କ୍ରିକେଟ ପ୍ରେମୀଙ୍କ ପାଇଁ ଖୁସି ଖବର , ବାରବାଟୀରେ ହେବ IPL ମ୍ୟାଚ !

ଓଡିଶାର କ୍ରିକେଟ ପ୍ରେମୀଙ୍କ ପାଇଁ ଖୁସି ଖବର । ଏଥର ଷ୍ଟାଡିୟମରେ ବସି ସିଧାସଳଖ ଆଇପିଏଲ ମ୍ୟାଚ ଦେଖିବେ କ୍ରିକେଟ ପ୍ରେମୀ । କାରଣ ବାରବାଟୀରେ ହେବ ଆଇପିଏଲ ମ୍ୟାଚ । ଦିଲ୍ଲୀ କ୍ୟାପିଟାଲ୍ସ ବାରବାଟୀ ଷ୍ଟାଡିୟମରେ କେତୋଟି ମ୍ୟାଚ ଖେଳିପାରେ ବୋଲି ଗଣମାଧ୍ୟମ ସୁତ୍ରରୁ ସୂଚନା ମିଳିଛି । ଦିଲ୍ଲୀର ଅରୁଣ ଜେଟଲି ଷ୍ଟାଡିୟମ ମ୍ୟାଚ ପାଇଁ ପ୍ରସ୍ତୁତ ନଥିବାରୁ ଦିଲ୍ଲୀର ପ୍ରଥମ କେତୋଟି ମ୍ୟାଚ ବାରବାଟୀରେ କରିବାକୁ ଆୟୋଜକ ମାନେ ଯୋଜନା କରିଛନ୍ତି । ଅରୁଣ ଜେଟଲି ଷ୍ଟାଡିୟମରେ ମହିଳା ଆଇପିଏଲ ଫାଇନାଲର ଅଳ୍ପ କିଛି ଦିନ ପରେ ପୁରୁଷ ଆଇପିଏଲ ମ୍ୟାଚ ଖଳାଯିବ । ଯେଉଁଥିପାଇଁ ଏତେ କମଦିନ ମଧ୍ୟରେ ଷ୍ଟାଡିୟମ ପୁଣିଥରେ ଖେଳିବାକୁ ପ୍ରସ୍ତୁତ ହୋଇନଥିବ ।

ଏଥିପାଇଁ ବାରବାଟୀକୁ ବିକଳ୍ପ ଭେନ୍ୟୁ ଭାବେ ବିଚାର କରାଯାଉଛି । ତେବେ ଏ ନେଇ ଓଡ଼ିଶା କ୍ରିକେଟ ଆସୋସିଏସନ ପକ୍ଷରୁ କୌଣସି ସୂଚନା ମିଳିପାରିନାହିଁ । ବିଗତ ଦିନରେ ବାରବାଟୀରେ ସାତଟି ଆଇପିଏଲ ମ୍ୟାଚ ଖେଳାଯାଇଛି । ତେବେ ୨୦୧୪ରେ ଶେଷଥର ପାଇଁ ବାରବାଟୀରେ ମ୍ୟାଚ ଖେଳାଯାଇଥିଲା । ଏହା ପରେ ଦୀର୍ଘ ୧୦ ବର୍ଷ ବିତିଯାଇଥିଲେ ମଧ୍ୟ ବାରବାଟୀକୁ ଗୋଟିଏ ହେଲେ ମ୍ୟାଚ ମିଳିପାରିନି ।