ତେଜସ୍ ରିଲିଜ ପୂର୍ବରୁ ଅଯୋଧ୍ୟା ପହଞ୍ଚିଲେ ଅଭିନେତ୍ରୀ କଙ୍ଗନା, ଗେରୁଆ ଶାଢୀ ପିନ୍ଧି ଶ୍ରୀରାମଙ୍କ ଠାରୁ ନେଲେ ଆଶୀର୍ବାଦ..

ବଲିଉଡ ଅଭିନେତ୍ରୀ କଙ୍ଗନା ରାନାୱତ ବର୍ତ୍ତମାନ ତାଙ୍କ ଚଳଚ୍ଚିତ୍ର ‘ତେଜସ’ ପ୍ରମୋସନରେ ବ୍ୟସ୍ତ ଅଛନ୍ତି । ଏହି ଚଳଚ୍ଚିତ୍ରଟି ତାଙ୍କ କ୍ୟାରିଅରରେ ବିଶେଷ ମହତ୍ତ୍ୱ ରଖେ । ଏବଂ ସେଥିପାଇଁ ସେ ଏହାକୁ ହିଟ କରିବା ପାଇଁ କୌଣସି ପଥରକୁ ଛାଡିବାକୁ ଚାହୁଁନାହାଁନ୍ତି । ଅଭିନେତ୍ରୀ ଏକ ସ୍ୱତନ୍ତ୍ର ଶୈଳୀରେ ଫିଲ୍ମର ପ୍ରମୋସନ କରୁଛନ୍ତି । ଏଥିପାଇଁ ସେ ଯେଉଁ ପଦକ୍ଷେପ ନେଇଛନ୍ତି ତାହା ମଧ୍ୟ ଭିନ୍ନ ଅଟେ । ତେଜସ ଚଳଚ୍ଚିତ୍ରର ପ୍ରମୋସନ ପାଇଁ କଙ୍ଗନା ଗ୍ରହଣ କରିଥିବା ରଣନୀତି ପ୍ରଶଂସନୀୟ ଏବଂ ଏହା ମଧ୍ୟ ଅନନ୍ୟ ଅଟେ । ତେବେ ଫିଲ୍ମ ରିଲିଜ ହେବାର ଦିନକ ପୂର୍ବରୁ ବଲିଉଡ ଅଭିନେତ୍ରୀ କଙ୍ଗନା ରଣାୱତ ଅଯୋଧ୍ୟା ପହଞ୍ଚିଛନ୍ତି । ଏହାପରେ ନିର୍ମାଣ ଚାଲିଥିବା ରାମ ମନ୍ଦିରକୁ ଯାଇ ଶ୍ରୀରାମଙ୍କ ଆଶୀର୍ବାଦ ନେଇଛନ୍ତି । ତେବେ ରାମ ମନ୍ଦିର ଯିବା ବେଳେ କଙ୍ଗନା ଗେରୁଆ ରଙ୍ଗର ଶାଢୀ ପିନ୍ଧିଥିବା ନଜର ଆସିଥିଲେ ।

ମନ୍ଦିରର ବ୍ରାହ୍ମଣ ତାଙ୍କୁ ହଳଦିଆ ରଙ୍ଗର ଚୂନି ଘୋଡାଇ ଆଶୀର୍ବାଦ ଦେଇଥିଲେ । ଏହାପରେ ନିର୍ମାଣ ଚାଲିଥିବା ରାମମନ୍ଦିରର ପରିଦର୍ଶନ କରିଥିଲେ କଙ୍ଗନା । ସେ ରାମ ମନ୍ଦିରର ଭିଆଇପି ଗେଟ୧୧ ନମ୍ବର ଦେଇ ରାମଙ୍କ ଜନ୍ମ ଭୂମିକୁ ପ୍ରବେଶ କରିଥିଲେ । ସୂଚନାମୁତାବକ ଫିଲ୍ମ ତେଜସର ପ୍ରମୋଶନ ପାଇଁ, ଅଭିନେତ୍ରୀ ସେହି ଜିନିଷ ଉପରେ ଧ୍ୟାନ ଦେଇଛନ୍ତି ଯାହାର ଏହି ଚଳଚ୍ଚିତ୍ରର ପ୍ରସଙ୍ଗ ସହିତ ବିଶେଷ ସମ୍ପର୍କ ରହିଛି । ତାଙ୍କର ଏହି ପ୍ରମୋସନାଲ୍ ଷ୍ଟେପ୍ ତାଙ୍କ ସପକ୍ଷରେ ଯାଉଛି ଏବଂ ରିଲିଜ୍ ହେବା ପୂର୍ବରୁ ତାଙ୍କ ଫିଲ୍ମ ବିଷୟରେ ଆଲୋଚନା ହେଉଛି । କଙ୍ଗନା ରଣାୱତ ଖୋଲାଖୋଲି ଭାବରେ ହିନ୍ଦୁ ଧର୍ମକୁ ସମର୍ଥନ କରନ୍ତି ଏବଂ ତାଙ୍କ ମତକୁ ସ୍ପଷ୍ଟ ରଖନ୍ତି ।

ଦଶହରା ଅବସରରେ ଏହି ଅଭିନେତ୍ରୀ ଦଶନ୍ଧି ପୁରୁଣା ପରମ୍ପରାକୁ ଭାଙ୍ଗି ଦିଲ୍ଲୀର ରାମଲିଳା ମୈଦାନରେ ନିଜ ହାତରେ ରାବଣକୁ ଜାଳି ଥିଲେ । ଏହି ସମୟ ମଧ୍ୟରେ ଅଭିନେତ୍ରୀ ତାଙ୍କ ଚଳଚ୍ଚିତ୍ର ତେଜସର ଟ୍ରେଲରକୁ ଦର୍ଶକଙ୍କ ପାଇଁ ସ୍କ୍ରିନ କରିଥିଲେ ଏବଂ ଏହି ଫିଲ୍ମ ଦେଖିବା ପାଇଁ ପ୍ରଶଂସକମାନଙ୍କୁ ନିବେଦନ କରିଥିଲେ । ବର୍ତ୍ତମାନ ଚଳଚ୍ଚିତ୍ରର ପ୍ରମୋସନ୍ ପାଇଁ ଏହା ଏକ ଉତ୍ତମ ପ୍ଲାଟଫର୍ମ ଏବଂ ସୁଯୋଗ ହୋଇପାରିଛି ।