ପୂର୍ବ ଶତ୍ରୁତାକୁ ନେଇ ମଦ କାଚ ଭୁସି ନେଇଗଲେ ଜୀବନ

1 min read

8 months ago Niyati Das

ପୂର୍ବରୁ ଶତୃତାକୁ ନେଇ ହତ୍ୟାକାଣ୍ଡ | ମଦ କାଚ ବୋତଲରେ ଭୁସି କରାଯାଇଛି ହତ୍ୟା | ଏପରି ଘଟଣା ରାୟଗଡ଼ାର ରାମକୃଷ୍ଣ ନଗର ଠାରେ ଘଟିଛି | ହତ୍ୟାକାଣ୍ଡ ଶିକାର ଯୁବକ ହେଲେ ୩୦ ବର୍ଷୀୟ କ୍ରିଷ୍ଣା କଣ୍ଡାଗରି | ତାଙ୍କ ଘର ରାୟଗଡ଼ା ସହରର ରେଳବାଇ କୋଲୋନୀରେ। ଘାସିରାମ ଝୋଡିଆ ନାମକ ଯୁବକ ତାଙ୍କୁ ହତ୍ୟା କରିଥିବା ସୂଚନା ମିଳିଛି।

ତେବେ କ୍ରିଷ୍ଣା ଓ ଘାସିରାମ ମଧ୍ୟରେ ପୂର୍ବରୁ ଶତୃତା ରହିଥିଲା। ଆଜି ମଧ୍ୟାହ୍ନ ବେଳେ ଉଭୟଙ୍କ ମଧ୍ୟରେ ବଚସା ହୋଇଥିଲା। ଏଥିରେ ଉତ୍ତ୍ୟକ୍ତ ହୋଇ ଘାସିରାମ ନିଜେ ଧରିଥିବା ମଦ କାଚରେ କ୍ରିଷ୍ଣାଙ୍କ ଶରୀରରେ ଆକ୍ରମଣ କରିଥିଲା। ଫଳରେ ସେ ଗୁରୁତର ଆହତ ହୋଇଥିଲେ। ଖବରପାଇ ପୁଲିସ ଓ ଆମ୍ବୁଲାନ୍ସ ପହଞ୍ଚି କ୍ରିଷ୍ଣାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟ ପଠାଇଥିଲେ। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଆକ୍ରମଣ କରିଥିବା ଘାସିରାମକୁ ଧରି ପୁଲିସ ଅଟକ ରଖିଛି। ଏହିଭଳି ହତ୍ୟାକାଣ୍ଡ ପାଇଁ ରାୟଗଡା ଅଞ୍ଚଳରେ ଏକ ଭୟର ବାତାବରଣ ସୃଷ୍ଟି ହୋଇଛି |