T20 WORLDCUP ; ଆଜି ଭାରତ-ଅଷ୍ଟ୍ରେଲିଆ ମହାଲଢେଇ , କିଏ ମାରିବ ସେମିଫାଇନାଲକୁ ଡିଆଁ ?
1 min read
ଆଜି ଟି-୨୦ ବିଶ୍ୱକପ୍ ସୁପର-୮ ପର୍ଯ୍ୟାୟରେ ଏକ ଗୁରୁତ୍ୱପୂର୍ଣ୍ଣ ମ୍ୟାଚ୍ ଖେଳାଯିବ । ୭ ମାସ ତଳର ବଦଲା ନେବା ଲକ୍ଷରେ ଭାରତ । ଟିମ୍ ଇଣ୍ଡିଆର ବିଶ୍ୱବିଜେତା ବନିବା ସ୍ୱପ୍ନ କୁ ଠିକ୍ ସାତ ମାସ ତଳେ ଧୂଳିସାତ୍ କରିଥିଲା ଅଷ୍ଟ୍ରେଲିଆ । ଆଉ ଆଜି ଭାରତ ପାଖରେ ପ୍ରତିଶୋଧର ମୌକା । ଟି-୨୦ ବିଶ୍ୱକପର ସୁପର-୮ରେ ଆଜି ସବୁଠୁ ବଡ଼ ଲଢେଇ । ମୁହାଁମୁହିଁ ହେବେ ଦୁଇ ଶକ୍ତିଶାଳୀ ଦଳ ଭାରତ ଓ ଅଷ୍ଟ୍ରେଲିଆ ।
ପ୍ରଥମ ମ୍ୟାଚରେ ଆଫଗାନିସ୍ତାନ ଓ ଦ୍ୱିତୀୟ ମ୍ୟାଚରେ ବାଂଲାଦେଶକୁ ହରାଇଥିଲା ଭାରତ। ସେପଟେ କିନ୍ତୁ ଅଷ୍ଟ୍ରେଲିଆ ଟିମ୍ ସୁପର୍ ଏଇଟରେ ଆଫଗାନିସ୍ତାନଠାରୁ ପରାସ୍ତ ହୋଇଥିଲା। ତେଣୁ ଆଜିର ମ୍ୟାଚ ଜିତି ସେମିଫାଇନାଲ ଯିବାକୁ ପ୍ରାଣପଣେ ଚେଷ୍ଟା କରିବ କଙ୍ଗାରୁ ଟିମ୍।
ତେବେ ଆଜି ମ୍ୟାଚରେ ବର୍ଷାର ଆଶଙ୍କା ଥିବାରୁ ଅଷ୍ଟ୍ରେଲିଆର ଚିନ୍ତା ବଢିଯାଇଛି । ଯଦି ବର୍ଷା ପାଇଁ ମ୍ୟାଚ୍ ବାତିଲ ହୁଏ, ଭାରତର ଅସୁବିଧା ନାହିଁ, ଅଷ୍ଟ୍ରେଲିଆ ପାଇଁ କିନ୍ତୁ ଅଡୁଆ ବଢିଯିବ । ଉଭୟ ବ୍ୟାଟିଂ ଓ ବୋଲିଂରେ ଦୁଇ ଦଶ ଶକ୍ତିଶାଳୀ ଥିବାରୁ ଏକ ହାଇଭୋଲଟେଜ୍ ମ୍ୟାଚ୍ ଦେଖିବାକୁ ମିଳିବ ।
ଆଜି ହାରିଲେ, ସଙ୍କଟରେ ଥିବା ଅଷ୍ଟ୍ରେଲିଆ ପାଇଁ ଆହୁରି ଅଡୁଆ ହେବ ସେମିଫାଇନାଲ ରାସ୍ତା । ନେଟ୍ ରନରେଟ୍ ଗୁରୁତ୍ୱପୂର୍ଣ୍ଣ ଭୂମିକା ନେବ । ଅନ୍ୟପଟେ ଗଡିଚାଲିଛି ଟିମ୍ ଇଣ୍ଡିଆର ବିଜୟ ରଥ । ଅଷ୍ଟ୍ରେଲିଆଠୁ ପ୍ରତିଶୋଧ ନେବା ସହ ଆଜିର ମ୍ୟାଚ ଜିତି ଅପରାଜେୟ ସହ ଗ୍ରୁପ ଟପ୍ପର ହୋଇ ସେମିରେ ପ୍ରବେଶ କରିବା ଲକ୍ଷ୍ୟରେ ରହିଛି ରୋହିତ ବାହିନୀ । ରେକର୍ଡ ଏବଂ ବର୍ତମାନର ପ୍ରଦର୍ଶନକୁ ଦେଖିଲେ ଭାରତର ପଲା ଭାରି । ଟି-୨୦ ବିଶ୍ୱକପରେ ଭାରତ ଓ ଅଷ୍ଟ୍ରେଲିଆ ୫ ଥର ପରସ୍ପରକୁ ଭେଟିଥିବାବେଳେ ଭାରତ ୩ଟିରେ ବିଜୟୀ ହୋଇଛି ।
