ରେଲୱେରେ ଖାଲିପଡିଛି ୩ହଜାର ପଦବୀ : ଏଥର ବିନା ପରୀକ୍ଷାରେ ପାଇବେ ଚାକିରି
1 min read
ନୂଆଦିଲ୍ଲୀ/ଭୁବନେଶ୍ୱର : ରେଳ ମନ୍ତ୍ରଣାଳୟ ପକ୍ଷରୁ ୩ ହଜାରରୁ ଅଧିକ ପଦବୀ ବିନା ପରୀକ୍ଷାରେ ପୂରଣ କରାଯିବ। ୧୫ରୁ ୨୪ ବର୍ଷ ବୟସ୍କ ଯୁବକ ଏହି ପଦବୀ ନିମନ୍ତେ ଅବେଦନ କରିପାରିବେ। ବୟସ ସୀମାରେ ଓବିସି ବର୍ଗଙ୍କ ନିମନ୍ତେ ୩ ବର୍ଷ, ଏସସି , ଏସ୍ଟି ବର୍ଗ ନିମନ୍ତେ ୫ ବର୍ଷ ଓ ଦିବ୍ୟାଙ୍ଗ ବ୍ୟକ୍ତି ମାନଙ୍କ ପାଇଁ ୧୦ ବର୍ଷର ଛାଡ଼ ଦିଆଯାଇଛି। ଆବେଦନର ଚୂଡାନ୍ତ ସମୟ ଚଳିତ ମାସ ୩୧ ତାରିଖ ରହିଛି।
ଇଚ୍ଛୁକ ବ୍ୟକ୍ତି ବ୍ୟକ୍ତି sr.indianrailways.gov.in କୁ ଯାଇ ଆବେଦନ କରିପାରିବେ। ରେଲୱେ ରିକ୍ୟୁଟମେଣ୍ଟ ସେଲ୍ ପକ୍ଷରୁ ଦକ୍ଷିଣ ରେଲୱେର handyman ପଦବୀ ନିମନ୍ତେ ଏହି ନିଯୁକ୍ତି କରାଯାଉଛି। ମୋଟ ୩୧୫୦ ପଦବୀ ପୂରଣ ନିମନ୍ତେ ବିଜ୍ଞପ୍ତି ପ୍ରକାଶ କରାଯାଇଛି । ତେବେ ୩ଟି ପର୍ଯ୍ୟାୟରେ ଏହି ନିଯୁକ୍ତି ପ୍ରକ୍ରିୟା କରାଯିବ।
ଯାହା ଭିତରେ ଫିଟର, ବେଲ୍ଡର, କାରପେଣ୍ଟର, ପେଣ୍ଟର, ଟର୍ନର, ଇଲେକ୍ଟ୍ରିସିଆନ ସମେତ ବିଭିନ୍ନ ଟ୍ରେଡ୍ ରହିଛି। ଚଳିତ ମାସ ପହିଲାରୁ ଆବେଦନ ପ୍ରକ୍ରିୟା ଆରମ୍ଭ ହୋଇଯାଇଛି। ସାଧାରଣ ବର୍ଗର ଇଚ୍ଛୁକ ଆବେଦନକାରୀ ଏହି ପଦବୀ ପାଇଁ ଆବଦନ ନିମନ୍ତେ ୧୦୦ ଟଙ୍କା ଶୁଳ୍କ ଦେବାକୁ ପଡ଼ିବ। ଏସସି , ଏସ୍ଟି ଓ ମହିଳା ଆବେଦନକାରୀଙ୍କୁ କୌଣସି ମୂଲ୍ୟ ଦେବାକୁ ପଡ଼ିବ ନାହିଁ। ନିଯୁକ୍ତି ପାଇବା ନିମନ୍ତେ ଯୋଗ୍ୟ ବିବେଚିତ ହେବା ପରେ ଆବେଦନକାରୀଙ୍କୁ ବର୍ଷେରୁ ଦୁଇ ବର୍ଷ ତାଲିମ ନେବାକୁ ପଡ଼ିବ।
