ବିଦେଶ ମାଟିରେ ମୋଦିଙ୍କୁ ପ୍ରଶଂସାରେ ପୋତିଲେ ରାହୁଲ , କହିଲେ ମୁଁ ମୋଦିଙ୍କୁ ପସନ୍ଦ କରେ ..
1 min read
କଂଗ୍ରେସ ଏମପି ତଥା ଲୋକ ସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ ଆମେରିକା ଗସ୍ତ ସମୟରେ ନରେନ୍ଦ୍ର ମୋଦିଙ୍କୁ ନେଇ ଦେଇଛନ୍ତି ବଡ଼ ବୟାନ । ପ୍ରଧାନମନ୍ତ୍ରୀ ମୋଦିଙ୍କ ଙ୍କ ବିଷୟରେ କହିଛନ୍ତି ନିଜ ମନର କଥା । ସେ କହିଛନ୍ତି ଯେ ସେ ପିଏମ ମୋଦିଙ୍କୁ ପସନ୍ଦ କରନ୍ତି। ରାହୁଲ ଗାନ୍ଧୀ କହିଛନ୍ତି, ‘ଭାରତ ହେଉଛି ଭାଷା, ପରମ୍ପରା, ଧର୍ମର ଏକ ମିଳନ। ଯେତେବେଳେ ଭାରତୀୟ ଲୋକମାନେ ସେମାନଙ୍କର ଧାର୍ମିକ ସ୍ଥାନ ପରିଦର୍ଶନ କରନ୍ତି, ସେତେବେଳେ ସେମାନେ ସେମାନଙ୍କର ଦେବତା ସହିତ ବିଲିନ ହୋଇଯାଆନ୍ତି। ଏହା ହେଉଛି ଭାରତର ପ୍ରକୃତି। ଭାଜପା ଏବଂ ଆରଏସଏସର ଭୁଲ ଧାରଣା ହେଉଛି ଯେ ସେମାନେ ଭାବନ୍ତି ଭାରତ ବିଭିନ୍ନ ଜିନିଷର ସମୁହ ଅଟେ। ଆପଣ ଆଶ୍ଚର୍ଯ୍ୟ ହେବେ କିନ୍ତୁ ମୁଁ ମୋଦି ଜୀଙ୍କୁ ପସନ୍ଦ କରେ।
ମୁଁ ପ୍ରକୃତରେ ନରେନ୍ଦ୍ର ମୋଦିଙ୍କୁ ଘୃଣା କରେ ନାହିଁ। ମୁଁ ତାଙ୍କ ଦୃଷ୍ଟିକୋଣ ସହିତ ସହମତ ନୁହେଁ, କିନ୍ତୁ ମୁଁ ତାଙ୍କୁ ଘୃଣା କରେ ନାହିଁ । ଅନେକ ସମୟରେ ମୁଁ ତାଙ୍କ ପ୍ରତି ସମବେଦନା ଜଣାଉଛି । ଏହାସହିତ ଲୋକସଭାରେ ବିରୋଧୀ ଦଳର ନେତା ତଥା କଂଗ୍ରେସ ସାଂସଦ ରାହୁଲ ଗାନ୍ଧୀ କହିଛନ୍ତି, “ନିର୍ବାଚନ ପୂର୍ବରୁ ଆମେ ଏହି ବିଚାର ଉପରେ ଜୋର ଦେଇଥିଲୁ ଯେ ଅନୁଷ୍ଠାନଗୁଡିକ ଉପରେ କବଜା କରାଯାଇଛି । ଆରଏସଏସ ଶିକ୍ଷା ବ୍ୟବସ୍ଥାକୁ କାବୁ କରିଛି। ଗଣମାଧ୍ୟମ ଏବଂ ଅନୁସନ୍ଧାନକାରୀ ସଂସ୍ଥାକୁ କାବୁ କରାଯାଇଛି। ଏହା କିନ୍ତୁ ଲୋକମାନେ ବୁଝିପାରୁ ନାହାଁନ୍ତି । ମୁଁ ସମ୍ବିଧାନକୁ ଆଗରେ ରଖିବା ଆରମ୍ଭ କଲି । ତେବେ ମୁଁ ଯାହା କହିଥିଲେ ତାହା ହୋଇଛି । ଗରିବ ଲୋକ ଏହା ବୁଝି ପାରିଥିଲେ । ଏହା ସମ୍ବିଧାନକୁ ରକ୍ଷା କରିବା ଏବଂ ଏହାକୁ ଭାଙ୍ଗିବା ପାଇଁ ଚେଷ୍ଟା କରୁଥିବା ଲୋକଙ୍କ ମଧ୍ୟର ଲଢେଇ । ସେ ଆହୁରି କହିଛନ୍ତି, ‘ମୋତେ ଲାଗୁନାହିଁ ଯେ ନିର୍ବାଚନରେ ବିଜେପି 246 ପାଖାପାଖି ଥିଲା । ତାଙ୍କର ବିପୁଳ ଆର୍ଥିକ ସୁବିଧା ଥିଲା । ସେମାନେ ଆମର ବ୍ୟାଙ୍କ ଆକାଉଣ୍ଟ ବନ୍ଦ କରିଦେଇଥିଲେ । ନିର୍ବାଚନ କମିଶନ ଯାହା ଚାହୁଁଥିଲେ ତାହା କରୁଥିଲେ। ସମଗ୍ର ଅଭିଯାନକୁ ଏପରି ଭାବରେ ପରିକଳ୍ପନା କରାଯାଇଥିଲା ଯେ ନରେନ୍ଦ୍ର ମୋଦି ସାରା ଦେଶରେ ତାଙ୍କର କାର୍ଯ୍ୟ କରନ୍ତି।
