Rinku Singh IPL 2023 ; ପାଞ୍ଚଟି ଛକା ମାରିଥିବା ଆଲିଗଡର ରିଙ୍କୁ ସିଂଙ୍କ କାହାଣୀ , ସୁଇପର୍ରୁ ବନିଲେ ଆଇପିଏଲର ସବୁଠାରୁ ବଡ ସୁପରଷ୍ଟାର
1 min read
ଅହମଦାବାଦ୍ : ଦିନେ ପର ଘରେ ପୋଛା ମାରୁଥିଲେ, ଏବେ ୫ ବଲରେ ୫ ଛକା ମାରି ମ୍ୟାଚ ଜିତାଇଲେ ଆଲିଗଡର ରିଙ୍କୁ ସିଂହ । ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ରେ, ଏପ୍ରିଲ୍ ୯ (ରବିବାର) ଦିନ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଏକ ମ୍ୟାଚ୍ ଖେଳାଯାଇଥିଲା, ଯାହାକୁ ପ୍ରଶଂସକମାନେ ବହୁ ବର୍ଷ ପର୍ଯ୍ୟନ୍ତ ଭୁଲି ପାରିବେ ନାହିଁ। କୋଲକାତା ନାଇଟ୍ ରାଇଡର୍ସ ଏବଂ ଗୁଜୁରାଟ ଟାଇଟାନ୍ସ ମଧ୍ୟରେ ଖେଳାଯାଇଥିବା ଏହି ମ୍ୟାଚର ମୁଖ୍ୟ ଚରିତ୍ର ଥିଲେ ବାମହାତୀ ବ୍ୟାଟ୍ସମ୍ୟାନ୍ ରିଙ୍କୁ ସିଂ। ମ୍ୟାଚରେ ଶେଷ ଓଭରରେ ରିଙ୍କୁ ସିଂ ଏପରି ଏକ ଚମତ୍କାର ଖେଳ ପ୍ରଦର୍ଶନ କରିଥିଲେ ଯାହା ଆଇପିଏଲ ଇତିହାସରେ ଅବିଶ୍ୱସନୀୟ ।
ଗୁଜୁରାଟ ଟାଇଟାନ୍ସ ଉପରେ କୋଲକାତା ନାଇଟ୍ ରାଇଡର୍ସକୁ ତିନି ୱିକେଟ୍ ଜିତିବାକୁ ରିଙ୍କୁ ସିଂ କ୍ରମାଗତ ପାଞ୍ଚ ଛକା ମାରିଥିଲେ। ଶେଷ ପାଞ୍ଚଟି ବଲରେ କେକେଆର୍ ଜିତିବା ପାଇଁ ୨୮ ରନ୍ ଆବଶ୍ୟକ କରିଥିଲା, କିନ୍ତୁ ରିଙ୍କୁ ସିଂ ଏଭଳି ଛକା ମାରିଥିଲେ ଯେ ଦର୍ଶକଙ୍କ ସହ ଗୁଜୁରାଟ ଦଳ ମଧ୍ୟ ଅବାକ୍ ହୋଇଯାଇଥିଲା। ଆଲିଗଡରେ ଜନ୍ମ ହୋଇଥିବା ରିଙ୍କୁଙ୍କ କ୍ରିକେଟ୍ ଯାତ୍ରା ଏତେ ସହଜ ନଥିଲା। ମାତ୍ର ୨୫ ବର୍ଷ ବୟସରେ ରିଙ୍କୁ ନିଜ ଦକ୍ଷତା ଓ ପରିଶ୍ରମ ବଳରେ ଆଜି ସଫଳତାର ଶୀର୍ଷ ଛୁଇଁ ପାରିଛନ୍ତି । ଏନେଇ ସାରା ଦେଶରେ କୋଲକାତା ନାଇଟ୍ ସାଇଡରର୍ସର ହିରୋ ବା ସିଂହ ବ୍ୟାଟର ରିଙ୍କୁ ସିଂଙ୍କୁ ନେଇ ଚର୍ଚ୍ଚା । କଠିନ ପରିଶ୍ରମ, ଦୃଢ଼ ଇଚ୍ଛାଶକ୍ତି କେବେ ହେଲେ ହାର ମାନିବାକୁ ଦିଏନାହିଁ ବୋଲି ପ୍ରମାଣ କରିଦେଖାଇଛନ୍ତି ରିଙ୍କୁ ।
ଯେଉଁଠି ବିଶ୍ୱର ବଡ଼ବଡ଼ ବ୍ୟାଟର ଓ ଖେଳାଳି ହାର ମାନି ନେଉଥିଲେ, ସେଠି ରିଙ୍କୁ ନିଜର ସର୍ବଶ୍ରେଷ୍ଠ ପ୍ରଦର୍ଶନ କରି ସମସ୍ତଙ୍କ ହୃଦୟ ଜିତିଛନ୍ତି। କୋଲକାତାକୁ ମ୍ୟାଚ୍ ଜିତିବା ପାଇଁ ଶେଷ ୫ ବଲରେ ୨୮ ରନ ଦରକାର ଥିବା ବେଳେ ରିଙ୍କୁ କ୍ରମାଗତ ୫ଟି ଛକା ମାରି ସବୁ ଅସମ୍ଭବକୁ ସମ୍ଭବ କରି ଦେଖାଇଛନ୍ତି। ସବଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ରିଙ୍କୁ ସାମ୍ନା କରିଥିବା ଶେଷ ୭ ବଲରେ ୪୦ ରନ ହାସଲ କରି ନୂଆ କୀର୍ତ୍ତିମାନ ସୃଷ୍ଟି କରିଛନ୍ତି। ସେ ଜୋଶ ଲିଟଲଙ୍କ ଶେଷ ୨ ବଲରେ ଗୋଟିଏ ଛକା ଓ ଗୋଟିଏ ଚୌକା ମାରିଥିଲେ। ଏହାପରେ ଶେଷ ଓଭର ପକାଉଥିବା ୟାଶ ଦୟାଲଙ୍କ ୫ ବଲରୁ ୫ଟି ଛକା ମାରି କୋଲକାତା ପାଇଁ ବିଜୟ ମୁଣ୍ଡି ମାରିଥିଲେ।
ଋିଙ୍କୁଙ୍କ ସଂଘର୍ଷରୁ ସଫଳତାର କାହାଣୀ –
ଦିନେ ଲଗାଉଥିଲେ ପର ଘରେ ଛାଡୁପୋଛା ଆଜି ବନିଲେ ସୁପରଷ୍ଟାର କ୍ରିକେଟର ।
ଆଇପିଏଲ ଖେଳିବା ଓ ବିଶ୍ୱ ଦରବାରରେ ନିଜର ଛାପ ଛାଡ଼ିବା ରିଙ୍କୁଙ୍କ ପାଇଁ ଆଦୌ ସହଜ ନଥିଲା। କ୍ରିକେଟକୁ ନିଜର ପେଶା ଓ ନିଶା ଭାବେ ଗ୍ରହଣ କରିବା ରିଙ୍କୁ ପାଇଁ ଅତ୍ୟନ୍ତ କଷ୍ଟକର ଥିଲା। ରିଙ୍କୁ ବହୁତ ଶିକ୍ଷିତ ନଥିଲେ, ଯେଉଁଥିପାଇଁ ସେ କୋଚିଂ ସେଣ୍ଟରରେ ସୁଇପର ଭାବରେ ଚାକିରି ପାଇଲେ । ପର ଘରେ କାମ କରି ଟଙ୍କା ରୋଜଗାର କରିବା ସହ ପରିବାରର ଋଣ ଶୁଝୁଥିଲେ। ରହିବା ପାଇଁ ତାଙ୍କ ପରିବାର ପାଖରେ ଭଲ ଘରେ ଖଣ୍ଡେ ମଧ୍ୟ ନଥିଲା। କିଛିଦିନ ଝାଡୁପୋଛା ମାରିବା ପରେ ରିଙ୍କୁ ଏହି କାମ ଆଗକୁ କରିପାରିବେ ବୋଲି ଅନୁଭବ କଲେ ନାହିଁ ଏବଂ ସେ କିଛି ଦିନ ମଧ୍ୟରେ ଏହି ଚାକିରିରୁ ବିଦାୟ ନେଲେ । ଏହା ପରେ ରିଙ୍କୁ କ୍ରିକେଟ୍ ଉପରେ ଧ୍ୟାନ ଦେଇଥିଲେ, ଯାହା ତାଙ୍କ କ୍ୟାରିୟରକୁ ଉଜ୍ଜ୍ୱଳ କରିବ ବୋଲି ରିଙ୍କୁ ଦିନେ ସ୍ୱପ୍ନ ଦେଖିଥିଲେ । ଦୁଇ ଜଣ ମହମ୍ମଦ ଜିଓଶାନ ଏବଂ ମାସୁଦ ଅମିନ ରିଙ୍କୁ ସିଂଙ୍କ କ୍ୟାରିଅରକୁ ନୂତନ ବିମାନ ଦେବାରେ ସାହାଯ୍ୟ କରିଥିଲେ। ମାସୁଦ୍ ଅମିନ ପିଲାଦିନରୁ ରିଙ୍କୁକୁ କ୍ରିକେଟ୍ ତାଲିମ ଦେଇଥିବାବେଳେ ଜିଶାନ୍ ଏହି କ୍ରିକେଟରଙ୍କୁ ୧୬ ବର୍ଷରୁ କମ୍ ପରୀକ୍ଷାରେ ଦୁଇଥର ବିଫଳ ହେବା ପରେ ବହୁତ ସାହାଯ୍ୟ କରିଥିଲେ।
ରବିବାର ଇନିଂସ ପରେ ରିଙ୍କୁ ନିଜର ପୁରୁଣା କଥା ମନେପକାଇ ବେଶ ଭାବବିହ୍ୱଳ ମଧ୍ୟ ହୋଇଯାଇଥିଲେ। ଉତ୍ତର ପ୍ରଦେଶର ଆଲିଗଡ଼ରେ ଜନ୍ମ ଗ୍ରହଣ କରିଥିବା ରିଙ୍କୁଙ୍କ ବାପା ଘରଘର ବୁଲି ଏଲପିଜି ସିଲିଣ୍ଡର ଦେଇଥାଆନ୍ତି। ଏଥିସହ ଚାଷ କାମ ମଧ୍ୟ କରନ୍ତି। ୨୦୧୫-୧୬ରେ ରିଙ୍କୁ ଉତ୍ତର ପ୍ରଦେଶ ପାଇଁ ଅଣ୍ଡର ୧୯ ଖେଳୁଥିବା ବେଳେ ପରିବାର ଉପରେ ୫ ଲକ୍ଷ ଟଙ୍କାର ଋଣ ରହିଥିଲା।
ସେ ମ୍ୟାଚ୍ ଖେଳିବା ପାଇଁ ପାଉଥିବା ଭତ୍ତା ଟଙ୍କାକୁ ସଞ୍ଚୟ କରି ପରିବାର ଋଣ ଶୁଝିବା ଆରମ୍ଭ କରିଥିଲେ। ହେଲେ ଏହା ସମୁଦ୍ରକୁ ଶଙ୍ଖେ ହୋଇଥିବାରୁ ରିଙ୍କୁ ଘରୋଇ ସହାୟକ ବା ଚାକର ଭାବେ ପର ଘରେ କାମ କରିବା ଆରମ୍ଭ କରିଥିଲେ। ସେ ପର ଘରେ ଝାଡ଼ୁ ମାରିବା ସହ ପୋଛା ଲଗାଉଥିଲେ। ଏଥିରୁ ଯାହା ରୋଜଗାର ହେଉଥିଲା ପରିବାର ଲୋକଙ୍କୁ ଦେଉଥିଲେ।ସବୁ କଷ୍ଟ ସଂଘର୍ଷକୁ ହୃଦୟରେ ଚାପି ରଖିଥିବା ରିଙ୍କୁ ଗତକାଲି ସଭିଙ୍କ ସାମ୍ନାରେ ନିଜ କାହଣୀ କହିଛନ୍ତି । ସେ ଆଉ ମଧ୍ୟ ଯେ “ମୋ ବାପା ଅନେକ ସଂଘର୍ଷ କରିଛନ୍ତି। ମୁଁ ଗୋଟିଏ କୃଷକ ପରିବାରରୁ ଆସିଛି। ଗ୍ରାଉଣ୍ଡ ବାହାରକୁ ମୁଁ ଯେତେ ସବୁ ବଲ ମାରିଛି, ସେସବୁ ମୋ ପାଇଁ ବଳିଦାନ ଦେଇଥିବା ଲୋକଙ୍କୁ ଡେଡିକେଟ୍ କରୁଛି।”
