ସାମ୍ନାକୁ ଆସିଲା ଜୁନିଅର ମୁସେୱାଲାଙ୍କ ଫଟୋ, ସିଦ୍ଧୁଙ୍କ କାର୍ବନ କପି କହିଲେ ନେଟିଜେନ୍ସ
1 min read
ସାମ୍ନାକୁ ଆସିଲା ସିଦ୍ଧୁ ମୁସେୱାଲାଙ୍କ ସାନ ଭାଈର ଚେହେରା | ଦିବ୍ୟାଙ୍ଗତ ଗାୟକ ତଥା ରାପର ସିଦ୍ଧୁ ମୁସେୱାଲାଙ୍କ ପିତାମାତାଙ୍କ ନବଜାତ ପୁତ୍ରଙ୍କ ଚେହେରା ସାମ୍ନାକୁ ଆଣିଛନ୍ତି | ପ୍ରଶଂସକଙ୍କଠାରୁ ପ୍ରାପ୍ତ ଆଶୀର୍ବାଦଓ ସମର୍ଥନ ପାଇଁ ପରିବାର ବେଶ ଖୁସି ଅଛି |
ହାଇଦ୍ରାବାଦ: ସିଦ୍ଧୁ ମୁସେୱାଲାଙ୍କ ଦେହାନ୍ତ ପରେ ତାଙ୍କ ପିତାମାତା ଚଳିତବର୍ଷ ମାର୍ଚ୍ଚ ମାସରେ ଦ୍ୱିତୀୟ ସନ୍ତାନର ପିତାମାତା ହୋଇଥିଲେ । ଏହି ଖବର ଶୁଣି ଜୁନିଅର ମୁସେୱାଲାଙ୍କ ଆଗମନରେ ପରିବାର ଏବଂ ଫ୍ୟାନ୍ସହ୍କ ମଧ୍ୟରେ ଖୁସିର ଲହରୀ ଖେଲିଯାଇଥିଲା । ବର୍ତ୍ତମାନ ସିଦ୍ଧୁ ମୁସେୱାଲାଙ୍କ ମାଆ ଚରଣ କୌର ଏବଂ ପିତା ବାଲକୌର ସିଂ ଜୁନିଅର ସିଦ୍ଧୁଙ୍କ ଫଟୋ ସେୟାର କରି ସାନ ପୁଅର ଚେହେରା ଦେଖାଇଛନ୍ତି । ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ଲୋକେ ତାଙ୍କ ଚେହାରା ଦେକି ଫିଦା ହୋଇଛନ୍ତି ଏବଂ ତାଙ୍କୁ ସିଦ୍ଧୁ ମୁସେୱାଲାଙ୍କ କାର୍ବନ କପି ବୋଲି କହୁଛନ୍ତି ।
ସିଦ୍ଧୁ ମୁସେୱାଲାଙ୍କ ଇନଷ୍ଟାଗ୍ରାମରେ ତାଙ୍କ ଗୀତ ସହ ପାରିବାରିକ ଫଟୋ ପୋଷ୍ଟ କରାଯାଇଛି । ଏଥିରେ ଜୁନିଅର ମୁସେୱାଲାଙ୍କ ଚେହେରା ଦେଖିବାକୁ ମିଳିଛି । ସିଦ୍ଧୁ ମୁସେୱାଲାଙ୍କ ବାପା ଜୁନିଅର ମୁସେୱାଲାଙ୍କୁ କୋଳରେ ଧରିଥିବାର ନଜର ଆସିଛନ୍ତି । ଏହି ଫଟୋ ସେୟାର କରି ପଞ୍ଜାବୀରେ କ୍ୟାପସନରେ ଲେଖାଯାଇଛି, ‘ସେହି ଆଖିରେ ଏକ ନିଆରା ଗଭୀରତା ଅଛି, ଯାହା ଆମ ଜୀବନର ପ୍ରତ୍ୟେକ ସତ୍ୟକୁ ବୁଝିଥାଏ । ଯେଉଁ ଚେହେରାକୁ ଆମେ ଥରେ ଲୁହବୁହା ଆଖିରେ ଭଗବାନଙ୍କୁ ଦେଇଥିଲୁ, ତାହା ବର୍ତ୍ତମାନ ଭଗବାନଙ୍କ କୃପା ଏବଂ ସମସ୍ତ ଭାଇ ଓ ଭଉଣୀଙ୍କ ପ୍ରାର୍ଥନା ଦ୍ୱାରା ଆଶୀର୍ବାଦ ଭାବେ ଏକ ଛୋଟ ରୂପରେ ଆମ ପାଖକୁ ଫେରି ଆସିଛି । ଆମ ପ୍ରତି ତାଙ୍କର ଅପାର ଦୟା ପାଇଁ ଆମେ ସବୁବେଳେ ୱାହେଗୁରୁଙ୍କ ନିକଟରେ ଋଣୀ ରହିବୁ ।’
କହିରଖୁଛୁ ଯେ, ମେ 29, 2022 ରେ, ଗାୟକ ସିଦ୍ଧୁ ମୁସେୱାଲାଙ୍କୁ ତାଙ୍କ କାରରେ ମାନସା ଜିଲ୍ଲାର ଜବାହର ଗାଁରେ ଗୁଳି କରି ହତ୍ୟା କରାଯାଇଥିଲା । ଏହି ସମୟରେ ସିଦ୍ଧୁ ମୁସେୱାଲାଙ୍କୁ ମାତ୍ର 28 ବର୍ଷ ହୋଇଥିଲା । ତେବେ ତାଙ୍କ ମୃତ୍ୟୁର ଦୁଇ ବର୍ଷ ପରେ,୨୦୨୪ ମାର୍ଚ୍ଚ ୧୭ରେ ଦିବଙ୍ଗତ ଗାୟକଙ୍କ ପିତାମାତା ସେମାନଙ୍କର ଦ୍ୱିତୀୟ ସନ୍ତାନକୁ ଆଇଭିଏଫ ମାଧ୍ୟମରେ ଜନ୍ମ ଦେଇଥିଲେ । ପିତା ବାଲକୌର ସିଂ ତାଙ୍କ ପିଲାଙ୍କ ସହ ଏକ ଫଟୋ ସେୟାର କରି ଏହି ସୂଚନା ଦେଇଥିଲେ ।
ଅଧିକ ପଢ଼ନ୍ତୁ;
