ଗପସପ ହେଉଥିଲେ ଭୁଶୁଡ଼ି ପଡ଼ିଲା ପାଚେରୀ ଚାଲିଗଲା ୪ ଜୀବନ, ଜଣେ ଗୁରୁତର

ହରିୟାଣରେ ଘଟିଛି ଅଭାବନୀୟ ଘଟଣା| ମସାଣି ପାଚେରୀ ଭୁଶୁଡ଼ିବାରୁ ହୋଇଛି ୪ ଜଣଙ୍କ ମୃତ୍ୟୁ ଘଟିଛି | ଏଥିରେ ଅନେକ ଲୋକ ହୋଇଛନ୍ତି ଆହତ | ହରିୟାଣର ଗୁରୁଗ୍ରାମର ଥିବା ଏକ ଶ୍ମଶାନରେ ଘଟିଛି ଏଭଳି ଘଟଣା | ଏହି ଅଭାବନୀୟ ଘଟଣାର ସମ୍ପୂର୍ଣ ଭିଡ଼ିଓ ସିସିଟିଭି କ୍ୟାମେରାରେ ହୋଇଛି କଏଦ | ୧୫ ଫୁଟ ପାଚେରୀର କିଛି ଅଂଶ ହଠାତ ଭୁଶୁଡିପଡିଥିଲା | ଯାହା ଫଳରେ ଅନେକ ଲୋକ ଏହା ତଳେ ଚାପି ହୋଇଯାଇଥିଲେ | ତେବେ ମୃତକଙ୍କ ମଧ୍ୟରେ ଜଣେ ଶିଶୁ ରାଇଥିବା ଜଣାପଡିଛି | ଆହତମାନଙ୍କୁ ଚିକିତ୍ସା ନିମନ୍ତେ ହସ୍ପିଟାଲରେ ଭର୍ତ୍ତି କରାଯାଇଛି | ଅର୍ଜୁନ ନଗରରେ ଏକ ଶ୍ମଶାନର ପାଚେରୀର କିଛି ଅଂଶ ଭୁଶୁଡ଼ି ପଡ଼ିବାରୁ ୪ ଜଣଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି। ମୃତକଙ୍କ ମଧ୍ୟରେ ଜଣେ ନାବାଳିକା ଅଛନ୍ତି।

ତେବେ ଶ୍ମଶାନ ଭୁଶୁଡିବା ସଙ୍ଗେ ସଙ୍ଗେ ସ୍ଥାନୀୟ ଲୋକମାନେ ଉଦ୍ଧାର କରିବା ପାଇଁ ଆଗେଇ ଆସିଥିଲେ | ଏବଂ ପୋଲିସକୁ ଦେଇଥିଲେ ସୂଚନା | ସୂଚନା ପାଇ ଘଟଣାସ୍ଥଳରେ ପୋଲିସ ତତୁରଂତ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା | ତଳେ ଚାପି ହୋଇଯାଇଥିବା ଲୋକଙ୍କୁ JCB ସାହାଯ୍ୟରେ ଉଦ୍ଧାର କରିଥିଲେ | ଏପର୍ଯ୍ୟନ୍ତ ମୃତକ ମାନଙ୍କ ପରିଚୟ ମିଳିପାରିନାହିଁ |

ଦୁର୍ଘଟଣା ବେଳର ଦୃଶ୍ୟ ସିସିଟିଭିରେ ରେକର୍ଡ ହୋଇଛି। ଏଥିରେ ଦେଖିବାକୁ ମିଳିଥିଲା ଯେ ଜନବସତି ପାଖରେ ଥିବା ଏହି ଶଶ୍ମାନର ପାଚେରୀ ପାଖରେ ଚୌକିରେ ବସି କିଛି ଲୋକ ଗପସପ କରୁଥିଲେ । ଜଣେ ବ୍ୟକ୍ତି ଛିଡ଼ା ହୋଇ ସେମାନଙ୍କ ସହିତ ଗପସପ କରୁଥିଲେ । ସେହି ସମୟରେ ହଠାତ ପାଚେରୀଟି ଭୁଶୁଡ଼ି ପଡିଥିଲା । ୩ ଜଣ ବ୍ୟକ୍ତି ପାଚେରୀ ତଳେ ପୂରା ଚାପି ହୋଇଯାଇଥିବା ସିସିଟିଭିରୁ ସ୍ପଷ୍ଟ ଜଣାପଡିଥିଲା ।