ପଛରେ ପଡ଼ିଲେ ଦୀପିକା, ଶ୍ରଦ୍ଧା , ଟିକସ ପୈଠ କରି ୧ ନମ୍ବରରେ ରହିଲେ କରୀନା ..
1 min read
ବଲିଉଡ ତାରକାମାନେ ସେମାନଙ୍କର ବିଳାସପୂର୍ଣ୍ଣ ଲାଇଫ ଷ୍ଟାଇଲ ବଜାୟ ରଖିବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରନ୍ତି । ଖର୍ଚ୍ଚ କରୁଥିବା ଏହି ଟଙ୍କା ଫିଲ୍ମ ବ୍ୟତୀତ ସେମାନଙ୍କ ବିଜନେସରୁ ଆୟ କରନ୍ତି । ଷ୍ଟାରମାନେ ସେମାନଙ୍କର ଗୋଟିଏ ଚଳଚ୍ଚିତ୍ର ପାଇଁ ନିର୍ମାତାଙ୍କ ଠାରୁ କୋଟି ଟଙ୍କା ମଧ୍ୟ ଚାର୍ଜ କରିଥାନ୍ତି । ଚଳଚ୍ଚିତ୍ର ସହ ଏହି ତାରକାମାନେ ପାର୍ଶ୍ୱ ବ୍ୟବସାୟ, ବିଜ୍ଞାପନ ଏବଂ ସୋସିଆଲ୍ ମିଡିଆରୁ ମଧ୍ୟ ଭଲ ରୋଜଗାର କରନ୍ତି । ବଡ ଟଙ୍କା ରୋଜଗାର କରିବା ସହିତ ଏହି ସେଲିବ୍ରିଟିମାନେ ଆୟକର ଦେଇ ପ୍ରକୃତ ଭାରତୀୟ ହେବାର କର୍ତ୍ତବ୍ୟ ମଧ୍ୟ ପାଳନ କରନ୍ତି । ତେବେ ଏହାରି ମଧ୍ୟରେ ଅଭିନେତା ତାଲିକାରେ ଶାହାରୁଖ ଖାନ ଦେଶର ସର୍ବୋଚ୍ଚ ଟିକସ ପ୍ରଦାନ କରୁଥିବା ସେଲିବ୍ରିଟି ହୋଇଛନ୍ତି। ଏଥି ସହ ଅଭିନେତ୍ରୀ ତାଲିକାରେ କରୀନା କପୁର ଖାନଙ୍କ ନାମ ଶୀର୍ଷରେ ରହିଛି। ସେ ଦୀପିକା ପାଦୁକୋନ ଏବଂ ‘ସ୍ତ୍ରୀ ୨’ ଅଭିନେତ୍ରୀ ଶ୍ରଦ୍ଧା କପୁରଙ୍କୁ ପଛରେ ପକାଇଦେଇଛନ୍ତି |
କରୀନା କପୁର ୨୦୨୪ରେ ଭାରତର ସର୍ବାଧିକ ଟିକସ ଦେଉଥିବା ମହିଳା ସେଲିବ୍ରିଟି ହୋଇପାରିଛନ୍ତି। ସେ ୨୦ କୋଟି ଟଙ୍କାର ଟ୍ୟାକ୍ସ ଦେଇଛନ୍ତି, ଯାହା ଦୀପିକା ପାଦୁକୋନଙ୍କ ଭଳି ତାରକାଙ୍କଠାରୁ ଆଗରେ ଅଛି | କିଆରା ଆଡଭାନି ଦ୍ୱିତୀୟ ଏବଂ ପରେ କ୍ୟାଟ୍ରିନା କୈଫ ରହିଛନ୍ତି | ଏହି ତିନିଜଣଙ୍କ ବ୍ୟତୀତ ଅନ୍ୟ କୌଣସି ଭାରତୀୟ ଅଭିନେତ୍ରୀଙ୍କ ନାମ ଚଳିତ ବର୍ଷ ତାଲିକାରେ ନାହିଁ। ଶାହାରୁଖ ଖାନ ୯୨ କୋଟି ଟଙ୍କା ଦେଇ ସବୁଠାରୁ ଆଗରେ ରହିଛନ୍ତି, ଏହାପରେ ତାମିଲ ସୁପରଷ୍ଟାର ଥାଲାପାଥି ବିଜୟ (୮୦ କୋଟି) ଏବଂ ସଲମାନ ଖାନ ଅଛନ୍ତି।
