ପୁଣିଥରେ ବଡ଼ ପରଦାରେ ଧମାଲ ମଚାଇବେ ହରଭଜନ ହରଭଜନ ସିଂ,ଏହି ଫିଲ୍ମ ରେ ଆସିବେ ନଜର..
1 min read
ହରଭଜନ ସିଂ (Harbhajan Singh) ଭାରତୀୟ କ୍ରିକେଟ୍ ଇତିହାସରେ ଅନ୍ୟତମ ମହାନ ଖେଳାଳି ଭାବରେ ସର୍ବଦା ଗଣାଯିବେ । ଜଣେ ସଫଳ ଖେଳାଳି ହେବା ପରେ ଜଣେ ସଫଳ କମେଣ୍ଟେଟର୍ ଭାବେ ସେ ସୁନାମ ପାଇଛନ୍ତି । ହେଲେ ଭଜ୍ଜି ନାଁରେ ଲୋକପ୍ରିୟ ଏହି ସିଖ୍ ଖେଳାଳି ଏବେ ଫିଲ୍ମ ରେ ନଜର ଆସିବେ ।
ପୂର୍ବତନ କ୍ରିକେଟର ତଥା ବର୍ତ୍ତମାନର ରାଜ୍ୟସଭା ସାଂସଦ ହରଭଜନ ସିଂ ତାଙ୍କର ଆଗାମୀ ଫିଲ୍ମ ଘୋଷଣା କରିଛନ୍ତି। ସେ ପୁଣିଥରେ ବଡ ପରଦାରେ ଏକ ଧମାକା କରିବାକୁ ଯାଉଛନ୍ତି । ସେ ତାଙ୍କ ଆଗାମୀ ଚଳଚ୍ଚିତ୍ରର ପୋଷ୍ଟର ସେୟାର କରି ଫିଲ୍ମର ଟାଇଟଲ ଘୋଷଣା କରିଛନ୍ତି । ଯେଉଁଥିରେ ତାଙ୍କ ପ୍ରଥମ ଲୁକ୍ ଦେଖିବାକୁ ମିଳିଛି । ଏହାକୁ ଫ୍ୟାନ୍ସ ପସନ୍ଦ କରିବା ସହ ଫିଲ୍ମକୁ ଉତ୍ସାହର ସହ ଅପେକ୍ଷା କରିଛନ୍ତି ।
ହରଭଜନ ସିଂ ଫିଲ୍ମ ‘ସାଭିୟର’ରେ ନଜର ଆସିବେ । ଫିଲ୍ମର ପୋଷ୍ଟର ସୋସିଆଲ ମିଡିଆରେ ସେୟାର କରି ଏହା ଘୋଷଣା କରିଛନ୍ତି । ଏହା ସେୟାର କରି ସେ ଲେଖିଛନ୍ତି, ‘ନିର୍ଦ୍ଦେଶକ ଜନ୍ ଏବଂ ତାଙ୍କ ଟିମ୍ ସହ ପୁଣି ଥରେ କାମ କରିବାକୁ ଉତ୍ସାହିତ, ଏହି ଚଳଚ୍ଚିତ୍ର ସମସ୍ତଙ୍କ ପାଇଁ ଏକ ବଡ଼ ମନୋରଞ୍ଜନ ହେବ, ପ୍ରସ୍ତୁତ ରୁହ’ । ଫିଲ୍ମର ନାମ ‘ସାଭିୟର’ ହୋଇଥିବା ବେଳେ ଏହି ଚଳଚ୍ଚିତ୍ରରେ ହରଭଜନ ଜଣେ ଡାକ୍ତର ଭୂମିକାରେ ନଜର ଆସିବେ । ଏହି ଫିଲ୍ମରେ ତାଙ୍କର ନାମ ଡକ୍ଟର ଜେମ୍ସ ମଲହୋତ୍ରା। ଯଦିଓ ଫିଲ୍ମଟି କେବେ ରିଲିଜ୍ ହେବ ସେ ସମ୍ପର୍କରେ କୌଣସି ସୂଚନା ପ୍ରକାଶ କରାଯାଇ ନାହିଁ, ଖୁବ୍ ଶୀଘ୍ର ଏକ ଅପଡେଟ୍ ସେ ସେୟାର କରିବେ ବୋଲି ଆଶା କରାଯାଉଛି ।
