ବନ୍ଦେ ଭାରତ ଖାଦ୍ୟରୁ ବାହାରିଲା ପୋକ , ଅଭିଯୋଗ ପରେ ଲାଗିଲା ୫୦,୦୦୦ ଟଙ୍କାର ଜୋରିମାନା..
1 min read
ଦୂର ସ୍ଥାନକୁ ଯିବା ପାଇଁ ଟ୍ରେନ ଯାତ୍ରା କରିବାକୁ ସମସ୍ତେ ପସନ୍ଦ କରିଥାନ୍ତି । କାହିଁକି ନା ସୂଲଭ ମୂଲ୍ୟ ସହ ଆରାମଦାୟକ ଯାତ୍ରା ଅନୁଭୂତି ଟ୍ରେନରୁ ହିଁ ମିଳିଥାଏ । ଦୂର ସ୍ଥାନକୁ ଯାତ୍ରା କରୁଥିବା ଯାତ୍ରୀ ଟ୍ରେନ ରେ ଖାଇବା ଅର୍ଡର କରି ଖାଇଥାନ୍ତି ହେଲେ ଟ୍ରେନରେ ମିଳୁଥିବା ଖାଦ୍ୟ ମଣିଷ ଖାଇବା ପାଇଁ ଉପଯୁକ୍ତ ମାନର ନୁହେଁ । କାରଣ ଏବେ ବନ୍ଦେ ଭାରତ ଟ୍ରେନ୍ ଯାତ୍ରୀଙ୍କ ଖାଦ୍ୟ ଭିତରୁ ବାହାରିଛି ପୋକ ।ଏହି ଘଟଣା ତିରୁନେଲଭେଲିରୁ ଚେନ୍ନାଇ ମାର୍ଗରେ ଘଟିଥିଲା ଏବଂ ସୋସିଆଲ ମିଡିଆରେ ଭୋଜନର ଭିଜୁଆଲ୍ ସେୟାର ହେବା ପରେ ଏହା ବିବାଦ ସୃଷ୍ଟି କରିଥିଲା। ଭିଡିଓରେ ସମ୍ବରରେ କଳା କଳା ପୋକ ଭାସୁଥିବା ଦେଖାଯାଇଥିଲା, ପ୍ରିମିୟମ ସେବାର ଖାଦ୍ୟ ଗୁଣରେ ଅନେକ ଉପଭୋକ୍ତା ଭୟଭୀତ ହୋଇପଡିଥିଲେ | କଂଗ୍ରେସ ସାଂସଦ ମାଣିକାମ ଟାଗୋର ଭିଡିଓ ସେୟାର କରି ବନ୍ଦେ ଭାରତ ଟ୍ରେନରେ ସ୍ୱଚ୍ଛତା ମାନ ଉପରେ ପ୍ରଶ୍ନ ଉଠାଇବା ପରେ ପରିସ୍ଥିତି ଆହୁରି ବଢି ଯାଇଥିଲା।
ଏନେଇ ଯାତ୍ରୀ ଜଣକ ଆଇଆରସିଟିସିରେ ଅଭିଯୋଗ କଲା ପରେ ଭାରତୀୟ ରେଳ ବିଭାଗ ପକ୍ଷରୁ କଡା କାର୍ଯ୍ୟାନୁଷ୍ଟାନ ଗ୍ରହଣ କରାଯାଇଛି । ଯାତ୍ରୀମାନଙ୍କୁ ଖାଦ୍ୟ ଯୋଗାଇବା କାମରେ ନିଯୋଜିତ କେଟରିଂ କମ୍ପାନୀକୁ ୫୦ ହଜାର ଟଙ୍କାର ଫାଇନ୍ ଦେବାକୁ କୁହାଯାଇଛି । ଏଥିସହ ଦିନ୍ଦିହଲର ଷ୍ଟେଶନର ଫୁଡ୍ ଇନସ୍ପେକ୍ଟର ପୋକ ବାହାରିଥିବା ସାମ୍ବରର ତୁରନ୍ତ ଯାଞ୍ଚ କରିଥିଲେ । ତେବେ ଆଲୁମିନିୟମ୍ ପାତ୍ରରେ ପୋକ ରହିଯାଇଥିବା ତଦନ୍ତରୁ ଜଣାପଡ଼ିଥିବା ବିଭାଗ ପକ୍ଷରୁ କୁହାଯାଇଛି ।
