ଖଣି ମାଫିଆଙ୍କ ରାଜୁତି : ଡମ୍ପର ଚଢାଇ ଡିଏସ୍ପିଙ୍କୁ କଲେ ହତ୍ୟା
1 min read
ନୂଆଦିଲ୍ଲୀ : ଡିଏସ୍ପି ଙ୍କ ଉପରକୁ ଡମ୍ପର ଚଢାଇ ନିର୍ମମ ହତ୍ୟା କରାଯାଇଛି । ତେବେ ସୂଚନା ମୁତାବକ ହରିଆଣାର ନୂହଁରେ ବହୁତଦିନ ଧରି ଖଣି ମାଫିଆଙ୍କ ରାଜୁତ ଚାଲୁଥିବାବେଳେ । ଏନେଇ ହରିଆନା ଡିଏସ୍ପି ସୁରେନ୍ଦ୍ର ସିଂ ଭିସ୍ନୋଇ ତଦନ୍ତ କରୁଥିଲେ ତେବେ ଆଜି ପ୍ରାୟ ୬ ଜଣମାଫିଆଙ୍କ ସୁରାଗ ପାଇଁ ସର୍ଚ୍ଚ ଅପରେସନରେ ଯାଇଥିବା ସୂଚନା ମିଳୁଛି ।
ତେବେ ପଞ୍ଚଗାଁ ପାହାଡ ଉପରେ ମାଫିଆ ମାନେ ଲୁଚିଥିବା ଜାଣି ସୁରେନ୍ଦ୍ର ସିଂଙ୍କ ସହ ୩ ଜଣ ପୋଲିସ କର୍ମଚାରୀ ମଧ୍ୟ ସେଠାକୁ ମାଫିଆଙ୍କୁ ଗିରଫ କରିବାକୁ ଯାଇଥିଲେ । କିନ୍ତୁ ସେଠାରେ ପହଞ୍ଚିବା ପୂର୍ବରୁ ହିଁ ମାଫିଆଙ୍କ ଜାଲରେ ଫଶିଯାଇଥିଲେ ଡିଏସ୍ପି । ମୌକା ଦେଖି ଡିଏସ୍ପିଙ୍କ ଉପରେ ଡ୍ରମ୍ପର ଚଢାଇ ଦେଇଥିଲେ ମାଫିଆ ମାନେ ଫଳରେ ଘଟଣା ସ୍ଥଳରେ ହିଁ ମୃତ୍ୟୁ ହୋଇଯାଇଥିଲା ଡିଏସ୍ପି ସୁରେନ୍ଦ୍ର ସିଂ ଙ୍କର । କିନ୍ତୁ ସୌଭାଗ୍ୟବସତ ଡିଏସ୍ପିଙ୍କ ଡ୍ରାଇଭର ଓ ଆଉ ୨ ଜଣ ସାଥି ଅଳ୍ପକେ ବର୍ତ୍ତିଯାଇଥିଲେ । ଏନେଇ ଖଣି ମାଫିଆ ଓ ଡିଏସପିଙ୍କ ହତ୍ୟାକାରିକୁ ଧରିବା ନିମନ୍ତେ ତଦନ୍ତ ଆରମ୍ଭ କରିଦେଇଛି ହରିଆଣା ପୋଲିସ । ଏହା ସହ ସେଇ ଅଞ୍ଚଳରେ ସର୍ଚ୍ଚ ଅପରେସନ ମଧ୍ୟ ଆରମ୍ଭ କରିଦେଇଛି ପୋଲିସ୍ ।
