ଆଜି ଟିମ୍ ଇଣ୍ଡିଆ ସହ ସାଉଥ୍ ଆଫ୍ରିକା ଲଢେଇ , ଦୁଇ ଟପ୍ ଟିମ୍ ମଧ୍ୟରୁ କିଏ ମାରିବ ବାଜି ?
1 min read
ନୂଆଦିଲ୍ଲୀ ; ଆଜି ସୁପର ସନ୍ଡେରେ କୋଲକାତାର ଐତିହାସିକ ଇଡେନ ଗାର୍ଡେନରେ ଭାରତ- ଦକ୍ଷିଣ ଆଫ୍ରିକାକୁ ଭେଟିବ । ଉଭୟ ଦଳ ସେମି ଫାଇନାଲରେ ପ୍ରବେଶ କରିଥିବା ବେଳେ ଆଜି ଏହି ମହାଲଢେଇରେ ପଏଣ୍ଟ ଟେବୁଲର ଶୀର୍ଷ ସ୍ଥାନ ପାଇଁ ଉଭୟ ପ୍ରାୟସ କରିବେ ।
ଭାରତ ବର୍ତ୍ତମାନ ସୁଦ୍ଧା ୭ଟି ଯାକ ମ୍ୟାଚ୍ରେ ଆପରାଜୟ ଥିବା ବେଳେ ଦକ୍ଷିଣ ଆଫ୍ରିକା କେବଳ ନେଦରଲ୍ୟାଣ୍ଡ ଠାରୁ ପରାଜୟ ହୋଇଥିଲେ ମଧ୍ୟ ନିଜର ବିସ୍ପୋରକ ବ୍ୟାଟିଂରେ ଦର୍ଶକଙ୍କୁ ଚକିତ କରାଇଛି । ଆଜି ଉଭୟ ଟପ୍ ଟିମ୍ ମଧ୍ୟରେ ହେବାକୁ ଥିବା ମ୍ୟାଚ୍ କୁ ନେଇ ଦର୍ଶକ ଖୁବ୍ ଉତ୍ସାହିତ ଅଛନ୍ତି ।
ସାଉଥ୍ ଆଫ୍ରିକା ନିଜର ମହାରଥିଙ୍କୁ ନେଇ ପଡିଆକୁ ଓହ୍ଲାଉଥିବା ବେଳେ ଇଣ୍ଡିଆ ଦଳରେ ମଧ୍ୟ ସେହିଭଳି ଜୋରଦାର ଟକ୍କର ଖେଳାଳି ରହିଛନ୍ତି । କ୍ବିଣ୍ଟନ ଡିକକ, ଏଡେନ ମାରକ୍ରମ୍ , ଭାନ ଡେର ଡୁସେନ. କିଲର ମିଲର, ହେନରିକ କ୍ଲାସେନ, ଗେରଲାଡ କୋଇଜେ, ମାର୍କୋ ୟାନେସନ, କେଶବ ମହାରାଜ ଇତ୍ୟାଦି ଆଜି ଇଣ୍ଡିଆ ପାଇଁ ଘାତକ ସାବସ୍ତ୍ୟ ହୋଇପାରନ୍ତି । ସେହିଭଳି ଟିମ୍ ଇଣ୍ଡିଆରେ ମଧ୍ୟ ରୋହିତ, ଗିଲ, ବିରାଟ ,ଶ୍ରେୟସ , କେଏଲ ରାହୁଲ ସମସ୍ତେ ଫର୍ମରେ ଅଛନ୍ତି । ବୋଲିଂରେ ସାମିଙ୍କୁ ବୁମରା ଏବଂ ସିରାଜ ମଧ୍ୟ ଖୁବ୍ ଜୋସରେ ଅଛନ୍ତି । କୁଲଦୀପ ଏବଂ ଜାଡେଜା ମଧ୍ୟ ବ୍ରେକଥ୍ରୁ ଦେବାରେ ମାହିର । ବିଶ୍ୱକପରେ ଦୁଇ ଦଳ ପରସ୍ପର ବିରୋଧରେ ୫ ଥର ମୁହାଁମୁହିଁ ହୋଇଛନ୍ତି । ପଲ୍ଲା ସାଉଥ ଆଫ୍ରିକାର ଭାରି ରହିଛି । କିନ୍ତୁ ଫର୍ମକୁ ଦେଖିଲେ ଲାଗୁଛି ଏଥର ପାଳି ଟିମ୍ ଇଣ୍ଡିଆର ।
