ଭୁଲ ରାସ୍ତା ଦେଖେଇଲା ଗୁଗୁଲ ମ୍ୟାପ, ମରୁ ମରୁ ବଞ୍ଚିଗଲେ ପାଞ୍ଚ ଜଣ..
ବର୍ତ୍ତମାନ ଡିଜିଟାଲର ଯୁଗ ଚାଲିଛି । ତେଣୁ ଯେ କେହେବି ଟେକ୍ନୋଲୋଜି ଉପରେ ନିର୍ଭରଶୀଳ । ଯଦି କେହି କୌଣସି ସ୍ଥାନକୁ ଯାଉଛନ୍ତି ଆଉ ରାସ୍ତା ବିଷୟରେ ଅବଗତ ନାହାନ୍ତି ତେବେ ହାତ ପାହାନ୍ତାରେ ରାସ୍ତାର ସୂଚନା ଦିଏ ମୋବାଇଲ । ଅର୍ଥାତ୍ ଗୁଗୁଲ ମ୍ୟାପର ବ୍ୟବହାର କରି ଆମେ ସହଜରେ ଠିକଣା ପାଇପାରୁ । ହେଲେ ବେଳେବେଳେ ଗୁଗୁଲ୍ ମ୍ୟାପ୍ ଏପରି କିଛି ରାସ୍ତା ଦେଖାଏ ଯେଉଁଥିପାଇଁ ହଇରାଣ ହରକତ ହେବାକୁ ପଡିଥାଏ । ଏହାର ଉଦାହରଣ ଦେଖିବାକୁ ମିଳିଛି କେରଳର କୁରୁପନ୍ତରାଠାରେ । ଏହି ଗୁଗୁଲ୍ ମ୍ୟାପ୍ ପାଇଁ ମୃତ୍ୟୁ ହେବା ସୁନିଶ୍ଚିତ ଥିଲା। କୁହାଯାଉଛି ଯେ ଶୁକ୍ରବାର ରାତିରେ ହାଇଦ୍ରାବାଦରୁ ଏକ ପର୍ଯ୍ୟଟକ ଦଳ ଆଲାପୁଜା ଅଭିମୁଖେ ଯାଉଥିଲେ। ଯେହେତୁ ସମସ୍ତେ ଏହି ଅଞ୍ଚଳ ବିଷୟରେ ଅବଗତ ନଥିଲେ, ସେମାନେ ନିଜ ଗନ୍ତବ୍ୟ ସ୍ଥଳରେ ପହଞ୍ଚିବା ପାଇଁ ଗୁଗୁଲ ମ୍ୟାପର ସାହାଯ୍ୟ ନେଉଥିଲେ,। ହେଲେ ଗୁଗୁଲ ମ୍ୟାପ ବ୍ୟବହାର କରି ସେମାନେ ସିଧାଯାଇ ଏକ ନଦୀରେ ପଡ଼ିଯାଇଥିଲା।
ପୋଲିସ କହିଛି ଯେ ହାଇଦ୍ରାବାଦରୁ ଆସିଥିବା ପର୍ଯ୍ୟଟକଙ୍କ ଗାଡି ଦକ୍ଷିଣ କେରଳର କୁରୁପନ୍ତରା ଜିଲା ନିକଟରେ ଏକ ନଦୀରେ ପଡ଼ିଯାଇଥିଲା। ବିଳମ୍ବିତ ରାତିରେ ଏହି ଘଟଣା ଘଟିଛି। ଜଣେ ମହିଳାଙ୍କ ସମେତ ଚାରି ଜଣ ଲୋକ ଆଲାପୁଜା ଆଡକୁ ଯାଉଥିଲେ। ସେ ଯେଉଁଆଡେ ଯାଉଥିଲେ ବର୍ଷା ହେଉଥିଲା। ଏହି କାରଣରୁ ରାସ୍ତାଗୁଡ଼ିକ ପାଣିରେ ବୁଡ଼ି ଯାଇଥିଲା। ପର୍ଯ୍ୟଟକମାନେ ଏହି ଅଞ୍ଚଳ ବିଷୟରେ ଜାଣି ନ ଥିବାରୁ ସେମାନେ ଗୁଗୁଲ ମ୍ୟାପ ସାହାଯ୍ୟ ନେଉଥିଲେ, କିନ୍ତୁ ଭୁଲ ତଥ୍ୟ ହେତୁ ସେମାନଙ୍କ କାର ପାଣି ଭର୍ତ୍ତି ନଦୀରେ ଫସିଯାଇଥିଲା । ତେବେ, ପୋଲିସ ପାଟ୍ରୋଲିଂ ୟୁନିଟ ଏବଂ ସ୍ଥାନୀୟ ବାସିନ୍ଦାଙ୍କ ଉଦ୍ୟମରେ ଚାରିଜଣ ଉଦ୍ଧାର ହୋଇଥିଲେ, କିନ୍ତୁ ସେମାନଙ୍କ ଗାଡି ପାଣିରେ ବୁଡ଼ି ଯାଇଥିଲା।
