ଶ୍ରୀୟାକୁ ଧର୍ମ ପରିବର୍ତ୍ତନ କରିବାକୁ ଚାପ ପକାଉଥିଲେ ହ୍ୟୁମାନ – ଶ୍ରୀୟାଙ୍କ ବାପା ଶ୍ରୀକାନ୍ତ ମିଶ୍ର
1 min read
ଭୁବନେଶ୍ୱର : ଚର୍ଚ୍ଚାରେ ହ୍ୟୁମାନଙ୍କ ପାରିବାରିକ ବିବାଦ । ବାବୁଶାନ ,ଅନୁଭବଙ୍କ ପରି ଦାଣ୍ଡରେ ଗଡୁଛି ହ୍ୟୁମାନଙ୍କ ପାରିବାରିକ କଳି । ଗତକାଲି ପତ୍ନୀ ଶ୍ରୀୟା କଟକ ମହିଳା ଥାନାରେ ଆଣିଥିଲେ ସ୍ୱାମୀ ହ୍ୟୁମାନଙ୍କ ନାଁରେ ସଙ୍ଗୀନ ଅଭିଯୋଗ । ମଦ ପିଇ ଶ୍ରୀୟାଙ୍କୁ ଶାରିରୀକ ମାନସିକ ଟର୍ଚ୍ଚର କରୁଥିଲେ ହ୍ୟୁମାନ । ଏହାପରେ ଆଜି କଟକ ମହିଳା ପୋଲିସ ଦୁହିଁଙ୍କୁ ସମନ ପାଇଁ ଡକାଇଥିଲା । ଆପୋଷ ବୁଝାବଣା କରାଇବାକୁ ଚେଷ୍ଟା କରିଥିଲେ ମଧ୍ୟ ତାହା ସମ୍ଭବ ନଥିଲା । ଏନେଇ ହ୍ୟୁମାନଙ୍କ ଶ୍ୱଶୁର ତାଙ୍କ ନାଁରେ ଆଜି ସଙ୍ଗୀନ ଅଭିଯୋଗ ଆଣିଛନ୍ତି ।
ହ୍ୟୁମାନଙ୍କ ଟର୍ଚ୍ଚର ଅଧିକ ବଢିଯାଇଥିବାରୁ ୫ ମାସ ହେବ ଝିଅ ଶ୍ରୀୟା ବାଲେଶ୍ୱରରେ ନିଜ ବାପଘରେ ରହୁଛନ୍ତି ବୋଲି କହିଛନ୍ତି ଶ୍ରୀୟାଙ୍କ ବାପା ଶ୍ରୀକାନ୍ତ ମିଶ୍ର । ସେ ଅଭିଯୋଗ କରିଛନ୍ତି ଯେ ହ୍ୟୁମାନଙ୍କର ଅନ୍ୟଝିଅ ମାନଙ୍କ ସହ ସର୍ମ୍ପକ ରହିଛି । ଶ୍ରୀୟାଙ୍କ ଡେଲିଭରି ପରଠାରୁ ଏଭଳି ଅତ୍ୟାଚାର କରୁଥିଲେ ସେ । ଯାହା ୫ ମାସ ପୂର୍ବରୁ ଉଗ୍ର ରୂପ ନେଇଥିଲା । ଫଳରେ ଜୀବନ ବିକଳେ ହ୍ୟୁମାନଙ୍କ ଘର ଛାଡି ବାପଘର ଚାଲିଆସିଥିଲେ ଶ୍ରେୟା । ଆମେ ବ୍ରହ୍ମଣ ଏହା ସତ୍ତ୍ୱେର୍ ମଧ୍ୟ ମୁଁ ମୋ ଝିଅର ଖୁସି ପାଇଁ ଜଣେ ଖ୍ରୀଷ୍ଟିଆନକୁ ବିବାହ ଦେଇଥିଲେ । ଭାବିଥିଲି ନିଜ ପସନ୍ଦର ପିଲାକୁ ବିବାହ କରି ଝିଅ ଖୁସିରେ ରହିବ । କିନ୍ତୁ ହ୍ୟୁମାନ ସବୁବେଳେ ଶ୍ରୀୟାକୁ ଧର୍ମ ପରିବର୍ତ୍ତନ କରିବାକୁ ଚାପ ପକାଉଥିଲା ।
ବ୍ରାହ୍ମଣ ଧର୍ମ ଛାଡି ଖ୍ରୀଷ୍ଟିଆନ ଧର୍ମ ଗ୍ରହଣ କରିବାକୁ ମୋ ଝିଅକୁ ଟର୍ଚ୍ଚର କରୁଥିଲା ସେ । ମଦ ପିଇ ଆସି ସବୁବେଳେ ବାଡାପିଟା କରେ । ଏସବୁ ଏବେ ନୁହେଁ ବରଂ କରୋନା ସମୟରୁ ଚାଲିଲାଣି । ଆମ ଝିଅ ଆମକୁ ଲୁଚାଉଥିଲା । କିନ୍ତୁ ଅସହ୍ୟ ହେବାରୁ ସେ ୫ ମାସ ପୂର୍ବରୁ ଏଭଳି ପଦକ୍ଷେପ ଉଠାଇବାକୁ ବାଧ୍ୟ ହେଲା । ସେ ଆଉ ମଦ୍ୟ କହିଛନ୍ତି ଯେ ବାହାଘର ପରେ ହ୍ୟୁମାନ ବରାବର ଯୌତୁକ ମାଗୁଥିଲେ। ଏମିତିକି ଥରେ ୧୦ ଲକ୍ଷ ଓ ଥରେ ୫ ଲକ୍ଷ ଟଙ୍କା ସହ ନିକଟରେ ଏକ କାର ମଧ୍ୟ ଦିଆଯାଇଛି। ଶ୍ରେୟାର ତଣ୍ଟିଚିପି ମାରି ଦେବାକୁ ମଧ୍ୟ ଚେଷ୍ଟା କରାଯାଇଛି। ସମାଧାନ ପାଇଁ ଚେଷ୍ଟା କରି ବିଫଳ ହେବାରୁ ଥାନାକୁ ଆସିବାକୁ ବାଧ୍ୟ ହେଲୁ ବୋଲି କହିଛନ୍ତି ଶ୍ରୀୟାଙ୍କ ବାପା ।
୨୦୧୨ରେ ଏକ ରିୟାଲିଟି ଶୋ’ରେ ଉଭୟ ହ୍ୟୁମାନ ଓ ଶ୍ରୀୟାଙ୍କ ଭିତରେ ପରିଚୟ ହୋଇଥିଲା। ପରବର୍ତ୍ତୀ ସମୟରେ ଦୁହିଁଙ୍କ ଭିତରେ ପ୍ରେମ ନିବିଡ଼ ହୋଇଥିଲା। ଆଉ ଦୁହେଁ ୨୦୧୭ରେ ବିବାହ କରିଥିଲେ। ହ୍ୟୁମାନଙ୍କ ଭଳି ଶ୍ରୀୟା ମଧ୍ୟ ପେସାଦାର କଣ୍ଠିଶିଳ୍ପୀ। ପାରିବାରିକ ବିବାଦ ଘନୀଭୂତ ହେବା ପରେ ହରଡ଼ଘଣାରେ ପଡ଼ିଛନ୍ତି ହ୍ୟୁମାନ।
