ଓଭରବ୍ରିଜ ତଳକୁ ଖସିଲା ଯାତ୍ରୀବାହୀ ବସ ଚାଲିଗଲା ୫ ଯାତ୍ରୀଙ୍କ ଜୀବନ…. ମୃତକ ପରିବାର ପାଇଁ ୩ ଲକ୍ଷ ସହାୟତା ଘୋଷଣା କଲେ ମୁଖ୍ୟମନ୍ତ୍ରୀ
1 min read
ଓଭରବ୍ରିଜ ତଳକୁ ଖସିଲା ବସ ଓ ଆଖି ବୁଜିଲେ ୫ ଜଣ ଯାତ୍ରୀ | ମୃତକଙ୍କ ପାଇଁ ଗଭୀର ଶୋକ ପ୍ରକାଶ କରିବା ସହ ପ୍ରତ୍ୟକ ମୃତକ ବର୍ଗଙ୍କ ପାଇଁ ୩ ଲକ୍ଷ ଟଙ୍କାର ଅନୁକମ୍ପା ମୂଳକ ସହାୟତା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ଏବଂ ଆହତଙ୍କ ଚିକିତ୍ସା ଖର୍ଚ୍ଚ ମୁଖ୍ୟମନ୍ତ୍ରୀ ବହନ କରିବେ ବୋଲି କହିଛନ୍ତି | ଅନ୍ୟପଟେ ଉଦ୍ଧାର କାର୍ଯ୍ୟ ପାଇଁ ଆସିଥିଲା କ୍ରେନ ଏବଂ ତା’ ସହ ଆସିଛି ୧୬ଟି ଆମ୍ବୁଲାନ୍ସ ମଧ୍ୟ ବ୍ୟବହାର କରାଯାଇଥିଲା |
ତେବେ ଯାଜପୁର ବାରବାଟୀର ଭୟାନକ ଦୁର୍ଘଟଣା ନିଶ୍ଚିତ ଭାବରେ ହୃଦୟ ବିଦାରକ ଅଟେ | ଦୁର୍ଘଟଣାରେ 40 ରୁ ଉର୍ଦ୍ଧ୍ବ ଯାତ୍ରୀ ହୋଇଥିଲେ ଆହତ | ତେବେ ତାଙ୍କୁ ନିକଟବର୍ତ୍ତୀ ହସ୍ପିଟାଲରେ କରାଯାଇଥିଲା ଚିକିତ୍ସା | ଯାଜପୁର ଜିଲ୍ଲା ବାରବାଟୀ ଛକ ଅଞ୍ଚଳରେ ଯାତ୍ରୀବାହୀ ବସ ଫ୍ଲାଇ ଓଭରରୁ ଖସିପଡିବା ଘଟଣାରେ ୫ ଜଣ ବ୍ୟକ୍ତିଙ୍କ ଜୀବନ ଯାଇଛି | ଖବର ପାଇ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଗଭୀର ଦୁଃଖ ପ୍ରକାଶ କରିଥିଲେ | ଶୋକସନ୍ତପ୍ତ ପରିବାରବର୍ଗକୁ ଗଭୀର ସମବେଦନା ଜଣାଇବା ସହିତ ମୃତ ବ୍ୟକ୍ତିମାନଙ୍କ ନିକଟତମ ଆତ୍ମୀୟଙ୍କ ନିମନ୍ତେ ୩ ଲକ୍ଷ ଟଙ୍କା ଲେଖାଏ ଅନୁକମ୍ପାମୂଳକ ସହାୟତା ଘୋଷଣା କରିଛନ୍ତି |
ଏହାସହିତ ଆହତ ଯାତ୍ରୀମାନଙ୍କ ପାଇଁ ଉପଯୁକ୍ତ ଚିକିତ୍ସା ବ୍ୟବସ୍ଥା କରିବା ପାଇଁ ମଧ୍ୟ ମୁଖ୍ୟମନ୍ତ୍ରୀ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇସାରିଛନ୍ତି | ଓ ସସେମାନଙ୍କର ଆଶୁ ଆରୋଗ୍ୟ କାମନା କରିଛନ୍ତି |
