ମୃତ୍ୟୁ ଏପରି ମଧ୍ୟ ଆସେ ! ଟ୍ରେନ୍ରୁ ଓହ୍ଲାଉଥିଲେ ଯାତ୍ରୀ ବିପରୀତ ଦିଗରୁ ମାଡି ଚାଲିଗଲା ଟ୍ରେନ
1 min read
ଯାତ୍ରୀଙ୍କ ଉପରେ ମାଡ଼ିଗଲା ଟ୍ରେନ | ଅନେକ ଲୋକ ଆହତ ହେବା ସହ ଯାଇଛି ଅନେକଙ୍କ ଜୀବନ | ଏବେ ପର୍ଯ୍ୟନ୍ତ ଯାଇଛି ୧୨ ଜଣ ଯାତ୍ରୀଙ୍କ ଜୀବନ | ଆଗକୁ ମୃତ୍ୟୁ ସଂଖ୍ୟା ବୃଦ୍ଧି ପାଇବାର ଆଶଙ୍କା ରହିଛି | ଏପରି ଭୟାନକ ଘଟଣା ଘଟିଛି ଝାଡ଼ଖଣ୍ଡ ଜାମତରା କାଲାଝରିଆରେ |
ସୂଚନା ମୁତାବକ, ଗୋଟେ ପ୍ୟାସେଞ୍ଜର ଟ୍ରେନ କାଲାଝରିଆ ଷ୍ଟେସନ ଅତିକ୍ରମ କରୁଥିବା ସମୟରେ ଲୋକୋ ପାଇଲଟ ରେଳ ଧାରଣରୁ ଧୂଆଁ ବାହାରୁ ଥିବା ଦେଖିବାକୁ ପାଇଥିଲେ। ଏହା ଦେଖି ସେ ଭାବିଥିଲେ ଯେ ଟ୍ରେନରେ ଅଗ୍ନିକାଣ୍ଡ ଘଟିଛି। ତେଣୁ ସେ ସେଠାରେ ଟ୍ରେନଟିକୁ ଅଟକାଇ ଦେଇଥିଲେ | ଟ୍ରେନ ଅଟକିଯିବାରୁ ସେଠାରୁ ଯାତ୍ରୀମାନେ ଓହ୍ଲାଇବା ଆରମ୍ଭ କରିଦେଇଥିଲେ | ଠିକ ଏହି ସମୟରେ ବିପରୀତ ଦିଗରୁ ଆସୁଥିବା ଆଉ ଏକ ଟ୍ରେନ ସହ ଓହ୍ଲାଇଥିବା ଲୋକଙ୍କ ଉପରେ ମାଡ଼ି ଯାଇଥିଲା। ଫଳରେ ୧୨ ଜଣ ଲୋକଙ୍କ ଜୀବନ ଯାଇଥିବା ଜଣାପଡ଼ିଛି।
କେତେକ ରିପୋର୍ଟ ଅନୁସାରେ ମୃତ୍ୟୁ ସଂଖ୍ୟା ଠିକରେ ଜଣାପଡ଼ୁନାହିଁ | କିଛି ରିପୋର୍ଟ ଅନୁସାରେ ୧୨ ଜଣଙ୍କ ମୃତ୍ୟୁ ହୋଇଥିବା ସମୟରେ, ଆଉ କିଛି ରିପୋର୍ଟରେ ୨ ଜଣଙ୍କ ଜୀବନ ଯାଇଥିବା କୁହାଯାଇଛି। କିନ୍ତୁ ଏପର୍ଯ୍ୟନ୍ତ ରେଳବାଇ ପକ୍ଷରୁ ମୃତ୍ୟୁ ସଂଖ୍ୟା ଧାର୍ଯ୍ୟ କରାଯାଇନାହିଁ | ଘଟଣାସ୍ଥଳରେ ମେଡିକାଲ ଟିମ ଓ ଉଦ୍ଧାରକାରୀ ଦଳ ପହଞ୍ଚିଥିଲେ । ତେବେ ଘଟଣାସ୍ଥଳରେ ଆଲୋକର ବ୍ୟବସ୍ଥା ନଥିବାରୁ ଉଦ୍ଧାର କାର୍ଯ୍ୟରେ ବାଧା ଉପୁଜିଛି।
