ଜେଲରେ ହେମନ୍ତ ସୋରେନ୍, ପତ୍ନୀ କଲେ ବିବାହ ବାର୍ଷିକୀ ଭାବଭରା ପୋଷ୍ଟ….
1 min read
ମନି ଲଣ୍ଡରିଂ ମାମଲାରେ ଜେଲରେ ଥିବା ପୂର୍ବତନ ଝାଡ଼ଖଣ୍ଡର ସିଏମ ହେମନ୍ତ ସୋରେନଙ୍କ ଆଜି ୧୮ ତମ ବିବାହ ବାର୍ଷିକୀରେ ସ୍ତ୍ରୀ କଳ୍ପନା ସୋରେନ ପାଳନ କରିବା ପାଇଁ ଏକ ଭାବପୂର୍ଣ୍ଣ ନୋଟ ପୋଷ୍ଟ କରିଥିଲେ।ସେ ସେହି ପୋଷ୍ଟ ମାଧମରେ ଲେଖିଥିଲେ ଏହି ବିଶେଷ ଦିନରେ ପରିବାର ଲୋକଙ୍କ ସହ ନାହାନ୍ତି | ଏବଂ ସେ ବହୁ ଭାବପ୍ରବଣତାରେ ଲେଖିଥିଲେ ଯେ ବହୁତ ଜଲ୍ଦି ଘରକୁ ଫେରିବେ | କଳ୍ପନା ସୋରେନ X ରେ ଲେଖିଛନ୍ତି ସେ ନିଶ୍ଚିତ ଯେ ସେ ଶୀଘ୍ର ଏହି “ଷଡଯନ୍ତ୍ର” କୁ ପରାସ୍ତ କରି ଘରକୁ ଫେରିବେ।
ସେ ଆହୁରି ମଧ୍ୟ କହିଛନ୍ତି ମୁଁ ଜଣେ ସାହସୀ ଝାଡ଼ଖଣ୍ଡ ଯୋଦ୍ଧାଙ୍କର ଜୀବନସାଥୀ। ମୁଁ ଆଜି ଭାବପ୍ରବଣ ହେବି ନାହିଁ। ହେମନ୍ତ ଜୀଙ୍କ ପରି ମୁଁ ମଧ୍ୟ କଠିନ ପରିସ୍ଥିତିରେ ହସିବି ଏବଂ ତାଙ୍କ ଶକ୍ତି ହେବି” ବୋଲି ଶ୍ରୀମତୀ କଳ୍ପନା ସୋରେନ୍ କହିଛନ୍ତି।କଳ୍ପନା ସୋରେନ ଏହି ସବୁ ହୃଦୟସ୍ପର୍ଶୀ କଥା ତାଙ୍କ ପୋଷ୍ଟ ମାଧ୍ୟମରେ ଜଣାଇଥିଲେ |
ପୂର୍ବ ସୂଚନା ଅନୁଯାୟୀ, ଝାଡଖଣ୍ଡରେ ମାଫିଆଙ୍କ ଦ୍ୱାରା ଜମି ମାଲିକାନାର ବେଆଇନ ପରିବର୍ତ୍ତନ ଅଭିଯୋଗରେ ହେମନ୍ତ ସୋରେନଙ୍କୁ ଯାଞ୍ଚ କରାଯାଉଛି।ଗଣତାନ୍ତ୍ରିକ ଉପାୟରେ ନିର୍ବାଚିତ ସରକାରକୁ ଅସ୍ଥିର କରିବା ପାଇଁ ବିଜେପି କେନ୍ଦ୍ରୀୟ ଅନୁସନ୍ଧାନ ଏଜେନ୍ସିର ଅପବ୍ୟବହାର କରିଥିବା ଅଭିଯୋଗ କରି ସେ ତାଙ୍କ ବିରୋଧରେ ଆସିଥିବା ଅଭିଯୋଗକୁ ଅସ୍ୱୀକାର କରିଛନ୍ତି।ଗିରଫ ହେବାର ଠିକ୍ ପୂର୍ବରୁ ହେମନ୍ତ ସୋରେନ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ। ତାଙ୍କର ଘନିଷ୍ଠ ସହଯୋଗୀ ତଥା ବରିଷ୍ଠ ଜେଏମଏମ ନେତା ଚମ୍ପାଇ ସୋରେନ ବର୍ତ୍ତମାନ ମୁଖ୍ୟମନ୍ତ୍ରୀ ଭାବେ ବଦଳି କରାଯାଇଛି।
