲା । ଏହାପରେ ମଧ୍ୟ ମଧ୍ୟପ୍ରଦେଶରେ ଏଭଳି ଘଟଣା ସାମ୍ନାକୁ ଆସିଛି । ତେବେ ଘଟଣା ସ୍ଥଳରେ ଉପସ୍ଥିତ ଥିବା ଯୁବ କଂଗ୍ରେସ ରାଜ୍ୟ ସଚିବ ରାଜୀବ ଗୁଜରାତି କହିଛନ୍ତି ଯେ ବୋରୱେଲରେ ଖସିଥିବା ଝିଅର ନାମ ସୃଷ୍ଟି କୁଶୱା । ଘର ମୁଙ୍ଗବଲି । ଶିଶୁଟି ଖେଳିବା ସମୟରେ ଖୋଲା ଥିବା ବୋରୱେଲ ରେ ଗଳିପଡିଥିଲେ ।
ତେବେ ଘଟଣା ଦୁଇଟି ଜେସିବି ଏବଂ ଡାକ୍ତରୀ ଦଳ ମଧ୍ୟ ପହଞ୍ଚିଛନ୍ତି । ପ୍ରଥମ ପଦକ୍ଷେପରେ କୁନି ଝିଅ ପାଖକୁ ଅମ୍ଳଜାନ ପଠାଯିବାର ବ୍ୟବସ୍ଥା କରାଯାଇଛି । ଏହାପରେ ରେସ୍କ୍ୟୁ କାମ ଜାରିକରାଯାଇଛି । ଘଟଣା ସ୍ଥଳରେ ଲୋକଙ୍କ ଭିଡକୁ ଦୃଷ୍ଟିରେ ରଖି ସେହି ସ୍ଥାନରେ ବ୍ୟାରିକେଡ୍ ଦିଅଯାଇଛି ।
