ଦୁର୍ଘଟଣାର ଶିକାର ହେଲେ ଅଭିନେତ୍ରୀ ତନୁଶ୍ରୀ ଦତ୍ତା
1 min read
ମୁମ୍ବାଇ: ବଲିଉଡ଼ ଅଭିନେତ୍ରୀ ତନୁଶ୍ରୀ ଦତ୍ତା ନିକଟରେ ଏକ ଦୁର୍ଘଟଣାର ଶିକାର ହୋଇଛନ୍ତି। ମିଳିଥିବା ସୂଚନା ମୁତାବକ, ମହାକାଳଙ୍କ ଦର୍ଶନ ପାଇଁ ଯାଉଥିବା ସମୟରେ ସେ ସଡ଼କ ଦୁର୍ଘଟଣାର ଶିକାର ହୋଇଛନ୍ତି। ଏନେଇ ଅଭିନେତ୍ରୀ ନିଜେ ସାମାଜିକ ଗଣମାଧ୍ୟମ ଜରିଆରେ ସୂଚନା ଦେଇଛନ୍ତି। ସାମାଜିକ ଗଣମାଧ୍ୟମରେ ସେ ନିଜ କ୍ଷତର ଏକ ଫଟୋ ଶେୟାର କରି ଘଟଣା ବିଷୟରେ ସୂଚନା ଦେଇଛନ୍ତି।
ତନୁଶ୍ରୀ ସାମାଜିକ ଗଣମାଧ୍ୟମରେ ଅନେକ ଫଟୋ ପୋଷ୍ଟ କରିଛନ୍ତି। ଏହା ମଧ୍ୟରୁ ଏକ ଫଟୋ ଦୁର୍ଘଟଣା ସମୟର ଥିଲା। ଏହି ଫଟୋରେ ଅଭିନେତ୍ରୀଙ୍କ ଗୋଡ଼ରେ ଗଭୀର ଆଘାତ ଲାଗିଥିବା ଦେଖିବାକୁ ମିଳିଛି। ଦୁର୍ଘଟଣା ବିଷୟରେ ସୂଚନା ଦେଇ ତନୁଶ୍ରୀ ଲେଖିଛନ୍ତି, ‘‘ଆଜି ଏକ ଦୁଃସାହସିକ ଦିନ ଥିଲା। କିନ୍ତୁ ଶେଷରେ ମହାକାଳଙ୍କ ଦର୍ଶନ ମିଳିଲା… ମାତ୍ର ମନ୍ଦିର ଯିବା ରାସ୍ତାରେ ଏକ ଅଦ୍ଭୁତ ଦୁର୍ଘଟଣା ଘଟିଲା… ଗାଡ଼ିର ବ୍ରେକ୍ ଫେଲ୍ ହେବା କାରଣରୁ ଦୁର୍ଘଟଣା ଘଟିଲା…। ଶରୀରରେ କିଛିଟା ସିଲେଇ ହୋଇଛି… ଜୟ ଶ୍ରୀ ମହାକାଳ!’’ଦୁର୍ଘଟଣା ବିଷୟରେ ଜାଣିବା ପରେ ତାଙ୍କ ପ୍ରଶଂସକମାନେ ଚିନ୍ତା ପ୍ରକଟ କରିବା ସହ ତାଙ୍କ ଆଶୁ ଆରୋଗ୍ୟ କାମନା କରିଛନ୍ତି।
