ପୁଟିନଙ୍କୁ କ୍ୟାନ୍ସର; ଛାଡ଼ିବେ ଯୁଦ୍ଧ ଭାର !
1 min read
ନୂଆଦିଲ୍ଲୀ: ୟୁକ୍ରେନ୍ ଓ ରୁଷ ମଧ୍ୟରେ ଏବେ ବି ଜାରି ରହିଛି ଯୁଦ୍ଧ । ଦୁଇ ଦେଶ ମଧ୍ୟରେ ଲଢ଼େଇ ଥମିବାର ନାଁ ହିଁ ଧରୁନାହିଁ । ଏହାରି ଭିତରେ ରୁଷର ରାଷ୍ଟ୍ରପତି ଭ୍ଲାଦମିର ପୁଟିନଙ୍କୁ ନେଇ ଆସିଛି ଏକ ବଡ଼ ଖବର । କୁହାଯାଉଛି କି ପୁଟିନ୍ କିଛି ଦିନ ପାଇଁ କ୍ଷମତାରୁ ଦୂରେଇ ରହିବେ । ନିଜର କ୍ୟାନ୍ସର ଚିକିତ୍ସା କରାଇବା ପାଇଁ ସେ କ୍ଷମତାରୁ ନିଜକୁ ଦୂରେଇ ରଖିବେ । ଏଥିପାଇଁ ପୁଟିନଙ୍କ ଅସ୍ତ୍ରପଚାର ହେବ । ତେଣୁ ୟୁକ୍ରେନ୍ ଆକ୍ରମଣ ଦାୟିତ୍ୱ ସେ ପୂର୍ବତନ ସ୍ପାଏ ମୁଖ୍ୟ ତଥା ସିକ୍ୟୁରିଟି କାଉନ୍ସିଲ ମୁଖ୍ୟ ନିକୋଲାଇ ପେତ୍ରୁଶେଭ୍ଙ୍କୁ ଦେବେ ବୋଲି ଏକ ଜାତୀୟ ଗଣମାଧ୍ୟମରେ ପ୍ରକାଶ ପାଇଛି ।
ନିକୋଲାଇ ପୁଟିନଙ୍କ ଅତି ନିକଟତର ସହଯୋଗୀ । ସେଥିଲାଗି ପୁଟିନ୍ ତାଙ୍କୁ ଏହି ଯୁଦ୍ଧର ଦାୟିତ୍ୱ ଦେବେ । ଯୁଦ୍ଧର ନୀତି ବିଷୟରେ ସେକାଳେ ବେଶ ପାରଙ୍ଗମ । ଯୁଦ୍ଧ କରିବାକୁ ନେଇ ସେକାଳେ ପୁଟିନଙ୍କୁ ପ୍ରବର୍ତ୍ତାଇଥିଲେ । ସବୁଠାରୁ ବଡ଼ କଥା ହେଉଛି ମିଳିଥିବା ଅନ୍ତର୍ଜାତୀୟ ଗଣମାଧ୍ୟମଗୁଡ଼ିକର ରିପୋର୍ଟ ଅନୁସାରେ ପୁଟିନ୍ ପେଟ କ୍ୟାନସର ରୋଗରେ ପଡ଼ୀତ ଅଛନ୍ତି । ତାହା ସହ ତାଙ୍କୁ ପାର୍କିସନ ରୋଗ ମଧ୍ୟ ହୋଇଛି ।
