ବୁଥ୍ ସାମ୍ନାରେ ସ୍ତ୍ରୀକୁ ଭୁଜାଲିରେ ହାଣିଦେଲା ଜହ୍ଲାଦ ସ୍ୱାମୀ ।
1 min read
ଭଦ୍ରକ ; ଶେଷ ନିର୍ବାଚନରେ ବଳିପଡିଲା ପରିବାରର ସୁଖ । ବୁଥ୍ ଆଗରେ ସ୍ତ୍ରୀକୁ ହାଣିଦେଲା ଜହ୍ଲାଦ୍ ସ୍ୱାମୀ । ଭଦ୍ରକ ଗ୍ରାମାଞ୍ଚଳ ଥାନା ମୁକ୍ତାଡିହି ଗାଁର ୪ ନମ୍ବର ବୁଥରେ ଘଟିଛି ଏଭଳି ଅଭାବନୀୟ ଘଟଣା ।
ମୃତ ମହିଳାଙ୍କ ନାଁ ରଶ୍ମିରେଖା ବେହେରା। ତାଙ୍କ ସ୍ୱାମୀ ତଥା ଅଭିଯୁକ୍ତଙ୍କ ନାଁ ପ୍ରଭାକର ରାଉତ। ୪ ବର୍ଷ ତଳେ ସେମାନଙ୍କର ବିବାହ ହୋଇଥିଲା। ସେମାନଙ୍କର ୧୮ ମାସର ଏକ ପୁଅ ମଧ୍ୟ ଅଛି।
Advertisement
ସୂଚନା ଅନୁଯାୟୀ, ପାରିବାରିକ କଳହକୁ ନେଇ ସ୍ତ୍ରୀ କିଛି ଦିନ ପୂର୍ବରୁ ତାଙ୍କ ବାପ ଘର ଜିରାଗମ୍ଭୀରକୁ ଚାଲିଯାଇଥିଲେ । ହେଲେ ଆଜି ସେ ଭୋଟ ଦେବାକୁ ନିଜ ଦାଦାଙ୍କ ସହ ମୁକ୍ତାଡ଼ିହି ଗାଁର ୪ ନମ୍ବର ବୁଥକୁ ଆସିଥିବାବେଳେ ସ୍ୱାମୀ ପ୍ରଭାକର ରାଉତ ତାଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ଫଳରେ ରଶ୍ମିଙ୍କ ମୁହଁରେ ଗଭୀର କ୍ଷତ ହୋଇଥିଲା। ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନା ନିଆଯାଇଥିଲା। ତେବେ ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା।
