ନୂଆ ମିଶନରେ କାର୍ତ୍ତିକ ଆର୍ଯ୍ୟନ ; ଇଷ୍ଟାରେ ଫଟୋ ସେୟାର କଲି ଦେଲେ ହିଣ୍ଟର୍ସ ..
1 min read
ମୁମ୍ବାଇ : ସୋସିଆଲ ମିଡିଆରେ ନିଜ ସସଦପେନ୍ସ ଭରା ଫଟୋ ପୋଷ୍ଟ କରି ପ୍ରଶଂସକଙ୍କୁ ଚମକାଇଥାନ୍ତି କାର୍ତ୍ତିକ ଆର୍ଯ୍ୟନ । ନିଜ ନୂଆ ପ୍ରୋଜେକ୍ଟର ପ୍ରଥମ ଲୁକ୍ ସହ କାର୍ତ୍ତିକ ସବୁବେଳେ ଅପଡେଟ୍ ଥାନ୍ତି । ତେବେ ଗତ ବର୍ଷ ଭୁଲ ଭୁଲେୟାଁ-୨ ରେ କାର୍ତ୍ତିକ ଆର୍ଯ୍ୟନ୍ ନିଜର ଜବରଦସ୍ତ କମେଡି ସହ ଅଭିନୟରେ ପ୍ରଶଂସକମାନଙ୍କ ୁ ଖୁବ୍ ପ୍ରଭାବିତ କରିପାରିଥିଲେ । ସେବେଠାରୁ କାର୍ତ୍ତିକଙ୍କୁ ନେଇ ଚର୍ଚ୍ଚା ଜୋରଦାର ଚାଲିଛି ।
ଚଳିତ ବର୍ଷ ଫ୍ରେବୃଆରୀରେ କାର୍ତ୍ତିକଙ୍କ ଶେହଜାଦା ଫିଲ୍ମ ରିଲିଜ୍ ହୋଇଥିଲା । କିନ୍ତୁ ଅଫଶୋସ୍ ତାହା ଦର୍ଶକଙ୍କୁ ସେତେମାତ୍ରାରେ ମନୋରଞ୍ଜନ କରିପାରିନଥିଲା । ହେଲେ ବର୍ତ୍ତମାନ କାର୍ତ୍ତିକଙ୍କୁ ଏକ ନୂଆ ମିଶନ ବା ପ୍ରୋଜେକ୍ଟ ମିଳିଛି । ଯାହାର ନାଁ ‘ପ୍ରୋଟିନ୍ ପୋଲିସ’ ବୋଲି ଜଣାପଡିଛ । କାରଣ ନିକଟରେ କାର୍ତ୍ତିକ ନିଜ ଇଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ଏକ ଆଇକାର୍ଡ ଭଳି ଏକ ପୋଲିସ ବ୍ୟାଚ୍ ଉପରେ କାର୍ତ୍ତିକଙ୍କ ଫଟୋ ଲାଗିବା ସହ ସେଥିରେ ସ୍ପେସଲ ଏଜେଣ୍ଟ ମଧ୍ୟ ଲେଖାଯାଇଛି । ଏହା ସହ ସେଥିରେ ପ୍ରୋଟିନ ପୋଲିସର ବ୍ୟାଚ୍ ମଧ୍ୟ ରହିଛି । ତେବେ ଫଟୋଟିକୁ ନିଜ ଇଷ୍ଟାଗ୍ରାମରେ ପୋଷ୍ଟ କରି କାର୍ତ୍ତିକ କ୍ୟାପସନ୍ ଦେଇଛନ୍ତି ଯେ ‘ମୁଁ ମୋ ପରବର୍ତ୍ତି ମିଶନ ପାଇଁ ରେଡି ଅଛି’ ।
କାର୍ତ୍ତିକଙ୍କ ଏଭଳି ପୋଷ୍ଟରେ ଲୋକମାନେ ଆଶ୍ଚର୍ଯ୍ୟ ହୋଇପଡିଛନ୍ତି ।କେହି କେହି ଭାବୁଛନ୍ତି ଯେ କାର୍ତ୍ତିକ ଅଭିିନୟ ଜଗତ ଛାଡି ସ୍ପେସଲ ଏଜେଣ୍ଟ କେବେ ବନିଲେ । କିନ୍ତୁ ଆପଣଙ୍କ ଜାଣିବା ନିମନ୍ତେ ଆମେ କହିଦେବାକୁ ଚାହୁଛୁ ଯେ ଏହା କାର୍ତ୍ତିକଙ୍କ ପରବର୍ତ୍ତି ଫିଲ୍ମ । କାର୍ତ୍ତିକ ଏହି ଫିଲ୍ମରେ ଜଣେ ସ୍ପେସଲ ଏଜେଣ୍ଟ ଭାବେ ନଜର ଆସିବେ ।
