କ୍ରାଶ ହେଲା ହେଲିକପ୍ଟର ଜଣେ ଗୁରୁତର ..

ଖରାପ ପାଗ ଯୋଗୁ  ମଝି ଆକାଶରେ ଦୁର୍ଘଟଣା ଗ୍ରସ୍ତ ହେଲା ହେଲିକେପ୍ଟର । ପୁନେ ଜିଲ୍ଲାର ପୌଡ଼ ଅଞ୍ଚଳରେ ଏହି ଦୁର୍ଘଟଣା ଘଟିଥିବା ଜଣାପଡିଛି  । ହେଲିକେପ୍ଟର ଟି  ମୁମ୍ବାଇରୁ ହାଇଦ୍ରାବାଦ ଅଭିମୁଖେ ଯାଉଥିଲା  । ସେହି ହେଲିକପ୍ଟରରେ ୪ ଜଣ ଥିଲେ। ସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ବେଳେ ୩ ଜଣ ସୁରକ୍ଷିତ ଅଛନ୍ତି। ଖବର ପାଇ ଉଦ୍ଧାରକାରୀ ଟିମ ଓ ପୁଲିସ୍‌ ଘଟଣା ସ୍ଥଳରେ ପହଞ୍ଚିଛନ୍ତି। ଫଟୋରେ ଦେଖିବାକୁ ମିଳିଛି ଯେ ହେଲିକପ୍ଟରଟି ଗୋଟିଏ ଜଙ୍ଗଲିଆ ଅଞ୍ଚଳରେ ଛନଛତ୍ର ହୋଇ ପଡ଼ି ରହିଛି।

ଏହି ଘଟଣାକୁ ନେଇ ଏସପି ପଙ୍କଜା ଦେଶମୁଖଙ୍କ ବୟାନ ସାମ୍ନାକୁ ଆସିଛି । ଦେଶମୁଖ କହିଛନ୍ତି, ପୁଣେର ପୌଡ଼ ଗାଁ ନିକଟରେ ଏକ ଘରୋଇ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ଏହି ହେଲିକପ୍ଟରଟି ଏକ ଘରୋଇ ବିମାନ ଚଳାଚଳ କମ୍ପାନୀର ଥିଲା। ଏହା ମୁମ୍ବାଇରୁ ହାଇଦ୍ରାବାଦ ଯାଉଥିଲା। ହେଲିକପ୍ଟରରେ ୪ ଜଣ ଯାତ୍ରୀ ଥିଲେ। ସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ବେଳେ ୩ ଜଣ ସୁରକ୍ଷିତ ଅଛନ୍ତି।