ଭୟଙ୍କର ଅଗ୍ନିକାଣ୍ଡ , ହୁତୁ ହୋଇ ଜଳିଗାଲ ସାତ ଦୋକାନ …
1 min read
ଏବେ ନିଆଁ ନାହିଁ କି ଧୁଆଁ ନାହିଁ । ଧୀରେ ସବୁ କିଛି ଶାନ୍ତ ପଡିଗଲାଣି । ହେଲେ ସେହି ସର୍ବଗିଳା ନିଆଁ ଆଜି ସର୍ବସ୍ୱ ଲୁଟି ନେଇଛନ୍ତି । ଉଜାଡି ଦେଇଛି ଭାତ ହାଣ୍ଡି । ଆଜି ସାତଟା ପରିବାରକୁ ଦାଣ୍ଡରେ ଛିଡା କରିଦେଇଛି । କାରଣ ଦାନା ଯୋଗାଉଥିବା ତାଙ୍କର ସେହି ଦୋକାନକୁ ଆଜି ଏ ନିଆଁ ଜାଲିପୋଡି ଛାରଖାର କରିଦେଇଛି । ଭାଙ୍ଗିଦେଇଛି ଗରିବର ମେରୁଦଣ୍ଡ ହାଡ । ଆଜି ସେହି ଦରପୋଡା ପାଉଁସ ଭିତରେ ନିଜର ସ୍ୱପ୍ନକୁ ଖୋଜି ଚାଲିଛି ଏ ଅସହାୟ ମଣିଷ । ସୂଚନାନୁସାରେ ଜଗତସିଂହପୁର ଜ଼ିଲ୍ଲା ସଦର ମହକୁମା ଠାରୁ ମାତ୍ର ସାତ କିଲୋମିଟର ଦୂର ନୂଆପୋଲ ବଜାର ରେ ଥିବା ଫଳ ଦୋକାନ, ଭେରାଇଟି ଷ୍ଟୋର, କ୍ଷୀର ଷ୍ଟୋର ଆଦି ସାତଟି ଦୋକାନ ରେ ରବିବାର ବିଳମ୍ବିତ ରାତିରେ ନିଆଁ ଲାଗି ସମସ୍ତ ଦୋକାନ ପୋଡି ପାଉଁଶ ହୋଇଯାଇଛି ।
ଦୋକାନ ରେ ସମସ୍ତ ଆସବା ପତ୍ର, ଫ୍ରିଜ, ଫ୍ୟାନ, ସମସ୍ତ ସାମଗ୍ରୀ ଜଳି ପୋଡି ସମ୍ପୂର୍ଣ ନଷ୍ଟ ହୋଇଯାଇଛି । ତେବେ ଖବର ପାଇ ଘଟଣା ସ୍ଥଳରେ ଅଗ୍ନିଶମ ବାହିନୀ ନିଆଁ କୁ ଆୟତ କରିଛି । ତେବେ କାହିଁକି ଓ କେମିତି ନିଆଁ ଲାଗିଲା ତାହା ଜଣାପଡିନାହିଁ । ତେବେ ନିଶା କାରବାର କୁ କେନ୍ଦ୍ର କରି ଏଭଳି ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି । ତେବେ ଏହାକୁ ନେଇ ଘଟଣା ସ୍ଥଳରେ ଉତେଜନା ଦେଖାଦେଇଛି ।
