ବିବାହ କରିବେ ଇସ୍କବାଜ ଫେମ୍ ଅନିକା , ମାର୍ଚ୍ଚ ମାସରେ ବୟଫ୍ରେଣ୍ଡ କରନଙ୍କ ସହ ପଡିବ ହାତଗଣ୍ଠି….
1 min read
ମୁମ୍ବାଇ ; ନିଜ ଚୁଲବୁଲି ନଟଖଟ୍ ଅଭିନୟ ଯୋଗୁ ଲକ୍ଷ ଲକ୍ଷ ଲୋକଙ୍କ ହୃଦୟରେ ରାଜ୍ କରୁଥିବା ଇସ୍କବାଜ୍ ଫେମ୍ ଅନିକା ( ସୁରଭି ଚନ୍ଦନା) ନିକଟରେ ବିବାହ କରିବାକୁ ଯାଉଛନ୍ତି । ପ୍ରଥମେ ଇସ୍କବାଜ୍ ଫେମ୍ ଗୌରୀ (ସେରନୁ ପାରିଖ)ଙ୍କ ବିବାହ ଖବର ସାମ୍ନାକୁ ଆସିଥିଲା । ସେ ୨୧ ଡିସେମ୍ବରରେ ନିଜ ବୟଫ୍ରେଣ୍ଡ ଅକ୍ଷୟ ମହତ୍ରେଙ୍କୁ ବିବାହ କରିଥିଲେ । ଯେଉଁଥିରେ ଇସ୍କବାଜ୍ର ସବୁ ଅଭିନେତା ଓ ଅଭିନେତ୍ରୀମାନେ ସାମିଲ ହୋଇଥିଲେ । ଆଉ ସିରିଏଲରେ ଦେଖାଇଥିବା ମସ୍ତି ମଜାକ୍ ମଧ୍ୟ ରିଅଲ୍ରେ କରିଥିଲେ । ଯାହାର ଫଟୋ ଖୁବ୍ ଜୋରରେ ଭାଇରାଲ ହୋଇଥିଲା ।
ତେବେ ବର୍ତ୍ତମାନ ସୂଚନା ମିଳୁଛି ଯେ ଇସ୍କବାଜର ଚର୍ଚ୍ଚିତ ଅଭିନେତ୍ରୀ ସୁରଭି ନିଜ ୧୩ ବର୍ଷର ପ୍ରେମିକ କରଣ ଶର୍ମାଙ୍କୁ ବିବାହ କରିବାକୁ ଯାଉଛନ୍ତି । ୧୩ ବର୍ଷ ପୂର୍ବେ ଦୁହେଁ ଦୁହିଁଙ୍କୁ ଏକ ପାର୍ଟୀରେ ସାଧାରଣ ସାକ୍ଷାତ କରିଥିଲେ । ଏହାପରେ ଦୁହିଁଙ୍କ ମଧ୍ୟରେ ବନ୍ଧୁତା ଓ ବନ୍ଧୁତାରୁ ପ୍ରେମ ସର୍ମ୍ପକ ଗଢିଉଠିଥିଲା । କିନ୍ତୁ ଦୁହେଁ ନିଜ ସର୍ମ୍ପକକୁ ଗୋପନୀୟତା ରଖିଥିଲେ ।
ନିକଟରେ କରନଙ୍କ ଜନ୍ମଦିନରେ ଦୁହିଁଙ୍କ ରିଲେଶନସିପ୍ ଅଫିସିଆଲି ଘୋଷଣା କରିଥିଲେ କରନ୍ । ଆଉ ମାର୍ଚ୍ଚ ଶେଷ ସୁଦ୍ଧା ଦୁହେଁ ଦୁହିଁଙ୍କ ହାତ ସବୁଦିନ ପାଇଁ ଧରିବା ଅର୍ଥାତ୍ ବିବାହ ଖବର ଜଣାଇଥିଲେ ।
