ଭୋଟ ଦେଉ ଦେଉ ଚାଲିଗଲା ବିଧାୟକ ପ୍ରାର୍ଥୀଙ୍କ ଜୀବନ…
1 min read
ଭୋଟ ଦେଉ ଦେଉ ଚାଲିଗଲା ବିଧାୟକ ପ୍ରାର୍ଥୀଙ୍କ ଜୀବନ । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମହାରାଷ୍ଟ୍ରରେ । ଗତ କାଲି ଶେଷ ହୋଇଛି ମହାରାଷ୍ଟ୍ରର ପ୍ରଥମ ପର୍ଯ୍ୟାୟ ନିର୍ବାଚନ । ଭୋଟ ଦେଇଛନ୍ତି ମହାରାଷ୍ଟ୍ରବାସୀ । ବୁଥ ଭିତରେ ଭୋଟିଂ ଚାଲିଥିବା ବେଳେ ସେହିଠାରେ ଆଖି ବୁଜିଥିଲେ ଜଣେ ବିଧାୟକ ପ୍ରାର୍ଥୀ।
ମହାରାଷ୍ଟ୍ରର ବୀଡ ଆସନରୁ ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନ ଲଢ଼ୁଥିବା ବାଲାସାହେବ ସିନ୍ଦେ ହଠାତ୍ ହୃଦଘାତରେ ପ୍ରାଣ ହରାଇଛନ୍ତି। ସନ୍ଧ୍ୟା ସମୟରେ ସିନ୍ଦେ ନିଜ ସମର୍ଥକଙ୍କ ସହ ଛତ୍ରପତି ଶାହୁ ବିଦ୍ୟାଳୟରେ ହୋଇଥିବା ପୋଲିଂ ଷ୍ଟେସନକୁ ଯାଇଥିଲେ।ଏହି ସମୟରେ ହଠାତ୍ ସେ ଛାତିରେ ଯନ୍ତ୍ରଣା ଅନୁଭବ କରିବା ସହ ସେହିଠାରେ ତଳେ ପଡ଼ି ଯାଇଥିଲେ। ତାଙ୍କୁ ତୁରନ୍ତ ନାନା ହସ୍ପିଟାଲକୁ ନିଆଯାଇଥିଲା। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।ତାଙ୍କର ମୃତ୍ୟୁ ଖବର ପରେ ଚାରିଆଡେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।
Advertisement
