ବାଲେଶ୍ୱରରେ ଅନିର୍ଦ୍ଦିଷ୍ଟ କାଳ ପାଇଁ କର୍ଫ୍ୟୁ, ଘରୁ ନ ବାହାରିବାକୁ ନିର୍ଦ୍ଦେଶ
1 min read
ବାଲେଶ୍ୱରରେ ଉତ୍ତେଜନା | ପୁରା ଅଞ୍ଚଳରେ କର୍ଫ୍ୟୁ ସହ ଇଣ୍ଟରନେଟ ସେବା ବନ୍ଦ କରିଦିଆଯାଇଛି | ଘରୁ ନ ବାହାରିବାକୁ ପୋଲିସ ଅପିଲ କରିଛି | ଅଶାନ୍ତ ସହର ପାଲଟିଛି ବାଲେଶ୍ୱର | ବିଳମ୍ବିତ ରାତିରୁ ଉତ୍ତେଜନା ଓ ପୋଡାଜଳା ପରେ ବାଲେଶ୍ୱରରେ କର୍ଫ୍ୟୁ ଜାରି କରଯାଇଛି | ଆଜି ବନ୍ଦ ରହିବ ଦୋକାନ ବଜାର | ବାଲେଶ୍ଵରକୁ ସଂଯୋଗ କରାଯାଉଥିବା ସମସ୍ତ ରାସ୍ତାକୁ ସିଲ କରିଦିଆଯାଇଛି | ପରିସ୍ଥିତି ନିୟନ୍ତ୍ରଣ ପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ନିର୍ଦ୍ଦେଶ ଦେଇଛନ୍ତି |
ବାଲେଶ୍ୱର ସଦର ସୁନଟ ଅଞ୍ଚଳରେ ଗତକାଲି ସକାଳେ ୨ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିଲା | ମଧ୍ୟରାତ୍ରୀରୁ ଉତ୍ତେଜନା ଅତ୍ୟଧିକ ଦଦେଖା ଦେଇଥିଲା | ୨ ଗୋଷ୍ଠୀ ପରସ୍ପର ମଧ୍ୟରେ ଆକ୍ରମ କରିଛନ୍ତି | ପଥର, କାଚ ବୋତଲ ଫୋପାଡ଼ିବାରୁ ପୋଲିସ କର୍ମଚାରୀଙ୍କ ସମେତ ୧0 ଜଣ ଲହୁଲୁହାଣ ହୋଇପଡିଛନ୍ତି |
ହିଁସକାରୀମାନେ ବିଭିନ୍ନ ସାହିରେ ପଶି ଲୋକମାନଙ୍କୁ, ଏବଂ ଘରକୁ ପଥର ମାଡ଼ କରିଛନ୍ତି | କିଛି ହିଁସକାରୀମାନେ ଘରେ ନିଆଁ ଲଗାଇଦେଇଥିବା ଦେଖିବାକୁ ମିଳିଛି | ଘର ଭଙ୍ଗାରୁଜା କରିବା ପରିସ୍ଥିତି ମଧ୍ୟ ଦେଖିବାକୁ ମିଳିଛି | ପରିସ୍ଥିତି ନିୟନ୍ତ୍ରଣ ପାଇଁ ପୋଲିସ ଲୁହବୁହା ଗ୍ୟାସ ପ୍ରୟୋଗ କରିବା ସହ ଲାଠି ଚାର୍ଜ ମଧ୍ୟ କରିଛି | ଏହି ଘଟଣା ପାଇଁ ବ୍ୟାପକ ପୋଲିସ ମୁତୟନ କରଯାଇଛି |
