କୋଚିଙ୍ଗ ସେଣ୍ଟର୍ କୁ ଯାଉଥିଲେ ଛାତ୍ରୀ ; ରାସ୍ତାରେ ଘୋଷାଡି ନେଲା ସରକାରୀ ଗାଡି

ବଲାଙ୍ଗିର ; ବୁଧୁବାର ସଂଧ୍ୟାରେ ସରକାରୀ ଗାଡ଼ି ଧକ୍କାରେ ଜଣେ ଛାତ୍ରୀ ଗୁରୁତର ହୋଇଥିବା ଜଣାପଡ଼ିଛି । ବଲାଙ୍ଗିର ସହରର ରୁଗୁଡ଼ିପଡା ସ୍ଥିତ ଜିଲ୍ଲା ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟ ସମ୍ମୁଖରେ ଏଭଳି ଏକ ଘଟଣା ଘଟିଛି । ଦୁର୍ଘଟଣାରେ ଗୁରୁତର ଆହତ ହୋଇଥିବା ଛାତ୍ରୀ ଜଣକ ହାତୀଶାଲପଡ଼ାର ଆୟଶା ଖଟୁଆ ।

ସୂଚନା ଅନୁସାରେ ଗତକାଲି ସେ ସାଇକେଲରେ କୋଚିଂ ସେଣ୍ଟର୍‌କୁ ଯାଉଥିବା ବେଳେ ଭାରତ ସରକାର ରକ୍ଷା ମନ୍ତ୍ରଣାଳୟର ଏକ ଗାଡ଼ି ତାଙ୍କୁ ପଛ ପଟୁ ଧକ୍କା ଦେଇ ଘୋଷାଡି ନେଇଥିଲା । ଫଳରେ ତାଙ୍କର ଗୋଟିଏ ଗୋଡ଼ ସମ୍ପୂର୍ଣ୍ଣ ଭାବରେ ନଷ୍ଟ ହୋଇଯାଇଥିବା ବେଳେ ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରି ଭୀମ ଭୋଇ ମେଡିକାଲ କଲେଜ ଓ ହସ୍‌ପିଟାଲ୍‌ରେ ଭର୍ତ୍ତି କରାଯାଇଛି । ତେବେ ସରକାରୀ ଗାଡ଼ିର ଡ୍ରାଇଭରଙ୍କୁ ଥାନାରେ ଅଟକ ରଖାଯାଇ ପୋଲିସ ପଚରା ଉଚରା କରୁଥିବା ଜଣାପଡିଛି ।

Advertisement