ବଦ୍ରିନାଥକୁ ସଂଯୋଗ କରୁଥିବା ରାସ୍ତା ଉପରକୁ ଭୂଶୁଡିଲା ପାହାଡ଼,ଯୋଗାଯୋଗ ହେଲା ବିଛିନ୍ନ

ଉତ୍ତରାଖଣ୍ଡର ଚାମୋଲି ଜିଲ୍ଲାର ପାତାଲଗଙ୍ଗା ଅଞ୍ଚଳରେ ଏକ ବଡ଼ ଧରଣର ଭୂସ୍ଖଳନ ଘଟଣା ସାମ୍ନାକୁ ଆସିଛି। ପାତାଲଗଙ୍ଗାର ବଦ୍ରିନାଥ ଜାତୀୟ ରାଜପଥରେ ଥିବା ଟନେଲ ଉପରେ ଏହି ଭୂସ୍ଖଳନ ଘଟଣା ଘଟିଛି। ଭୂସ୍ଖଳନର ଭିଡିଓ ଭାଇରାଲ ହେବାରେ ଲାଗିଛି । ଭିଡିଓରେ, ପର୍ବତର ଏକ ବଡ଼ ଅଂଶ ଭାଙ୍ଗି ତଳକୁ ଖସିଛି | ରାସ୍ତାର ଏକ ବଡ଼ ଅଂଶ ରସାତ ମଝିକୁ ଖସିଥିଲା । ଭୂସ୍ଖଳନ ପରେ ରାସ୍ତାର ଏକ ବଡ଼ ଅଂଶରେ କେବଳ ଧୂଳିର ମେଘ ଦୃଶ୍ୟମାନ ହେଉଥିଲା। ସୌଭାଗ୍ୟବଶତଃ ଏହା ଦ୍ୱାରା କାହାର କୌଣସି କ୍ଷତି ହୋଇନାହିଁ ।

ଲ୍ୟାଣ୍ଡସ୍ଲାଇଡ ହେବା ସମୟରେ ପୁରା ଧୂଳିର ମେଘ ସୃଷ୍ଟି ହୋଇଯାଇଥିଲା | କିନ୍ତୁ ସେହି ସମୟରେ କୌଣସି ଗାଡି ଯାତାୟାତ କରୁନଥିଲା | ତେଣୁ ଏଥିରେ କାହାର କିଛି କ୍ଷତି ହୋଇନାହିଁ | ରାସ୍ତା ଉପରେ ଧ୍ୱଂସାବଶେଷ ପଡିବାରୁ ଯାଶୀପୀଠ- ବଦ୍ରୀନାଥ ହାଇୱେ ବନ୍ଦ ହୋଇଯାଇଛି | ମୌସୁମୀ ଆଗମନ ଯୋଗୁଁ ଏଠାରେ ଲ୍ୟାଣ୍ଡସ୍ଲାଇଡ ବଡିବାରେ ଲାଗିଛି | ଅତ୍ୟଧିକ ବର୍ଷ ଯୋଗୁଁ ପାହାଡ଼ର ମାଟି ଫପସା ହୋଇଯାଇଛି | ତେଣୁ ଏପରି ଘଟଣା ଦେଖିବାକୁ ମିଳୁଛି |

ଉତ୍ତରାଖଣ୍ଡରେ ବର୍ଷା ଜାରି ରହିଛି | ଏହାଯୋଗୁଁ ଜଳର ସ୍ଥର ବଢୁଛି | ରାଜ୍ୟର ଅନେକ ସ୍ଥାନରେ ସଡକ ଓ ପୋଲ ଭାସିଯିବାର ମଧ୍ୟ ଖବର ଆସୁଛି | ଏହାଦ୍ୱାରା ଗମନାଗମନରେ ମଧ୍ୟ ଅସୁବିଧାର ସମ୍ମୁଖୀନ ହେବାକୁ ପଡୁଛି |