ଆଜି IPL ମିନି ଆକ୍ସନ , ୪୦୫ ଖେଳାଳିଙ୍କର ହେବ ଭାଗ୍ୟ ପରୀକ୍ଷା
1 min read
ନୂଆଦିଲ୍ଲୀ : ଆଜି ୪୦୫ ଖେଳାଳିଙ୍କର ହେବ ଭାଗ୍ୟ ପରୀକ୍ଷା । କୋଚିର ଗ୍ରାଣ୍ଡ ହୟାତ ହୋଟେଲରେ ଏହି ମିନି ଆକ୍ସନ ହେବାକୁ ଥିବାବେଳେ, ଭାରତୀୟ ସମୟ ଦିନ ସାଢେ ୨ଟାରୁ ଏହା ଆରମ୍ଭ ହେବ । ତେବେ ଏହି ମିନି ଆକ୍ସନର ସିଧାପ୍ରସାରଣ ଷ୍ଟାର ସ୍ପୋର୍ଟସ ସହିତ ଜିଓ ସିନେମାରେ ମଧ୍ୟ ପ୍ରସାରିତ ହେବ । ଯାହାକୁ ଘରେ ବସି କ୍ରିକେଟ୍ ପ୍ରେମୀମାନେ ଉପଭୋଗ କରିପାରିବେ ।
ଆଇପିଏଲ୍ ୨୦୨୩ ପାଇଁ ଆଜି ହେବ ଖେଳାଳିମାନଙ୍କର ମିନି ଆକ୍ସନ। କୋଚିରେ ହେବାକୁ ଥିବା ଏ ଖେଳାଳି ନିଲାମରେ ଭାଗ୍ୟ ପରୀକ୍ଷା କରିବେ ୪୦୫ ଜଣ ବିଦେଶୀ ଓ ଭାରତୀୟ ଖେଳାଳି । ତେବେ ବର୍ତମାନ ୧୦ଟି ଯାକ ଟିମରେ ମାତ୍ର ୮୭ ଜଣ ଖେଳାଳିଙ୍କ ପାଇଁ ସ୍ଲଟ୍ ଫାଙ୍କା ଥିବାବେଳେ, ୪୦୫ ଜଣ ଖେଳାଳିଙ୍କର ଏଥିପାଇଁ ନିଲାମ ହେବ ।
ତେବେ ବେନ ଷ୍ଟୋକସ୍, ସାମ କରନ୍, କ୍ୟାମରନ୍ ଗ୍ରୀନ୍, କେନ୍ ୱିଲିୟମସନ୍, ଜୋ ରୁଟଙ୍କ ଭଳି ହାଇ-ପ୍ରୋଫାଇଲ୍ ଖେଳାଳିଙ୍କ ନାଁ ଏଥର ନିଲାମରେ ସାମିଲ ଥିବାବେଳେ । ଭାରତୀୟ ଖେଳାଳିଙ୍କ ଭିତରେ ମୟଙ୍କ ଅଗ୍ରୱାଲ, ମନୀଷ ପାଣ୍ଡେଙ୍କୁ ମଧ୍ୟ ନିଲାମରେ ଦେଖିବାକୁ ମିଳିବ । ତେଣୁ କ୍ରିକେଟ୍ ଦୁନିଆର ଏହି ବଡ ବଡ ନାଁ, କେଉଁ ଦଳରେ ସାମିଲ ହେଉଛନ୍ତି । ତା ଉପରେ ଆଜି ନଜର ରହିବ ।
ପ୍ଲେୟାର ଲିଷ୍ଟରେ ଖେଳାଳିମାନଙ୍କ ନିଲାମ ପାଇଁ ବେସ୍ ପ୍ରାଇସ୍ ଧାର୍ୟ୍ୟ ହେଇସାରିଛି । ଏଥର ଆଇପିଏଲ୍ ମିନି ଅକ୍ସନରେ ମୋଟ ୧୯ ଜଣ ଖେଳାଳିଙ୍କର ବେସ୍ ପ୍ରାଇସ୍ ୨ କୋଟି ଥିବାବେଳେ, ୧୧ ଜଣ ଖେଳାଳିଙ୍କର ବେସ୍ ପ୍ରାଇସ୍ ରହିଛି ଦେଢ କୋଟି ଟଙ୍କା । ସେହିଭଳି ମନୀଷ ପାଣ୍ଡେ, ମୟଙ୍କ ଅଗ୍ରୱାଲଙ୍କ ସହ ମୋଟ ୨୦ ଜଣ ଖେଳାଳିଙ୍କର ବେସ୍ ପ୍ରାଇସ୍ ଲିଷ୍ଟ ୧ କୋଟି ରହିଛି ।
ଖେଳାଳିମାନଙ୍କର ବେସ୍ ପ୍ରାଇସ୍ ଜାଣିବା ସହ କେଉଁ ଟିମ୍ ପାଖରେ କେତେ ଟଙ୍କା ବଳକା ଅଛି, ତା ଉପରେ ବି ନଜର ପକାଇ ଦିଅନ୍ତୁଟ୍ଟ
ଚା ମୁମ୍ବାଇ ଇଣ୍ଡିଆନ୍ସ ପାଖରେ ୨୦.୫୫ କୋଟି ଥିବାବେଳେ
ଚା ଚେନ୍ନାଇ ସୁପର କିଙ୍ଗସ୍ ପାଖରେ ୨୦.୪୫ କୋଟି ଟଙ୍କା ବଳକା ଅଛି
ଚା ଦିଲ୍ଲୀ କ୍ୟାପିଟାଲ୍ସ ପାଖରେ ୧୯.୪୫ କୋଟି
ଚା ଗୁଜରାଟ ଟାଇଟନ୍ସ ପାଖରେ ୧୯.୨୫ କୋଟି
କୋଲକାତା ନାଇଟ୍ ରାଇଡର୍ସ ପାଖରେ ୭.୦୫ କୋଟି ଟଙ୍କା ବଳକା ଅଛି
ଚା ସେହିପରି ଲକ୍ଷ୍ନୌ ସୁପରଜ୍ୟାଣ୍ଟସ୍ ପାଖରେ ୨୩.୩୫ କୋଟି
ଚା ପଞ୍ଜାବ କିଙ୍ଗସ୍ ପାଖରେ ୩୨.୨ କୋଟି
ଚା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପାଖରେ ୮.୭୫ କୋଟି
ଚା ରାଜସ୍ଥାନ ରୟାଲ୍ସ ପାଖରେ ୧୩.୨ କୋଟି
ଚା ସନରାଇଜର୍ସ ହାଇଦ୍ରାବାଦ ପାଖରେ ୪୨.୨୫ କୋଟି ଟଙ୍କା ନିଲାମ ପାଇଁ ବଳକା ଅଛି
