(ଭିଡିଓ)କ୍ରିକେଟରୁ ଚାଲିଗଲା ଯବାନଙ୍କ ଜୀବନ, ଯୁକ୍ତିତର୍କ ପରେ ଦୁବୃର୍ତ୍ତ କରିଥିଲେ ଆକ୍ରମଣ..
1 min read
ଗଂଜାମ : ଖେଳ ସାଜିଲା କାଳ । ଜୀବନ ହାରିଲେ ଭାରତୀୟ ଯବାନ । ଖେଳ ଦେଖି ଘରକୁ ଫେରୁଥିଲେ ଯବାନ । ଠିକ ଏତିକି ବେଳେ କିଛି ଦୁର୍ବୁତ୍ତ ସଂଘବଦ୍ଧ ହୋଇ ଯବାନ ଙ୍କ ଉପରକୁ ଆକ୍ରମଣ କରିଥିଲେ । ଫଳରେ ତାଙ୍କର ମୃତ୍ୟୁ ହୋଇଛି ।ଏଭଳି ଅଭାବନୀୟ ଘଟଣା ଗଞ୍ଜାମ ଜିଲ୍ଲା ଛତ୍ରପୁର ଅଞ୍ଚଳରେ ଘଟିଛି । ସୂଚନା ଅନୁଯାୟୀ ଛତ୍ରପୁର କାଳିପଲ୍ଲୀ ଗ୍ରାମର ଜେ.ଡିଲେଶ୍ୱର ପାତ୍ର ଗତ ରବିବାର ତଥା ଡିସେମ୍ବର ୩ ତାରିଖ ଦିନ ଗୋପଳପୁର ରୁ ଖେଳ ଦେଖି ଫେରୁଥିବା ବେଳେ ଚମାଖଣ୍ଡି ଥାନା ଅନ୍ତଗର୍ତ ହରିପୁର ଛକ ଠାରେ ତାଙ୍କୁ କିଛି ଦୁର୍ବୁତ୍ତ କୈାଣସି କାରଣକୁ ନେଇ ତାଙ୍କୁ ସଂଘବନ୍ଧ ଭାବେ ଆକ୍ରମଣ କରିଥିଲେ। ଯାହାଫଳରେ ସେ ରକ୍ତାକ୍ତ ଅବସ୍ଥାରେ ଘଟଣାସ୍ଥଳେର ଅଚେତ ହୋଇ ପଡି ଯାଇଥିଲେ । ପରିବାର ଲୋକ ଏହାର ଖବର ପାଇ ତାଙ୍କୁ ପ୍ରଥମେ ବ୍ରହ୍ମପୁର ପରେ ଗୁରୁତର ଅବସ୍ଥାରେ ଭୁବନେଶ୍ୱରର ଏକ ଘରୋଇ ମେଡିକାଲର ଚିକିତ୍ସା ନିମେନ୍ତ ଭର୍ତ୍ତି କରିଥିଲେ । ୪ଦିନ ଧରି ଜୀବନ ସହ ସଂଗ୍ରାମ କରି ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିବା ସୂଚନା ମିଳିଛି । କାଳିପଲ୍ଲୀ ଗ୍ରାମର ଶୋକର ଛାୟା ଖେଳିଯାଇଛି ।
ଅନ୍ୟପଟେ ଏ ଘଟଣା କୁ ନେଇ ଗତକାଲି ଚମାଖଣ୍ଡି ଥାନାରେ ୪୪୧/୨୩ନଂ ଏକ ମାମଲା ରୁଜୁ ହୋଇଥିଲା । ଜେ.ଡିଲେଶ୍ୱରଙ୍କ ସମ୍ପର୍କୀୟ ଲୋକଙ୍କ କହିବା ଅନୁସାରେ ଦୀର୍ଘ ବର୍ଷ ହେଲା ଡିଲେଶ୍ୱର ଆର୍ମିରେ କାର୍ଯ୍ୟ କରି ଆସୁଥବା ବେଳେ ଗତ କିଛି ଦିନ ତଳେ ସେ ତାଙ୍କ ଗ୍ରାମକୁ ଛୁଟିରେ ଆସିଥିଲେ । ଗତ ୩ ତାରିଖ ଦିନ ଗୋପାଳପୁର ରୁ ଖେଳ ଦେଖି ସେ ଘରକୁ ଫେରୁଥିବା ବେଳେ ହରିପୁର ଛକ ଠାରେ ତାଙ୍କୁ କିଛି ଦୁର୍ବୁତ୍ତ ସଂଘବଦ୍ଧ ଭାବେ ଆକ୍ରମଣ କରିଥିଲେ। ଫଳରେ ତାଙ୍କର ମୁଣ୍ଡ ଓ କାନକୁ ଗଭୀର ଆଘାତ ଲାଗିଥିବା ରୁ ଗୁରୁତର ଅବସ୍ଥାରେ ଭୁବେନଶ୍ୱର ଏକ ଘରୋଇ ମେଡିକାଲରେ ଚିକିତ୍ସା ହେଉଥିଲେ । ଏ ନେଇ ଡିଲେଶ୍ୱରଙ୍କ ମାଆ ଗତ ୫ ତାରିଖ ଦିନ ଚମାଖଣ୍ଡି ଥାନୋର ଏତଲା ଦେଇଥିଲେ । ବୁଧବାର ତାଙ୍କର ମୃତ୍ୟୁ ଘଟିଥିଲା । ଘରେ ତାଙ୍କର ୧୦ ଦିନର ଏକ କନ୍ୟା ସନ୍ତାନ ଥିବା ସୂଚନା ମିଳିଛି ।
