ସାମ୍ନାକୁ ଆସିଲା ଛାଡ଼ପତ୍ରର କାରଣ , ହାର୍ଦ୍ଦିକ ଦେଇଛନ୍ତି ନତାଶା ଙ୍କୁ ଧୋକା !
କିଛି ଦିନ ହେବ ହାର୍ଦ୍ଦିକ ପାଣ୍ଡ୍ୟା ଏବଂ ନତାଶାଙ୍କୁ ନେଇ ଚର୍ଚ୍ଚା ଲାଗି ରହିଛି । ବିବାହ ମାତ୍ର ଚାରି ବର୍ଷ ପରେ ଉଭୟ ପରସ୍ପରଠୁ ଅଲଗା ହୋଇଛନ୍ତି । ଏଭଳି ପରିସ୍ଥିତିରେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ ହାର୍ଦ୍ଦିକ ଏବଂ ନତାଶା କାହିଁକି ଅଲଗା ହେଲେ? ଏ ପର୍ଯ୍ୟନ୍ତ ଉଭୟ ପକ୍ଷରୁ କୌଣସି ସରକାରୀ ବିବୃତ୍ତି ଆସିନାହିଁ। ହେଲେ ଏହାରି ମଧ୍ୟରେ ନତାଶା ସୋସିଆଲ ମିଡିଆରେ କିଛି ଏପରି କରିଛନ୍ତି ଯେଉଁଥିପାଇଁ ପ୍ରଶଂସକମାନେ ଅନୁମାନ କରୁଛନ୍ତି ଯେ ହାର୍ଦ୍ଦିକ ନତାଶାଙ୍କ ସହ ପ୍ରତାରଣା କରିଛନ୍ତି। ଗତ କିଛି ଦିନ ହେବ ନତାଶା ଇନଷ୍ଟାରେ ଧୋକାକୁ ନେଇ ବିଭିନ୍ନ ପେଜରେ କରାଯାଇଥିବା
ପୋଷ୍ଟକୁ ଲାଇକ୍ କରିବା ଆରମ୍ଭ କରିଛନ୍ତି। ପୋଷ୍ଟ ସହ ସେ ରିଲ୍ସକୁ ମଧ୍ୟ ଲାଇକ୍ କରୁଥିବା ଦେଖାଯାଇଛି। ଏହାକୁ ଦେଖି ହାର୍ଦ୍ଦିକ, ନତାଶାଙ୍କୁ ଧୋକା ଦେଇଥିବା ନେଇ ଚର୍ଚ୍ଚା ଆରମ୍ଭ ହୋଇଛି।ହାର୍ଦ୍ଦିକଙ୍କଠାରୁ ଅଲଗା ହେବା ପରେ ନତାଶା ସୋସିଆଲ ମିଡିଆରେ ନିରନ୍ତର ସକ୍ରିୟ ଅଛନ୍ତି। ସେ ତାଙ୍କ ପୁଅ ଅଗସ୍ତ୍ୟଙ୍କ ସହ ସର୍ବିଆ ଚାଲିଯାଇଛନ୍ତି। ହାର୍ଦ୍ଦିକ ପାଣ୍ଡ୍ୟାଙ୍କଠାରୁ ଅଲଗା ହେବା ପରେ ବର୍ତ୍ତମାନ ନିଜ ସହରରେ ରହୁଥିବା ନତାଶା ଷ୍ଟାନକୋଭିକ ମେ ୨୦୨୦ରେ ଭାରତୀୟ ଅଲରାଉଣ୍ଡରଙ୍କୁ ବିବାହ କରିଥିଲେ। ଏହା ପରେ, ଫେବୃଆରୀ ୨୦୨୩ରେ ଉଭୟ ହିନ୍ଦୁ ଏବଂ ଖ୍ରୀଷ୍ଟିଆନ ରୀତିନୀତି ଅନୁଯାୟୀ ବିବାହ କରିଥିଲେ। ଜୁଲାଇ ୨୦୨୪ରେ ଦୁହେଁ ଅଲଗା ହେବା ଘୋଷଣା କରିଥିଲେ।
