ପ୍ରଧାନମନ୍ତ୍ରୀ ମୋଦି ମୋ ଘରକୁ ଆସିବା ଭୁଲ ନ ଥିଲା: ଏପରି ଜବାବ ରଖିଲେ ସିଜେଆଇ
1 min read
କଡା ଜବାବ ଦେଲେ ସୁପ୍ରିମକୋର୍ଟ ସିଜିଆଇ | ସମସ୍ତ ପ୍ରଶ୍ନର ଦେଲେ ଉତ୍ତର | ସୋମବାର ଚନ୍ଦ୍ରଚୁଡ଼ କହିଛନ୍ତି ଯେ ପ୍ରଧମନ୍ତ୍ରୀ ନରେନ୍ଦ୍ର ମୋଦି ଜଣେ ବିଶ୍ୱାସୀ ବ୍ୟକ୍ତି ଏବଂ ସମସ୍ତ ଧର୍ମକୁ ସମାନ ସମ୍ମାନ କରନ୍ତି। ଏକ କାର୍ଯ୍ୟକ୍ରମରେ ଜଷ୍ଟିସ ଚନ୍ଦ୍ରଚୁଡ଼ କହିଛନ୍ତି ଯେ ଅଯୋଧ୍ୟା ନିଷ୍ପତ୍ତି ପୂର୍ବରୁ ସେ ଭଗବାନଙ୍କ ନିକଟରେ ପ୍ରାର୍ଥନା କରନ୍ତି।
ପ୍ରଧାନ ବିଚାରପତି ଡି.ଓ୍ବାଇ ଚନ୍ଦ୍ରଚୁଡ଼ ଆହୁରି କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗଣପତି ପୂଜା ପାଇଁ ତାଙ୍କ ଘରକୁ ଯିବାରେ କିଛି ଭୁଲ ନାହିଁ। ଏଭଳି ପ୍ରସଙ୍ଗରେ ରାଜନୀତି କ୍ଷେତ୍ରରେ ପରିପକ୍ୱତାର ଭାବନା ରହିବା ଉଚିତ ବୋଲି ମଧ୍ୟ ସେ କହିଛନ୍ତି। ବିଚାରପତିମାନଙ୍କୁ ସନ୍ଦେହ କରିବା ହେଉଛି ସିଷ୍ଟମକୁ ବଦନାମ କରିବା। ଏକ ଇଂରାଜୀ ଦୈନିକ କାର୍ଯ୍ୟକ୍ରମରେ ଜଷ୍ଟିସ ଚନ୍ଦ୍ରଚୁଡ଼ କହିଛନ୍ତି, ଗଣପତି ପୂଜା ପାଇଁ ପ୍ରଧାନମନ୍ତ୍ରୀ ମୋ ଘରକୁ ଆସିଥିଲେ। ଏଥିରେ ସଂପୂର୍ଣ୍ଣ ଭୁଲ ନାହିଁ, କାରଣ ସାମାଜିକ ସ୍ତରରେ ନ୍ୟାୟପାଳିକା ଏବଂ କାର୍ଯ୍ୟନିର୍ବାହୀ ମଧ୍ୟରେ ବୈଠକ ଚାଲିଥାଏ। ଆମେ ରାଷ୍ଟ୍ରପ୍ରତି ଭବନ, ଗଣତନ୍ତ୍ର ଦିବସ ଇତ୍ୟାଦିରେ ଭେଟୁ । ଆମେ ପ୍ରଧାନମନ୍ତ୍ରୀ ଏବଂ ମନ୍ତ୍ରୀମାନଙ୍କ ସହ କଥାବାର୍ତ୍ତା କରୁଛୁ। ଏହି ବାର୍ତ୍ତାଳାପରେ ଆମେ ନିଷ୍ପତ୍ତି ନେଉଥିବା ବିଷୟ ଅନ୍ତର୍ଭୂକ୍ତ ହୁଏ ନାହିଁ, କିନ୍ତୁ ଜୀବନ ଏବଂ ସମାଜ ବିଷୟରେ ସାଧାରଣ ବାର୍ତ୍ତାଳାପ ହୋଇଥାଏ।
