ପରୀକ୍ଷା ଘୁଞ୍ଚାଇବା ଦାବିରେ , ଧାରଣାରେ ବସିଲେ IGIT ସରାଙ୍ଗ କଲେଜ ଛାତ୍ର ଛାତ୍ରୀ ..
1 min read
ଅସହ୍ୟ ଗ୍ରୀଷ୍ମ ପ୍ରବାହରେ ଛଟପଟ ହେଉଛି ସାରା ଓଡ଼ିଶା । ଅସମ୍ଭାଳ ଗରମରେ ସନ୍ତୁଳି ହେଇଯାଉଛନ୍ତି ଲୋକେ । ଖରା ତ ନୁହେଁ, ସତେ ଯେମିତି ଆକାଶରୁ ବର୍ଷୁଛି ନିଆଁ । ୪୦ ତଳକୁ ଖସିବାର ନାଁ ଧରୁନି ପାରଦର ଗ୍ରାଫ୍ । ଏଭଳି ଅସ୍ୱାଭାବିକ ଗ୍ରୀଷ୍ମପ୍ରବାହକୁ ନେଇ ସମସ୍ତେ ଆତଙ୍କିତ । ଏବେ ସର୍ବାଧିକ ତାପମାତ୍ରା ସାଙ୍ଗକୁ ପାଖେଇ ଆସିଲାଣି ପରୀକ୍ଷା । ଯାହାକୁ ନେଇ ଚିନ୍ତାରେ ଛାତ୍ର ଛାତ୍ରୀ । ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ ସରାଙ୍ଗ IGIT କଲେଜ ତୃତୀୟ ବର୍ଷ ଛାତ୍ର ଛାତ୍ରୀ ମାନେ ପରୀକ୍ଷା ଘୁଞ୍ଚାଇବା ଦାବିରେ NH ୫୩ ନମ୍ବର କଲେଜ ସମ୍ମୁଖ ରାସ୍ତାରେ ଛାତ୍ର ଛାତ୍ରୀ ମାନେ ଧାରଣାରେ ବସିଛନ୍ତି ।
ଏପ୍ରିଲ ୩୦ ରୁ ମଇ ମାସ ୧୮ ତାରିଖ ଯାଏ ହବ ୪ର୍ଥ ସେମିଷ୍ଟାର ପରୀକ୍ଷା । ଅସହ୍ୟ ଖରାରେ ସାରା ରାଜ୍ୟ ଆଉଟ ପାଉଟ ହେଉଥିବା ବେଳେ କିଭଳି ଭାବରେ ପରୀକ୍ଷା ଦେବେ ଛାତ୍ର ଛାତ୍ରୀ ସେ ନେଇ ଏବେ ଚିନ୍ତାରେ । ଏ ନେଇ ପରୀକ୍ଷା ଦେବା ସମ୍ଭବ ନୁହଁ ବୋଲି ପ୍ରତିବାଦ କରିଛନ୍ତି ଛାତ୍ର ଛାତ୍ରୀ ମାନେ । ତେଣୁ ୪ର୍ଥ ସେମିଷ୍ଟର କିଛି ଦିନ ଘୁଞ୍ଚାଇବା କୁ ଛାତ୍ର ଛାତ୍ରୀ ମାନେ ଦାବୀ କରିଛନ୍ତି । ତେବେ ଏ ନେଇ କୌଣସି କତୃପକ୍ଷ ଙ୍କ ପ୍ରତିକ୍ରିୟା ମିଲିପାରି ନାହିଁ ।
