ଆଇସିସି ଟେଷ୍ଟ ମାନ୍ଯତାଟପ୍-୩ରେ କାଗିସୋ ରାବଡା
1 min read
ନୂଆଦିଲ୍ଲୀ, ୨ା୩ (ଏଜେନ୍ସି): ଦକ୍ଷିଣ ଆଫ୍ରିକା ଏବଂ ନ୍ଯୁଜିଲାଣ୍ଡ ମଧ୍ୟରେ ସମାପ୍ତ ଟେଷ୍ଟ ମ୍ଯାଚ୍ ପରେ ଆଇସିସି ସଦ୍ୟତମ ଟେଷ୍ଟ ମାନ୍ଯତା ଜାରି କରିଛି| ସିରିଜରେ ଦମଦାର ପ୍ରଦର୍ଶନ କରିଥିବା କାଗିସୋ ରାବଡାଙ୍କୁ ବୋଲିଂ ମାନ୍ଯତାରେ ଉନ୍ନତି ଘଟିଛି| ରାବଡା ତିନୋଟି ସ୍ଥାନ ଉପରକୁ ଉଠି ଟପ୍ ୩ରେ ପ୍ରବେଶ କରିଛନ୍ତି| ଟେଷ୍ଟ ବୋଲିଂ ଏବଂ ଅଲରାଉଣ୍ଡର ମାନ୍ଯତାରେ ଅଶ୍ୱିନଙ୍କ ପ୍ରଭାବ ଜାରି ରହିଛି| ରାବଡା ନ୍ଯୁଜିଲାଣ୍ଡ ବିପକ୍ଷ ଦୁଇଟି ମ୍ଯାଚ୍ର ଟେଷ୍ଟ ସିରିଜରେ ୧୦ ଓ୍ୱିକେଟ୍ ନେଇଛନ୍ତି| ରାବଡାଙ୍କ ଏହି କମାଲ ପ୍ରଦର୍ଶନ ଦମରେ ଦକ୍ଷିଣ ଆଫ୍ରିକା
ନ୍ଯୁଜିଲାଣ୍ଡ ସିରିଜରେ ମାତ ଦେଇଥିଲା| ସେହି ପରି ବୋଲିଂ ମାନ୍ଯତାରେ ଭାରତର ଦୁଇ ଖେଳାଳି ଟପ୍ ୧୦ରେ ଅଛନ୍ତି| ରବିଚନ୍ଦ୍ରନ ଅଶ୍ୱିନ ଦ୍ୱିତୀୟରେ ଥିବା ବେଳେ ଯଶପ୍ରୀତ ବୁମରା ୧୦ମ ସ୍ଥାନରେ ରହିଛନ୍ତି| ଅନ୍ଯପଟେ ଅଲରାଉଣ୍ଡର ତାଲିକାରେ ମଧ୍ୟ ଭାରତର ଦୁଇ ଜଣ ଖେଳାଳି ଅଛନ୍ତି| ରବୀନ୍ଦ୍ର ଜାଡେଜା ତୃତୀୟ ଏବଂ ରବିଚନ୍ଦ୍ରନ ଅଶ୍ୱିନ ଦ୍ୱିତୀୟ ସ୍ଥାନରେ ଅଛନ୍ତି| ଭାରତକୁ ଶ୍ରୀଲଙ୍କା ବିପକ୍ଷରେ ଦୁଇଟି ଟେଷ୍ଟ ମ୍ଯାଚର ସିରିଜ୍ ଖେଳିବ| ଏଥିରେ ଭାରତୀୟ ଦଳର ଅନେକ ଖେଳାଳିଙ୍କ ପାଖରେ ମାନ୍ଯତାରେ ସୁଧାର ଆଣିବାରେ ସୁଯୋଗ ରହିଛି| ବ୍ଯାଟିଂ ମାନ୍ଯତାରେ ଭାରତର ରୋହିତ ଶର୍ମା ଏବଂ ବିରାଟ କୋହଲି ଟପ୍-୧୦ରେ ଅଛନ୍ତି|
