ଲାଇକେରାରେ ଧର୍ମେନ୍ଦ୍ର ପ୍ରଧାନ , କଲେ ପ୍ରଧାନମନ୍ତ୍ରୀଙ୍କ ଗୁଣଗାନ ..

ଝାରସୁଗୁଡ଼ା ଲାଇକେରା ଓ କିର୍ମିରାରେ ଜନସମାବେଶ ଏବଂ କର୍ମୀ ସମ୍ମିଳନୀରେ ଯୋଗଦେଇଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେହି ସମାବେଶରେ ଯୋଗଦେଇ ସଂଗ୍ରାମୀ ଶହୀଦ କରୁଣାକର ସିଂହ ନାଏକଙ୍କ ପ୍ରତିମୂର୍ତ୍ତିରେ ଶ୍ରଦ୍ଧାଞ୍ଜଳି ଦେଇଥିଲେ । ଏହାପରେ ପ୍ରଧାନମନ୍ତ୍ରୀ ଓଡିଶାବାସୀଙ୍କ ପାଇଁ କରିଥିବା କଲ୍ୟାଣକରି ଯୋଜନା ବିଷୟରେ କହିଥିଲେ ।ଏହା ସହିତ ସେ କହିଥିଲେ ଓଡ଼ିଶାରେ ଡବଲ ଇଞ୍ଜିନ ସରକାର ହେଲେ ଲାଇକେରା ଓ କିର୍ମିରାର ହେବ ସର୍ବାଙ୍ଗୀନ ବିକାଶ ହେବ ।

ଲୋକମାନଙ୍କ ବିଷୟରେ ଉଦବୋଧନ ଦେଇ ସେ ବରଗଡ ସାଂସଦ ପ୍ରଦୀପ ପୁରୋହିତ ଓ ଝାରସୁଗୁଡା ବିଧାୟକ ପ୍ରାର୍ଥୀ ଟଙ୍କଧର ତ୍ରିପାଠୀଙ୍କ ସମର୍ଥନରେ ପ୍ରଚାର କରିଥିଲେ । ପରେ ରେଙ୍ଗାଲି ସୋଲପାଲି ସ୍ଥିତ ମହିମା ଆଶ୍ରମରେ ପୂଜ୍ୟ ବାବା ବୀରେନ୍ଦ୍ର ଦାସଙ୍କ ଆଶୀର୍ବାଦ ନେବାପରେ ଲାଇକେରାରେ ମା’ ଅନ୍ଧାରୀ ଓ ମା’ସମଲେଇଙ୍କ ମନ୍ଦିରରେ ଦର୍ଶନ କରି ଆର୍ଶିବାଦ ନେଇଥିଲେ ଧର୍ମେନ୍ଦ୍ର ପ୍ରଧାନ ।

Advertisement