ଏହି ଅଭିନେତ୍ରୀଙ୍କ ପ୍ରେମରେ ପଡିଛନ୍ତି ମହମ୍ମଦ ସିରାଜ ! ଇନଷ୍ଟାରେ ଦେଲେ ହିଣ୍ଟ …
1 min read
ବଲିଉଡ୍ ଓ କ୍ରିକେଟ ଦୁନିଆର ସଂଯୋଗ ବିଷୟରେ ସମସ୍ତେ ଜାଣନ୍ତି । ପୂର୍ବରୁ ଅନେକ ଅଭିନେତ୍ରୀ କ୍ରିକେଟରମାନଙ୍କୁ ବିବାହ କରି ଘର ସଂସାର କରିସାରିଛନ୍ତି । ଅଧିକାଂଶ ସମୟରେ କ୍ରିକେଟରମାନେ ଅଭିନେତ୍ରୀମାନଙ୍କୁ ଡେଟ୍ କରୁଥିବା କଥା ଆମେ ଶୁଣିଛନ୍ତି । ଏବେ ପୁଣି ଏକ କ୍ରିକେଟର ଓ ଅଭିନେତ୍ରୀ ଯୋଡ଼ିଙ୍କୁ ଚର୍ଚ୍ଚା ଜୋର ଧରିଛି । ଏହି ଯୋଡ଼ି ହେଉଛନ୍ତି କ୍ରିକେଟର ମହମ୍ମଦ ସିରାଜ ଏବଂ ଅଭିନେତ୍ରୀ ମାହିରା ଶର୍ମା । ଏହି ଦୁହେଁ ଡ଼େଟ୍ କରୁଥିବା ନେଇ ଇଣ୍ଡଷ୍ଟ୍ରିରେ ଆଲୋଚନା ହେଉଛି ।
ବିଗି ବସ୍-୧୩ରେ ପ୍ରତିଯୋଗୀ ମାହିରା ଶର୍ମାଙ୍କ ନାମ ଏବେ କ୍ରିକେଟର ମହମ୍ମଦ ସିରାଜ ନାମ ସହ ଯୋଡାଯାଇଛି ।କୁହାଯାଉଥିଲା ସହ-ପ୍ରତିଯୋଗୀ ପାରସ ଛାବ୍ରାଙ୍କ ସହ ମାହିରା ଶର୍ମାଙ୍କ ପ୍ରେମ ସମ୍ପର୍କକୁ ନେଇ ଚର୍ଚ୍ଚା ହୋଇଥିଲା। ସୋ’ ସରିବା ପରେ ବି ଦୁହେଁ କିଛି ବର୍ଷ ପରସ୍ପରକୁ ଡେଟ କରିଥିଲେ । ହେଲେ କିଛି ମାସ ତଳେ ଦୁହିଁଙ୍କ ବ୍ରେକଅପ ଖବର ସାମ୍ନା କୁ ଆସିଥିଲା। ଏବେ ଅଭିନେତ୍ରୀଙ୍କ ନାମ ଜଣେ ଭାରତୀୟ କ୍ରିକେଟର ମହମ୍ମଦ ସିରାଜଙ୍କ ସହ ଯୋଡାଯାଉଛି।
କୁହାଯାଉଛି ଯେ, ମାହିରା ଏବେ କ୍ରିକେଟର ମହମ୍ମଦ ସୀରାଜଙ୍କୁ ଡେଟ୍ କରୁଛନ୍ତି। ମହମ୍ମଦ, ଇନଷ୍ଟାଗ୍ରାମରେ ମାହିରାଙ୍କ ଏକ ଫଟୋକୁ ପସନ୍ଦ କରିବା ପରେ ଏହି ଚର୍ଚ୍ଚା ଆରମ୍ଭ ହୋଇଛି। କୌଣସି ସମ୍ପର୍କ ନଥାଇ ମହମ୍ମଦ କାହିଁକି ମାହିରାଙ୍କ ଫଟୋକୁ ପସନ୍ଦ କରିବେ ବୋଲି କହି ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଥିବା ନେଇ ଇନଷ୍ଟାଗ୍ରାମରେ ଲୋକେ ଚର୍ଚ୍ଚା କରିବା ଆରମ୍ଭ କରିଛନ୍ତି। ହେଲେ ଏହି ଚର୍ଚ୍ଚାକୁ ନେଇ ଦୁହେଁ କୌଣସି ପ୍ରତିକ୍ରିୟା ଦେଇନାହାନ୍ତି।
