ଫିଲ୍ମ ପରେ ରାଜନୀତିରେ ପାଦ ଦେବେ କଙ୍ଗନା ରଣାୱତ, ଆଗାମୀ ନିର୍ବାଚନକୁ ନଜରେ ରଖି କହିଲେ କିଛି ଏଭଳି ..
ବଲିଉଡ ଅଭିନେତ୍ରୀ କଙ୍ଗନା ରାନାୱତ ସବୁ ବେଳେ ନିଜ ମନ୍ତବ୍ୟକୁ ନେଇ ଚର୍ଚ୍ଚାରେ ରହିଥାନ୍ତି । ଏଥର କିନ୍ତୁ ସେ ଏକ ଭିନ୍ନ କଥାକୁ ନେଇ ଚର୍ଚ୍ଚାର ପରିସରକୁ ଆସିଛନ୍ତି । ସେ ୨୦୨୪ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ନେଇ ତାଙ୍କ ଫ୍ୟାନ୍ସଙ୍କୁ ହିନଟ୍ ଦେଇଛନ୍ତି । । ନିକଟରେ କଙ୍ଗନାଙ୍କ ଫିଲ୍ମ ତେଜସ୍ ରିଲିଜ ହୋଇଛି । ତେବେ ଆଶା କରାଯାଉଥିବା ପରି ତେଜାସ ଡିଟ ହୋଇ ପାରିଲ ନାିିଁ । କହିବାକୁ ଗଲେ ଫିଲ୍ମର ରୋଜଗାର କଙ୍ଗନାକୁ ଖୁସି କରି ପାରିଲା ନାହିଁ । ଫିଲ୍ମ ରିଲିଜ୍ ହେବା ପରେ କଙ୍ଗନା ଗୁଜୁରାଟର ପ୍ରସିଦ୍ଧ ଭ୍ରମଣ ସ୍ଥଳ ଦ୍ୱାରିକାର ଜଗତ ମନ୍ଦିରରେ ପହଞ୍ଚିଥିଲେ । ଯେଉଁଠାରେ ସେ ଭଗବାନଙ୍କ ଦର୍ଶନ କରିଥିଲେ ଏବଂ ଦ୍ୱାରିକାଧୀଶ ମନ୍ଦିରରେ ମଧ୍ୟ ମୁଣ୍ଡିଆ ମାରିଥିଲେ ।
ତେବେ ଏହି ଅବସରରେ କଙ୍ଗନା ରାଣାୱତ ଗଣମାଧ୍ୟମକୁ କଥା ହୋଇଥିଲେ ଏବଂ କଥାବାର୍ତ୍ତା ବେଳେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ମଧ୍ୟ ସୂଚନା ଦେଇଥିଲେ । ବାସ୍ତବରେ ତାଙ୍କୁ ୨୦୨୪ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ପଚରାଯାଇଥିଲା । ଏହାର ଉତ୍ତରରେ କଙ୍ଗନା ରାନାୱତ କହିଛନ୍ତି ଯେ ଯଦି ଭଗବାନ ଶ୍ରୀକୃଷ୍ଣ ଚାହିଁବେ,ତେବେ ସେ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ, ତାଙ୍କ ର ଏହି ମନ୍ତବ୍ୟ ପରେ ବିଶ୍ୱାସ କରାଯାଏ ଯେ ଯଦି ସେ ସୁଯୋଗ ପାଆନ୍ତି, ତେବେ ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରିବେ । ଗତ କିଛି ବର୍ଷ ଧରି କଙ୍ଗନାଙ୍କ ବିଷୟରେ ଖବର ଆସିଥିଲା ଯେ ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରନ୍ତି । କଙ୍ଗନା ରାଜନୀତିରେ ଅନେକ ଥର ନିଜର ମତ ଦେଇ ଆସୁଛନ୍ତି । ଏଭଳି ପରିସ୍ଥିତିରେ ତାଙ୍କର ରାଜନୀତିର ଏକ ଅଂଶ ହେବା ଏକ ବଡ ଖବରଠାରୁ କମ୍ ହେବ ନାହିଁ ।
କଙ୍ଗନା ଅନେକ ସମୟରେ ଅନେକ ପ୍ରସଙ୍ଗରେ ନିଜର ମତ ପ୍ରକାଶ କରନ୍ତି । ଯେଉଁଥିପାଇଁ ସେ ମଧ୍ୟ ବିବାଦର ଶିକାର ହୋଇଥିଲେ । ସେ ମୋଦୀ ସରକାରଙ୍କ ଅନେକ ନୀତିକୁ ମଧ୍ୟ ସମର୍ଥନ କରିଆସୁଛନ୍ତି, ଯେଉଁଥିପାଇଁ ସେ ସର୍ବଦା ତାଙ୍କ ବିରୋଧୀଙ୍କ ଟାର୍ଗେଟ ଅଟନ୍ତି । କିଛି ଦିନ ପୂର୍ବେୟ ସେ ଅଯୋଧ୍ୟା ଯାଇ ରାମ ମନ୍ଦିର ବୁଲି ପୂଜାର୍ଚ୍ଚାନା କରି ଆସିଥିଲେ । ତେବେ ସେ ଅନେକ ସମୟରେ ମୋଦିଙ୍କ ଜୟଗାନ କରୁଥିବା ବେଳେ ଏଥିରୁ ଜଣା ପହଉଛି ଯେ ଆଗାମୀ ନିର୍ବାଚନରେ ସେ ବିଜେପି ପକ୍ଷରୁ ଟିକେଟ ପାଇଁ ଠିଆ ହୋଇ ପାରନ୍ତି । ତେବେ ତାହାର ଆଗାମୀ ସମୟ କହିବ ।
