ପିଟିଦେଲା ଅଜଣା ଗାଡି ଚାଲିଗଲା ୨ଜୀବନ, ଜଣେ ଆହତ..
1 min read
ଡ୍ରାଇଭରଙ୍କ ବେପାରୁଆ ଗାଡି ଚାଳନା ପାଇଁ ପ୍ରତ୍ୟେକ ଦିନ ହେଉଛି ସଡକ ଦୁର୍ଘଟଣା । ଅକାଳରେ ଚାଲିଯାଇଛି ନିରିହ ଲୋକଙ୍କ ଜୀବନ । ସେହିପରି ୩ଜଣ ବାଇକ ଆରୋହୀଙ୍କୁ ଧକ୍କାଦେଲା ଅଜଣା ଗାଡି । ଘଟଣାସ୍ଥଳରେ ଚାଲିଗଲା ଦୁଇ ଜଣଙ୍କର ଜୀବନ । ଆଉ ଜଣେ ମେଡିକାଲ ବେଡରେ ଜୀବନ ମୃତ୍ୟୁ ସହ କରୁଛି ସଂଗ୍ରାମ । ଏପରି ଦୁର୍ଘଟଣା ଘଟିଛି ଯାଜପୁର ଜିଲ୍ଲା ଯାଜପୁର ରୋଡ଼ ଥାନା ଅନ୍ତର୍ଗତ ଗତକାଲି ମଧ୍ୟ ରାତ୍ରିରେ ମିଲିଟାରୀ ଛକ ନିକଟରେ । ସୂଚନା ମୁତାବିକ ୩ଜଣ ଯୁବକ ଏକ ବାଇକ ଯୋଗେ ଆସୁଥିବା ବେଳେ ସମୋନଙ୍କୁ ଏକ ଅଜଣା ଗାଡି ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହାତ ହୋଇଥିଲେ । ତୁରନ୍ତ ଖବର ପାଇ ଦାନଗଦି ପୋଲିସ ଘଟଣା ସ୍ଥଳରେ ପହଞ୍ଚି ଆହତ କୁ ଚିକିତ୍ସା ନିମନ୍ତେ କଟକ ବଡ ମେଡିକାଲ କୁ ପଠାଇବା ସହିତ ମୃତ ଦୁଇଜଣଙ୍କୁ ଶବ ବ୍ୟବଛେଦ ନିମନ୍ତେ ଦାନଗଦି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିବା ଜଣା ପଡିଛି। ତେବେ ମୃତ ଦୁଇ ଜଣ ରାବେଣା ଗ୍ରାମର ବୋଲି ଜଣାପଡିଛି । ସେପଟେ ଆହାତ ଜଣଙ୍କର ସ୍ୱାସ୍ଥ୍ୟ ଅବସ୍ଥା ଅତି ଗୁରୁତର ଥିବା ଜଣାପଡିଛି ।
