ସୁନା ଦୋକାନରେ ଦିନ-ଦ୍ୱିପହରେ ହେଲା ଲୁଟ;ସିସିଟିଭିରେ କଏଦ ହେଲା ଆତଙ୍କର ଭିଡ଼ିଓ

ସୁନା ଦୋକାନରେ ଲୁଟ ହେବା ବଡ ଖବର ନୁହେଁ | ଛୁରୀ ମୁନରେ ଡରାଇ ଲୁଟିନେଇଛନ୍ତି ଲୁଟେରା | ଏପରି ଘଟଣା ଘଟିଛି ତେଲେଙ୍ଗାନାର ହେଦରାବାଦ ଏକ ସୁନା ଦୋକାନରେ | ସୂଚନା ମୁତାବକ, ମୁଖ୍ୟ ସଡକ ନିକଟରେ ଥିବା ଏକ ସୁନା ଦୋକନରେ ଦିନ-ଦ୍ୱିପହରେ ଘଟିଛି ଲୁଟେରାଙ୍କ ଆତଙ୍କ | ଏହି ଖବରରେ ଲୋକଙ୍କ ମନରେ ଡର ପଶାଇ ଦେଇଛି | ଏହି ଘଟଣା ସିସିଟିଭି ଫୁଟେଜରେ ରେକର୍ଡ ହୋଇଥିଲା |

ପୋଲିସ ସୂଚନା ମୁତାବକ, ମଲକପେଟର ଆକବର ବାଗରେ ଥିବା କିସୱା ସୁନା ଦୋକାନରେ ଦିନଅଧରେ ଡକାୟତି ହୋଇଥିଲା। କୁହାଯାଉଛି ଯେ ତିନି ଜଣ ଅଜ୍ଞାତ ଆକ୍ରମଣକାରୀ ହଠାତ୍ ଦୋକାନରେ ପ୍ରବେଶ କରି ଏକାକୀ ଥିବା ଦୋକାନ ମାଲିକଙ୍କୁ ଛୁରୀରେ ଆକ୍ରମଣ କରିଥିଲେ। ମାଲିକ ଗୁରୁତର ଆହତ ହୋଇଥିବା ଜଣାପଡିଛି | ପରେ ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।

ଆକ୍ରମଣକାରୀମାନେ ତାଙ୍କୁ ଛୁରୀରେ ତାଙ୍କ ବେକ ଓ ହାତରେ ଆକ୍ରମଣ କରିଥିଲେ | ଯାହାଫଳରର ତାଙ୍କୁ ଗଭୀର ଆଘାତ ଲାଗିଥିଲା। ଦୋକାନ ମାଲିକଙ୍କ କହିବାନୁସାରେ, ଆକ୍ରମଣକାରୀମାନେ ସୁନା ଅଳଙ୍କାର ଲୁଟିନେବେ ପରେ ଦୁଇ ଚକିଆ ଯାନରେ ଫେରାର ହୋଇଯାଇଥିଲେ | ପୀଡିତଙ୍କ ଚିତ୍କାର ଶୁଣି ସ୍ଥାନୀୟ ଲୋକ ସେଠାରେ ପହଞ୍ଚି ଚିକିତ୍ସା ପାଇଁ ଡାକ୍ତରଖାନା ନେଇଥିଲେ।

ଏହାକୁ ଗମ୍ଭିରତାର ସହ ନେଇ ପୋଲିସ ଅଧିକାରୀମାନେ ଏକ ସ୍ୱତନ୍ତ୍ର ଦଳ ଗଠନ କରିଛନ୍ତି। ପୋଲିସ କହିଛି ଯେ ଆହତ ବ୍ୟକ୍ତିଙ୍କର ଡାକ୍ତରଖାନାରେ ଚିକିତ୍ସିତ ଚାଲିଛି। ଏହି ଘଟଣାର ଗୁରୁତର ଯାଞ୍ଚ କରାଯାଉଥିବା ନେଇ ସେ କହିଛନ୍ତି।