ଚଳନ୍ତା ଆଇରନ ବୋଝେଇ ଟ୍ରକରେ ଲାଗିଗଲା ନିଆଁ : ଫାଟିଲା ୧୬ ଚକା , ଅଳ୍ପକେ ବର୍ତ୍ତିଲେ ଡ୍ରାଇଭର ଓ ହେଲପର
1 min read
ଗଞ୍ଜାମ : ବିଚ୍ ରାସ୍ତାରେ ଜଳିଲା ଆଇରନ୍ ବୋଝେଇ ଟ୍ରକ୍ । ଚଳନ୍ତା ଅବସ୍ଥାରେ ହଠାତ୍ ଲାଗିଗଲା ନିଆଁ । ଫାଟିଲା ଗାଡିର ୧୬ ଟିଚକା ,ଭିତରେ ଥିଲେ ଡ୍ରାଇଭର ଓ ହେଲପର ।
ସୂଚନା ଅନୁଯାୟୀ ରବିବାର ବିଳମ୍ବିତ ରାତ୍ରୀ ସମୟରେ ଗଞ୍ଜାମ ୧୬ ନମ୍ବର ଜାତୀୟ ରାଜପଥର ଶନି ମନ୍ଦିର ଛକ ଠାରେ ଏଭଳି ଭୟଙ୍କର ଦୁର୍ଘଟଣା ଘଟିଛି । କେନ୍ଦୁଝରରୁ ଗୋପାଳପୁରକୁ ଆଇରନ ପଥର ନେଇ ଯାଉଥିଲା ଟ୍ରକ୍ । ସର୍ଟସର୍କିଟ ଯୋଗୁ ଟ୍ରକ୍ରେ ନିଆଁ ଲାଗିଥିବା ଅନୁମାନ କରାଯାଉଛି ।ଖବର ପାଇ ତୁରନ୍ତ ଛତ୍ରପୁର ଦମକଳ ବାହିନୀ ଓ ଗ୍ରାସୀମ କମ୍ପାନୀ ଦମକଳ ଗାଡି ପହଞ୍ଚି ନିଆଁକୁ ଆୟତ୍ତ କରିଥିଲେ । ନିଆଁ ଲାଗି ଗାଡି ଜଳୁଥିବା ବେଳେ ୧୬ଟି ଚକ ଫାଟି ପ୍ରଚଣ୍ଡ ଶବ୍ଦ ହୋଇଥିଲା । ଘଟଣାର ତଦନ୍ତ ଚାଲିଛି ।
Advertisement
