ଟ୍ରେନ୍ ଟଏଲେଟ୍ରୁ ମହିଳାଙ୍କ ତଣ୍ଟିକଟା ଘଟଣା ; ଗିରଫ୍ ପରେ ସାମ୍ନାକୁ ଆସିଲା ହତ୍ୟାକାରୀ ସ୍ୱାମୀର ଫଟୋ …
1 min read
ଭୁବନେଶ୍ୱର ; ଭୁବନେଶ୍ୱର ଧାନବାଦ ଟ୍ରେନ୍ ଟଏଲେଟ୍ ରୁ ମହିଳା ଙ୍କ ତଣ୍ଟିକଟା ମୃତ ଦେହ ମିଳିବା ଘଟଣା। ଦୀର୍ଘ ୬ ମାସ ପରେ ହତ୍ୟାକାରୀ ସ୍ୱାମୀକୁ ଗିରଫ୍ କରିଥିଲା ଜିଆରପି ପୋଲିସ । ତେବେ ଇଷ୍ଟାଗ୍ରାମରୁ ଆରମ୍ଭ ହୋଇ ଥିବା ପ୍ରେମ ଯେ ଏତେ ଭୟଙ୍କର ରୂପ ନେଇପାରେ ତାହା ବିଶ୍ୱାସ କରିବା କଷ୍ଟକର । ନିରୀହ ଦିଶୁଥିବା ମଣିଷ ଯେ ଏତେବଡ ହତ୍ୟା ଷଡଯନ୍ତ୍ର ରଚିପାରେ ତାହା କଳ୍ପନା କରିବା ମୁସ୍କିଲ ।
ତେବେ ଘଟଣାଟି ଏମିତି କି ରାଞ୍ଚିର ସୁମନ କୁମାରୀଙ୍କ ସହ ଗଞ୍ଜାମ ଜିଲ୍ଲା ଆସ୍କା ଅଞ୍ଚଳର ସୁଧାଂଶୁ ଙ୍କ ପ୍ରେମ ସର୍ମ୍ପକ ଗଢିଉଠିଥିଲା । ଯାହା ପରବର୍ତ୍ତି ସମୟରେ ନିବିଡ ହୋଇଯାଇଥିଲା । ତେବେ ସୁଧାଂଶଙ୍କ କଥାରେ ସୁମନ ନିଜ ଘର ଛାଡି ସୁଧାଂଶୁ ରହୁଥିବା ସୁରଟ ର ଆମରୋଲି ଭଡାଘକୁ ଚାଲିଆସିଥିବା ବେଳେ ଦୁହିଁଙ୍କ ମଧ୍ୟରେ ଶାରୀରିକ ସର୍ମ୍ପକ ଗଢିଉଠିଥିଲା । କିନ୍ତୁ ପରବର୍ତ୍ତି ସମୟରେ ସାମ୍ନାକୁ ଆସିଥିଲା ସୁଧାଂଶୁର ସତ ,ଯାହା ଜାଣିବା ପରେ ଉଭୟଙ୍କ ଜୀବନରେ ଝଡ ସୃଷ୍ଟି ହୋଇଥିଲା । କାରଣ ସୁଧାଂଶୁ ପୂର୍ବରୁ ବିବାହିତ ବୋଲି ଜାଣିନଥିଲେ ସୁମନ ତାଙ୍କ ସହ କିଛି ଦିନ ରହିବା ପରେ ସବୁ କଥା ଜାଣିପାରି ସୁମନ ବିବାହ ପାଇଁ ଜିଦି ଧରିଥିଲେ । ଏହା ପରେ ସୁମନଙ୍କ ପରିବାରର ଉପସ୍ଥିତିରେ ରାଞ୍ଚିର ଏକ ମନ୍ଦିରରେ ଉଭୟ ବିବାହ ମଧ୍ୟ କରିଥିଲେ ।
ପରବର୍ତ୍ତୀ ସମୟରେ ସୁଧାଂଶୁ ସ୍ତ୍ରୀ ସୁମନକୁ ରାସ୍ତାରୁ ହଟାଇବାକୁ ଯୋଜନା କରିଥିଲା । ସୁମନକୁ ବୁଲାଇବା ଆଳରେ ଭୁବନେଶ୍ୱର ଆଣିଥିଲା । ଏପ୍ରିଲ ୧୯ ରାତିରେ ଦୁହେଁ ରାଉରକେଲା ଷ୍ଟେସନରୁ ଟ୍ରେନ ଧରିଥିଲେ । ଭୁବନେଶ୍ୱର ପହଞ୍ଚିବା ପୂର୍ବରୁ ସୁଯୋଗ ଉଣ୍ଡି ସୁମନ ସହ ଶାରୀରିକ ସମ୍ପର୍କ ରଖିବାକୁ ଟଏଲଟକୁ ଡାକି ନିର୍ମମ ଭାବେ ତଣ୍ଟି କାଟି ହତ୍ୟା କରିଥିଲା ନୃଶଂସ ସ୍ୱାମୀ । ଏହାପରେ ସେଠାରୁ ରକ୍ତାତ ଛୁରୀ କପଡା ସହ ସୁମନଙ୍କ ସ୍ମାର୍ଟ ଫୋନ ମଧ୍ୟ ନେଇ ଆସିଥିଲା ସୁଧାଂଶୁ । ଆଉ ବାଟରେ ତାକୁ ଫପାଡି ମଦ୍ୟ ଦେଇଥିଲା । କିନ୍ତୁ ସବୁ ହତ୍ୟାକାରୀ ଅଜଣାତରେ ନିଜ ଫଛରେ କିଛିନା କିଛି ପ୍ରମାଣ ଛାଡିଯାଏ । ସେହିଭଳି ସୁଧାଂଶୁ ସବୁ ପ୍ରାମଣକୁ ସିନ ନଷ୍ଟ କରିଦେଇଥିଲା କିନ୍ତୁ ସୁମନଙ୍କ ପାଖେ ଥିବା ଆଉ ଏକ ଛୋଟ ଫୋନକୁ ନେଇନଥିଲା । ବାସ୍ ୬ ମାସ ହେବ ପୋଲିସ ଏହି ପ୍ରାମଣକୁ ଖୋଳି ତାଡି ନିକଟରେ ସୁଧାଂଶୁକୁ ଗିରଫ୍ କରିଛି । ଏହା ସହ ସୁଧାଂଶୁକୁ ରିମାଣ୍ଡରେ ନେବାକୁ ଆଜି ଜିଆରପି ପୋଲିସ ଆବେଦନ କରିଛି ।
