ଇତିହାସ ରଚିଲେ ସାଧନା ସକ୍ସସେନା ନାୟାର, ପ୍ରଥମ ମହିଳା ଭାବେ ଭାରତୀୟ ସ୍ଥଳସେନା ମେଡିକାଲ୍ ସର୍ଭିସେସର ହେଲେ ଡିଜି
1 min read
ଭାରତୀୟ ସ୍ଥଳସେନା ମେଡିକାଲ ସର୍ଭିସେସର ଡିଜି ହେଲେ ଲେଫ୍ଟନାଣ୍ଟ ଜେନେରାଲ୍ ସାଧନା ସକ୍ସସେନା ନାୟାର | ସେ ଏହି ସମ୍ମାନଜନକ ପଦବୀରେ ନିଯୁକ୍ତ ହୋଇଥିବା ପ୍ରଥମ ମହିଳା ହେବେ। ଏହାପୂର୍ବରୁ ସେ ଏୟାର ମାର୍ଶଲ ପଦବୀକୁ ପଦୋନ୍ନତି ହେବା ପରେ ହସ୍ପିଟାଲ ସର୍ଭିସେସ୍ (ସଶସ୍ତ୍ର ବାହିନୀ) ର ମହାନିର୍ଦ୍ଦେଶକ ଭାବରେ ପ୍ରଥମ ମହିଳା ହୋଇଛନ୍ତି ।
ଆଜି ଲେଫ୍ଟନାଣ୍ଟ ଜେନେରାଲ୍ ସାଧନା ସକ୍ସସେନା ନାୟାର ତାଙ୍କର ଦାୟିତ୍ବ ଗ୍ରହଣ କରିବେ। ଏୟାର ମାର୍ସଲ ରାଙ୍କକୁ ପଦୋନ୍ନତି ପାଇବାରେ ସେ ରେକର୍ଡ କରିଛନ୍ତି । ୧୯୮୫ ମସିହା ଡିସେମ୍ବର ୨୬ ତାରିଖରେ ଭାରତୀୟ ବାୟୁସେନାର ମେଡିକାଲ୍ ବ୍ରାଞ୍ଚରେ ତାଙ୍କର କମିସନିଂ ହୋଇଥିଲା । ୨୦୦୦ ମସିହାରେ ୱିଙ୍ଗ କମାଣ୍ଡର ରାଙ୍କକୁ ତାଙ୍କର ପଦୋନ୍ନତି ହୋଇଥିବା ବେଳେ ୨୦୦୯ରେ ଗ୍ରୁପ୍ କ୍ଯାପଟେନ୍, ୨୦୨୦ରେ AVM ଏବଂ ୨୦୨୩ରେ ଆକ୍ଟିଂ ଏୟାର ମାର୍ସଲ ଭାବେ ନିଯୁକ୍ତି ପାଇଥିଲେ । ଭାରତୀୟ ସେନାର ଜଣେ ଦକ୍ଷ ଅଧିକାରୀଭାବେ ସେ ଜଣାଶୁଣା । ଏବେ ଦିଲ୍ଲୀ ମୁଖ୍ଯାଳୟରେ ତାଙ୍କର ନିଯୁକ୍ତି ହୋଇଛି ।
ଲେଫ୍ଟନାଣ୍ଟ ଜେନେରାଲ ସାଧନା ନାୟାର ସେଣ୍ଟ ମେରୀ କନଭେଣ୍ଟ, ପ୍ରୟାଗରାଜରୁ ପାଠ ପଢ଼ା ଆରମ୍ଭ କରିଥିଲେ ଏବଂ ଲଖନଉର ଲୋରେଟୋ କନଭେଣ୍ଟରୁ ତାଙ୍କ ପାଠପଢ଼ା ସମାପ୍ତ କରିଥିଲେ। ଏହି ସମୟରେ ସେ ତେଜପୁର, ଗୋରଖପୁର, କାନପୁର ଏବଂ ଚଣ୍ଡିଗଡ଼ର ସ୍କୁଲ ଯାଇଥିଲେ। ସେ ପୁନେର ସଶସ୍ତ୍ର ବାହିନୀ ମେଡିକାଲ୍ କଲେଜରୁ ସ୍ନାତକ ହାସଲ କରିଥିଲେ ଏବଂ ଡିସେମ୍ବର 1985 ରେ ଆର୍ମି ମେଡିକାଲ୍ କର୍ପସରେ ନିଯୁକ୍ତ ହୋଇଥିଲେ। ସାଧନା ନାୟାରଙ୍କ ପରିବାର ଚିକିତ୍ସାରେ ସ୍ନାତକୋତ୍ତର ଡିଗ୍ରୀ ରହିଛି। ସେ ନୂଆଦିଲ୍ଲୀର AIIMS ରେ ମେଡିକାଲ ଇନଫର୍ମାଟିକ୍ସରେ ୨ ବର୍ଷର ତାଲିମ କାର୍ଯ୍ୟକ୍ରମ ମଧ୍ୟ ସମାପ୍ତ କରିଛନ୍ତି।
