ଦୁଇ ମହାନ ବ୍ୟାଟ୍ସମ୍ୟାନଙ୍କ ପୋଷ୍ଟରେ ହେଲା କ୍ଷୀର ଅଭିଷେକ…

ସରିଲା ସମୟ । ଆରମ୍ଭ ହେଲା କାଉଣ୍ଟଡାଉନ୍ । ଦିନିକିଆ ବିଶ୍ୱକପ୍ ୨୦୨୩ ଫାଇନାଲ୍‌କୁ ଆଉ କେଇ ଘଣ୍ଟା । ଟ୍ରଫି ହାତେଇବା ପାଇଁ ଭାରତ-ଅଷ୍ଟ୍ରେଲିଆ ଟିମ୍ ମଧ୍ୟରେ ହେବ ଜୋରଦାର ଲଢେଇ । ମ୍ୟାଚକୁ ନେଇ ଫ୍ୟାନ୍ସଙ୍କ ଛାତି ଧକ୍ ଧକ୍ ହେଉଥିବାବେଳେ ସବୁଠି ମ୍ୟାଚ ନେଇ କ୍ରେଜ ଦେଖିବାକୁ ମିଳିଛି । ମ୍ୟାଚକୁ ନେଇ ସାରା ଦେଶରେ ଉତ୍ସବ । କେଉଁଠି ଟିମ୍ ଇଣ୍ଡିଆ ମ୍ୟାଚ୍ ଜିତିବା ନେଇ ପୂଜାର୍ଚ୍ଚନା ଚାଲିଛ ତ ଆଉ କେଉଁଠି ଭବିଷ୍ୱତ ଗଣନା । ଆଉ ଏହାରି ମଧ୍ୟରେ କିଛି କ୍ରିକେଟ ଫ୍ୟାନ୍ସମାନେ ଅଧିନାୟକ ରୋହିତ ଶର୍ମା ଏବଂ ବିରାଟ କୋହଲିଙ୍କର ଲାଗିଥିବା ପୋଷ୍ଟର ଉପରେ କ୍ଷୀର ଢାଳିଛନ୍ତି । ମହାରାଷ୍ଟ୍ରର ପୁନେ ସହରରେ କିଛି ଏପରି ଦୃଶ୍ୟ ଦେଖିବାକୁ ମିଳିଛି । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଭିଡିଓରେ ଫ୍ୟାନ୍ସ ମାନେ ଏହି ଦୁଇ କ୍ରିକେଟରଙ୍କ ପୋଷ୍ଟରକୁ କ୍ଷୀରରେ ଗାଧୋଇ ଦେଉଥିବା ବେଳେ କୀର୍ତ୍ତନ କରି ଭାରତ ମାତା କି ଜୟ ଏବଂ ବନ୍ଦେ ମାତରମର ସହ ଇଣ୍ଡଆ ଜିତିବା ନେଇ ନାରା ଲଗାଇବାଥିବା ଦେଖିବାକୁ ମିଳିଛି । କାରଣ ଭାରତର ଦୁଇ ମହାନ ବ୍ୟାଟ୍ସମ୍ୟାନ୍ ରୋହିତ ଶର୍ମା ଏବଂ ବିରାଟ କୋହଲି ଉତ୍କୃଷ୍ଟ ଫର୍ମରେ ଅଛନ୍ତି । ସେପଟେ ବିଶ୍ୱକପ୍ ୨୦୨୩ରେ ବିରାଟ ଲଗାଉଛନ୍ତି ଚଉକାଛକା । ଭାଙ୍ଗୁଛନ୍ତି ଅନେକ ରେକର୍ଡ । ତେବେ ଭାରତ ମାଟିରେ କଙ୍ଗାରୁଙ୍କୁ ଚକମା ଦେବାକୁ ରୋହିତ ବାହୀନୀ ଏକଦମ ପ୍ରସ୍ତୁତ । ପଡିଆ ପ୍ରସ୍ତୁତ, ଖେଳାଳୀ ମଧ୍ୟ ପ୍ରସ୍ତୁତ । ସେଥିପାଇଁ ପ୍ରଶଂସକଙ୍କ ମଧ୍ୟରେ ପ୍ରବଳ ଉକ୍ରଣ୍ଠା ଭରି ରହିଛି ।