IPL 204 ; CSK ବନାମ RCB , ଆଜି ଚେନ୍ନାଇରେ ମୁହାଁମୁହିଁ ହେବେ ଦୁଇ ଦଳ ।
1 min read
ଆଉ ମାତ୍ର କିଛି ଘଣ୍ଟା ପରେ କ୍ରିକେଟ୍ ର ସବୁଠାରୁ ବଡ ପର୍ବ – ଇଣ୍ଡିଆନ୍ ପ୍ରିମିୟର ଲିଗ୍ ଆରମ୍ଭ ହେବ। ଦୁନିଆର ସବୁଠୁ ବଡ ଟି -୨୦ ଲିଗ୍ ର ୧୭ ତମ ସିଜନ୍ ୨୨ ମାର୍ଚ୍ଚ ଶୁକ୍ରବାର ଠାରୁ ଆରମ୍ଭ ହୋଇଛି ଏବଂ ଏହା ଏକ ଜବରଦସ୍ତ ମ୍ୟାଚ୍ ସହିତ ଆରମ୍ଭ ହେବ – ଚେନ୍ନାଇ ସୁପର କିଙ୍ଗସ୍ ବନାମ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୁରୁ ।
ଚେନ୍ନାଇ ଏମ୍ଏ ଚିଦାମ୍ବରମ ଷ୍ଟାଡିୟମରେ ଉଦ୍ଘାଟନୀ ମୁକାବିଲାରେ ମହେନ୍ଦ୍ର ସିଂ ଧୋନିଙ୍କ ଚେନ୍ନାଇ ସୁପର କିଙ୍ଗ୍ସ ଓ ବିରାଟ କୋହଲିଙ୍କ ରୟାଲ ଚ୍ୟାଲେଞ୍ଜର୍ସ ପରସ୍ପରକୁ ଭେଟିବେ। ଯଦିଓ ଏହି ଦୁଇ ତାରକା ସେମାନଙ୍କ ଦଳର ନେତୃତ୍ୱ ଛାଡି ସାରିଛନ୍ତି। ଧୋନିଙ୍କ ବଦଳରେ ନୂଆ ଅଧିନାୟକ ଋତୁରାଜ ଗାଏକ୍ୱାଡ ଚେନ୍ନାଇ ଓ ଦକ୍ଷିଣ ଆଫ୍ରିକାର ଫାଫ୍ ଡୁପ୍ଲେସିସ୍ ବେଙ୍ଗାଲୁରୁ ଦଳରେ ନେତୃତ୍ୱ ନେବେ। ବିଶ୍ୱର ଶ୍ରେଷ୍ଠ ତଥା ତାରକା କ୍ରିକେଟରଙ୍କୁ ନେଇ ଦୁଇ ଦଳ ଗଠିତ ହୋଇଛି। ତେଣୁ ଟୁର୍ଣ୍ଣାମେଣ୍ଟ ଆରମ୍ଭରୁ ପ୍ରଶଂସକମାନେ ସଂଘର୍ଷ ଓ ଜବରଦସ୍ତ ରୋମାଞ୍ଚ ଦେଖିବାକୁ ପାଇବେ।
ଗତକାଲି ଅଚାନକ୍ ଅଧିନାୟକ ପଦରୁ ଓହରିଥିଲେ କ୍ୟାପ୍ଟେନ କୁଲ୍ ମହେନ୍ଦ୍ର ସିଂହ ଧୋନି। ଏଥର ପ୍ରଥମ ଥର ପାଇଁ ଋତୁରାଜ ଗାଏକୱାର୍ଡଙ୍କ ଅଧିନାୟକତ୍ୱରେ ପଡ଼ିଆକୁ ଓହ୍ଲାଇବ ଚେନ୍ନାଇ ସୁପର କିଙ୍ଗସ। ଆଜି ରାତି ୮ଟାରେ ମ୍ୟାଚ୍ ଆରମ୍ଭ ହେବ। ଏହାର ୨ ଘଣ୍ଟା ପୂର୍ବରୁ ଅର୍ଥାତ୍ ସନ୍ଧ୍ୟା ୬ଟାରେ ଆରମ୍ଭ ହେବ ରଙ୍ଗାରଙ୍ଗ କାର୍ଯ୍ୟକ୍ରମ। ଉଦଘାଟନୀ ମ୍ୟାଚରେ ମୁଖ୍ୟ ଆକର୍ଷଣ ସାଜିବେ ବଲିଉଡ ଖିଲାଡି ଅକ୍ଷୟ କୁମାର। ଟାଇଗର ସର୍ଫ, ଏଆର ରେହମାନ ଓ ସୋନୁ ନିଗମ୍ ମଧ୍ୟ ସାମିଲ ହେବେ।
