ଝାଡ଼ଖଣ୍ଡରେ ଓଡ଼ିଆ ଝିଅ କଳ୍ପନାଙ୍କ ବଡ ବିଜୟ; ପୁଣିଥରେ ଆସିବ ସୋରେନ ସରକାର
1 min read
ଝାଡ଼ଖଣ୍ଡରେ କିଏ ଗଢ଼ିବ ସରକାର ? ଜେଏମଏମ ନେତୃତ୍ବାଧୀନ ଇଣ୍ଡିଆ ମେଣ୍ଟ ନା ବିଜେପି ନେତୃତ୍ବାଧୀନ ଏନଡିଏ ! ଆସନ୍ତା ୫ ବର୍ଷ ପାଇଁ ସରକାର କିଏ ସରକାର ଗଠନ କରିବ, ତାକୁ ନେଇ ଆସିବ ଜନାଦେଶ । ଆଉ କିଛି ସମୟ ମଧ୍ୟରେ ଖୋଲିବ ଇଭିଏମ୍ । ଆଉ ତା ସହ ଧୀରେ ଧୀରେ ସ୍ପଷ୍ଟ ହୋଇଯିବ ଚିତ୍ର । ଜଣାପଡ଼ିବ, କିଏ ଜନତାଙ୍କ ହୃଦୟ ଜିତିଲା, ଆଉ କିଏ ହେଲା ନିରାଶ । କେଉଁଠି ସ୍ପଷ୍ଟ ବହୁମତ ମିଳିଲା, ପୁଣି କେଉଁଠି ଝୁଲା ରହିଲା ଜନାଦେଶ ।
ମନିଲଣ୍ଡରିଂ ମାମଲାରେ ଝାରଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଗିରଫ ହେବା ପରେ ଜେଏମଏକୁ ଶକ୍ତ ଝଟକା ଲାଗିଥିଲା । ଗିରଫ ଯୋଗୁ ହେମନ୍ତ ସୋରେନଙ୍କୁ ମୁଖ୍ୟମନ୍ତ୍ରୀ ପଦ ଛାଡ଼ିବାକୁ ପଡ଼ିଥିଲା I ଜେଲରୁ ବାହାରିବା ପରେ ପୁଣି ତାଙ୍କୁ ତାଙ୍କ ପଦବୀ ମିଳିଥିଲା | ତେବେ ବର୍ତ୍ତମାନ ଝାଡ଼ଖଣ୍ଡ ବିଧାନସଭା ନିର୍ବାଚନରେ ହେମନ୍ତ ସୋରେନଙ୍କ ଜେଏମଏମ ମେଣ୍ଟ ବଡ଼ ବିଜୟ ହାସଲ କରିବା ଦିଗରେ ଆଗକୁ ବଢୁଛି।
ହେମନ୍ତ ସୋରେନ ସବୁ ପ୍ରତିକୂଳ ପରିସ୍ଥିତିକୁ ମାତ ଦେଇ ପୁଣି ସରକାର ଗଠନ କରିବାକୁ ଯାଇଛନ୍ତି । ଏପଟେ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ସ୍ତ୍ରୀ କଳ୍ପନା ସୋରେନ ସୁମାର ଗୋଣ୍ଡେୟ ବିଧାନସଭା ଆସନରେ ବଡ଼ ବିଜୟ ହାସଲ କରିଛନ୍ତି I ତେବେ କଳ୍ପନାଙ୍କର ବିଜୟ ଆନୁଷ୍ଠାନିକ ଭାବେ ଘୋଷଣା ଏପର୍ଯ୍ୟନ୍ତ କରାଯାଇ ନାହିଁ। ସେ କାଉଣ୍ଟିଂରେ ସମସ୍ତଙ୍କୁ ପଛରେ ପକାଇ ଆଗରେ ରହିଛନ୍ତି | ତାଙ୍କ ପ୍ରତିଦ୍ୱନ୍ଦୀ ଭାଜପା ପ୍ରାର୍ଥୀ ମୁନିୟା ଦେବୀଙ୍କୁ ପରାଜୟର ସାମ୍ନା କରିବାକୁ ପଢିଛି। ପ୍ରାରମ୍ଭ କାଉଣ୍ଟିଂରେ କଳ୍ପନା ପଛରେ ଥିବା ସମୟରେ ଏବେ ସେ କାଉଣ୍ଟିଂରେ ଆଗରେ ରହିଛନ୍ତି | ତେବେ ସେ ବିଜୟ ହେବା ଏକ ପ୍ରକାର ନିଶ୍ଚିତ |
