କାୟା ବିସ୍ତାର କଲାଣି କରୋନା: ୨୪ ଘଣ୍ଟାରେ ୧୧ ହଜାର ନୂଆ ଆକ୍ରାନ୍ତ ଚିହ୍ନଟ
1 min read
ନୂଆଦିଲ୍ଲୀ: ଲୋକମାନଙ୍କ ମନରୁ କରୋନା ଆତଙ୍କର ଭୟ ଠିକ ଶେଷ ହେବା ସମୟରେ ହିଁ ହଠାତ ହୁ ହୁ ହୋଇ ଦିନକୁ ଦିନ ବଢିବାରେ ଲାଗିଛି ଦେଶରେ କରୋନା । ବିଗତ କିଛି ଦିନ ହେବ କରୋନା ସଂକ୍ରମଣ ଦିନକୁ ଦିନ ବଢିବାରେ ଲାଗିଛି । ଗତ ୨୪ ଘଣ୍ଟା ମଧ୍ୟରେ ଦେଶରେ ୧୧୭୯୩ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୭ ଜଣଙ୍କର ମୃତ୍ୟୁ ହୋଇଛି । ଆଜିର ନୂତନ ଆକ୍ରାନ୍ତଙ୍କୁ ମିଶାଇ ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୯୪ ହଜାର ୪୨୦ ରେ ପହଞ୍ଚି ଛି । ଏହା ସହିତ ୨୭ ନୂତନ ମୃତ୍ୟୁକୁ ମିଶାଇ ମୃତ୍ୟୁ ସଂଖ୍ୟା ୫ ଲକ୍ଷ ୨୫ ହଜାର ୨୦କୁ ବୃଦ୍ଧି ପାଇଛି । ବର୍ତମାନ ସୁଦ୍ଧା ୪ କୋଟି ୨୭ ଲକ୍ଷ ୮୭ ହଜାର ୬୦୬ ଆକ୍ରାନ୍ତ ସୁସ୍ଥ ହୋଇ ଫେରିଛନ୍ତିା
ଦେଶରେ ସମୁଦାୟ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୦.୨୧ ପ୍ରତିଶତ ରହିଛି । ଏହା ସହିତ କୋଭିଡ୍ ସୁସ୍ଥତା ହାର ୯୮.୫୮% ରହିଛି ଯାହାକି ଏକ ସକରାତ୍ମକ ସଙ୍କେତ । ୨୪ ଘଣ୍ଟା ମଧ୍ୟରେ ୯୪୮୬ ଜଣ ଆକ୍ରାନ୍ତ ସୁସ୍ଥ ହୋଇଥିବା ବେଳେ ସମୁଦାୟ ସୁସ୍ଥ ବ୍ୟକ୍ତିଙ୍କ ସଂଖ୍ୟା ୪୨୭୯୭୦୯୨ରେ ପହଞ୍ଚିଛି । ଏହା ସହିତ ଦେଶରେ ଟିକାକରଣ ସଂଖ୍ୟା ମଧ୍ୟ ବୃଦ୍ଧି ପାଇଛି । ବର୍ତ୍ତମାନ ସୁଦ୍ଧା ସମୁଦାୟ ଟିକାକରଣ ସଂଖ୍ୟ ୧୯୭.୩୧ କୋଟି ଡୋଜରେ ପହଞ୍ଚିଛି ।
