ମୁଁହ ଖୋଲିଲେ ଚମ୍ପାଇ ସୋରେନ , କହିଲେ ମୋର ଅପମାନ ହୋଇଛି ..
1 min readଝାରଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତଥା ଜେଏମଏମର ପୂର୍ବତନ ଚମ୍ପାଇ ସୋରେନ ବିଜେପିରେ ମିଶିବା ନେଇ ଚର୍ଚ୍ଚା ଲାଗି ରହିଛି। ତେବେ ଏହାରି ମଧ୍ୟରେ ଜେଏମଏମ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଚମ୍ପାଇ ସୋରେନ ତାଙ୍କ ସୋସିଆଲ ମିଡିଆ ପ୍ଲାଟଫର୍ମ ଏକ୍ସର ବାୟୋରୁ ତାଙ୍କ ଦଳର ଝାଡ଼ଖଣ୍ଡ ମୁଖୀ ମୋର୍ଚ୍ଚାର ନାମ ହଟାଇ ଦେଇଛନ୍ତି। ଯାହାପରେ ତାଙ୍କର ଦଳ ଛାଡିବାକୁ ଚର୍ଚ୍ଚା ଆହୁରି ଜୋର ଧରିଥିଲା । ଯାହାକୁ ନେଇ ଏବେ ଅନେକ ପ୍ରଶ୍ନ ଉଠିଛି। ସୋସିଆଲ ମିଡିଆ ପ୍ଲାଟଫର୍ମରୁ ତାଙ୍କ ଦଳ ଜେଏମଏମର ନାମ ହଟାଇବା ସହିତ ସେ ଏବେ ସାମ୍ନାକୁ ଆସିଛି ଚମ୍ପାଇ ସୋରେନ ଙ୍କ ବୟାନ ।
ଯେଉଁଥିରେ ଚମ୍ପାଇ ସୋରେନ ଜେଏମଏମ ତାଙ୍କୁ ଅପମାନିତ କରିଥିବା ଅଭିଯୋଗ କରିଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ତାଙ୍କ ଏକ୍ସ ହ୍ୟାଣ୍ଡେଲରେ ଏକ ଟୁଇଟ କରି ଲେଖିଛନ୍ତି ,
‘ଜୋହର ବନ୍ଧୁଗଣ, ଆଜି ଖବର ଦେଖିବା ପରେ ଆପଣଙ୍କ ସମସ୍ତ ମନରେ ଅନେକ ପ୍ରଶ୍ନ ଉଠିଛି। ସର୍ବଶେଷରେ, କ’ଣ ଘଟିଲା ଯାହା କୋଲହାନର ଏକ ଛୋଟ ଗାଁରେ ରହୁଥିବା ଜଣେ ଗରିବ କୃଷକର ପୁଅକୁ ଏହି ମୋଡ଼କୁ ଆଣିଲା। ଯଦି ଗଣମାଧ୍ୟମର ରିପୋର୍ଟକୁ ବିଶ୍ୱାସ କରାଯାଏ, ତେବେ ସେ ଭାଜପାରେ ଯୋଗଦେବା ନେଇ କଳ୍ପନା ଜଳ୍ପନା ମଧ୍ୟରେ ଦିଲ୍ଲୀ ଯାଇଥିଲେ। ତେବେ ଏହି କଳ୍ପନାଜଳ୍ପନା ମଧ୍ୟରେ ସେ କହିଥିଲେ ଯେ ସେ କୌଣସି ଭାଜପା ନେତାଙ୍କୁ ଭେଟିବା ପାଇଁ ନୁହେଁ ବରଂ କିଛି ବ୍ୟକ୍ତିଗତ କାର୍ଯ୍ୟ ପାଇଁ ଦିଲ୍ଲୀ ଆସିଛନ୍ତି। ତେବେ ସେ ଆହୁରି ମଧ୍ୟ କହିଛନ୍ତି ଦଳ ତାଙ୍କୁ ଅପମାନ କରିଛି ଏବଂ ତାଙ୍କ ଆତ୍ମସମ୍ମାନ ପ୍ରତି ଆଞ୍ଚ ଆସିଛି । ବିଧାନସଭା ନିର୍ବାଚନ ପର୍ଯ୍ୟନ୍ତ ତାଙ୍କ ପାଖରେ ବିକଳ୍ପ ଥିବା ସେ କହିଛନ୍ତି ।